ماشي حلب ياصاحبي من قردا= ولا مروة نلتها من لهنود(جوابي على ابي خالد الصلاحي)
بدع الشاعر وليد بن عبيد عبدالله الصلاحي (ابو خالد)
[frame="1 70"][poem=font="Simplified Arabic,7,black,normal,normal" bkcolor="skyblue" bkimage="backgrounds/4.gif" border="outset,10,deeppink" type=2 line=0 align=center use=ex num="0,black"]
سبوح ياذى العرش بسمـك نبـدا=
=إليك وحدك كـف يـدي ممـدود
وأحد أحـد لا كفـؤ لـك أو نِـدّا=
=ولا أشهد ان غيـرك الـهً معبـود
ترحم لعبدك لـو طُـرح بالحـدا=
=ويوم إليك الخلق تُحشـر وتعـود
في يـوم كـرب النـاس بايشتـدا=
=لا ظل الا ظل عرشـك موجـود
والفي صلاتي مـا تلـو للحمـدا=
=وما تلـو طـه ويونـس أو هـود
علـى محمـد مُرسلـك والعبـدا=
=مولى الشفاعة والمقـام المحمـود
ويـا رسولـي شـل باقـة وردا=
=ورش ابو يونس بعطري والعـود
قلّه سلامـي حيـن خطـي يُهـدا=
=آبيـات موزونـه بطيـة معـدود
قل قال ابو خالد فلا نفـع اجـدى=
=في ظل اصلاحات وهمي ووعـود
لوضاع في أرض اليمـن تتـردى=
=تنـذر لهـا السحـبٍ بيـأم سـود
فكيف للشعـب الابـي أن يهـدى=
=وهوه من خيرات ارضه مجحـود
كأنهـا صحـراء قاحـل مــردا=
=جدبى ولا منهـا تلاقـي مـردود
حقبين كامل مـن زمنهـا عـدّى=
=ولا وصـل لا بقيتـه والمقصـود
يحلم عسى يهنـى بعيشـة رغـدا=
=مـن الفوائـد ذي عليهـم بتعـود
وتنهـب الشطريـن قومـاً لُــدا=
=شلوا بحرها في مياهـه واصيـود
وكنزهـا المدفـون تحـت البيـدا=
=محروم من نفعه شوافع و ز ي و د
إلا قلائـل بينهـم فـي سُـعـدا=
=في المجتمع تنعم بعيشـة محمـود
ومن الـى الغربـة رحالـه شـدّا=
=من نفعها يآكـل وظهـره مسنـود
واصبـح الكـادر بحيـة نـكـدا=
=تحيط به خيبـة ونفسـه مسـدود
لنصف شهر الدخـل مـا يتعـدى=
=من بعد ما يبذل لا قصى مجهـود
يكفيـه لـو وحـده فقـط يتغـدى=
=ولا يكفـي زوجتـه والمـولـود
والكادح المسكيـن وضعـه اردى=
=وعيشتـه ظنكـا بفقـره ملكـود
والقائد الحـر الـذي قـد ابـدى=
=بكـل استعـداد قمـع العـمـرود
لليوم مـا شـي للفسـاد اتصـدى=
=بالعكس عاده منتشر مثـل الـدود
ظاهر وغابي ما وضع لـه حـدّا=
=أمام كـل النـاس بأيـن مشهـود
فكيـف يرجـع عزنـا والمجـدا=
=والظلم فوق العدل قاهـر بيسـود
إذا يولـى شخـص مالـه مبـدى=
=غيـاب يحكـم والادلـة مفـقـود
با قول باعلى صوت بُعـداً بُعـدا=
=إذا يحقـق للـرخـى المنـشـود
ماتبـرى العلـة إذا كـان الــدا=
=في الجسم مستفحل عروقه ممـدود
يبـدا يصـفـي للـوبـا ذي أدّى=
=الـداء والعلـة دواهـا مـوجـود [/poem][/frame]
جواب شبل الاسد
[frame="1 70"][poem=font="Simplified Arabic,7,black,normal,normal" bkcolor="skyblue" bkimage="backgrounds/4.gif" border="outset,10,deeppink" type=2 line=0 align=center use=ex num="0,black"]
يـا مُلهـم النحلـة لتصنـع شُهـدا=
=من زهر فوق اقصان يانـع وورود
شفـى سُـقـمٍ للـبـدن والكـبـدا=
=أيضـاً ومنهـا رقيـةً للمحـسـود
آيـة مـن المولـى باقلـى نـقـدا=
=وأميرهـا عنمـا صنعتـه بيـذود
الحمـد لـك يـا واحـداً يـافـردا=
=والشكر من قلب المحب المسعـود
أنا اسئلك نـور الهـدى والرشـدا=
=وافتح لعبدك كـل بـابٍ موصـود
واجعل لنـا تقـواك خيـر الـزادا=
=للآخرة فـي يـوم ثانـي موعـود
وبعـد حيـا فـي كتـاب اتـودى=
=له نفحـت الكـاذي وشمـه بينـود
من راس شاعر حل فـوق النجـدا=
=حلالـه الخلـوة وظهـره مسنـود
لا بطن شامخ في الاعالـي امتـدا=
=جبل ثمر رمز الابى مـن لجـدود
يحمل هموم احوال شعـب اتـردى=
=من وضع في أرض السعيدة معصود
لما قراءتـه نـوم عينـي صـدّى=
=والهم فـي قلبـي وليلـي قهـدود
لا بلهـم ذي حطمـونـي عـمـدا=
=وامسيت من شـر البليـة مكبـود
قوم النكـد مـا يعرفـون الزهـدا=
=ولا معاهـم للسيـاسـة مـزهـود
مـا يعرفـون الا القـروش العـدا=
=في كل مرفق سيفهم لـك مجـرود
لا تنتظـر خيـراً لمـن قـد سـدّا=
=بابه،ويبقـى بـاب غيـره مـردود
ماشي حلب يا صاحبي مـن قـردا=
=ولا مـروة نلتهـا مــن لهـنـود
إن قلـت باتئسـف ليـوم العـقـدا=
=يوم اصبحت سمرا لصالح معقـود
قالوا خفيـف العقـل يحمـل حقـدا=
=من باطنه يُظهر خـلاف المعهـود
وان يسكتونـي يقتلـونـي كـمـدا=
=واكبر مصيبة موت حُـرٍ مكمـود
قال الفتـى مـن قلـب يحمـل ودا=
=لك يا ابا خالـد نصائـح مسـرود
ارفقتهـا نفحـات عــود الـنـدا=
=والمسك والجاوي بنـاري موقـود
اعلن على الباطـل سـلاح الضـدا=
=وانصح بحكمة دون حمل البـارود
واجعل من اشعارك شهـب للنقـدا=
=بعض القوافي وقعها كـا المجـرود
ولا تسايـر ذي يشـب الصُـعـدا=
=والزرع عوكب والجريبـة مرمـود
شفهـا مراحـل والليالـي ســودا=
=احفـظ لسانـك لا تكـون المنقـود
من وثّـق الخطـوة مسافـة عـدّى=
=ومن تعجل لـم يصـل للمقصـود
أو كالـذي يغـرس عنـب بالبيـدا=
=يفنـي حياتـه مايـذوق العنـقـود
ذا فصل،واحـذر راكبيـن اليمـدا=
=ذي حلمهم سحب الجبل بالمشـدود
هـم ذي اماتوهـا بسـن المـهـدا=
=من فكرهم يا صاح عقلـي مسبـود
يقول أبـو يونـس ختمـت الـردا=
=في ذكر من قلبـي بحبـه مشـدود
واجعل صلاتي للرسـول المُهـدى=
=من ظمن أعمالـي ليـومٍ مشهـود=[/poem][/frame]
|
المواضيع المتشابهه
العرض العادي
