الحب الأول صعب نسيان راعيه

أقول بنسى وأحسب اني نسيته
‎الحب الأول صعب نسيان راعيه
‎
عانيت في بعده كثر ما هويته
‎لا احتلت في قربه ولا نيب ناسيه
‎
لو اني أقدر جيته كان جيته
‎اللي بقوله آآآآه ويلي على أجيه
‎
بس البلا أني كلما جيت بيته
‎أخذ ثلاث أيام مدري (شنا) فيه
‎
ليل ونهار وليل واللي قفيته
‎وأنا مابين أسمه ورقمه وطاريه
‎
الله عطاني من غلاه وعطيته
‎وغيره بغى مني ولانيب معطيه
‎
قالوا هويته قلت أأيه هويته
‎قالوا تركته قلت ماني مخليه
‎
له منزل" في وسط روحي بنيته
‎جدرانه ضلوعي وهو ساكن" فيه
‎
دورت له بين الضلوع ولقيته
‎خلف الضلوع يبين(ماطى)خطاويه
‎
واليوم لا أحتجت اللقا ماأحتريته
‎حتى ثره من بين الأضلاع ما حيه
‎
ياجعل يسقى عادني لا بغيته
‎يغفى على ضلعين صدري وأصحيه
‎
ما فيه شخص في حياتي بكيته
‎الا الذي قد مات مانيب راجيه
‎
لكن هو حي ومع ذا رثيته
‎من قلبي اللي أحسن الله تعازيه
‎
حملت قلبي بالهموم ورجيته
‎كني ما عرف الا غيابه وأحاتيه
‎
أقول بنسى وأثرني مانسيته
‎الحب الأول صعب نسيان راعيه

منقول

أقول بنسى وأثرني مانسيته
‎الحب الأول صعب نسيان راعيه
ايه والله صعب وتسلم يدك اختيار موفقه فيه
وتعبير من القلب ربي يحفظك ومثل ما قال المثل الحبيب الاولي ما له مثيل

انشهد
نورت بحضورك الراقي
اسعدني تواجدك

انا اشهد انك شاعره كبيره او تهوين الشعر من قلبك حفظك الله اذا شاعر اعترفي

لا للاسف مو شاعره
متذوقه لشعر

بس ما شالله عليك متذوقه له بقوه شاعره

من ذوقك

بصراحة ذوق راقي ربي يحفظك

من ذوقك
نورت بحضورك الجميل
اسعدني تواجدك

مشاعر...
بووحك جميل و راقي
احاسيس و مشاعر رقيقه
ابداعت بنثرها بهذا الاسلوب الشيق
وقلب اجمل وارق
ماهو غريب عليك ها الا بداع
والى الا مام
ادامك الله وادامك قلم
خاطره ولا اروع يعطيك العافية