شنــقـــح الصــرف

((( شنقح الصرف ))

// قصيدة شعبية من الواقع المر\\

شنقح الصرف وانهار الريال اليماني
والسعودي تعدى ع الميه والسبعين
والمصيبه الكبيره عادها في العماني
صرف 2000 ألفين تطلع عندنا بالملايين
( بورصة عبدربه )تنقلب في ثواني
ربنا يكون في عون الغلابا المساكين
شعب تعبان ينزف من جروحه يعاني
ما تهنى براحه من زمن عام تسعين
ايش دهورك قلي يالريال اليماني؟ ؟؟
بعد ما كنت واقف فوق سبعه وخمسين
حسبي الله عليهم شلة الكوكباني
يلعبوا بالدراهم في فرنسا وبرلين
والملايين تهدر للطرب والمغاني
والسفر والسياحه في هواء الهند والصين
يملكوها شوارع عامره بالمباني
والقصور الرهيبه والفلل والرواشين
اكلهم لحم من فوقه عسل في الصياني
والموائد كثير ه خاصه بالسلاطين
والمواطن ذبحه الجوع صابر يعاني
وامتلى الظهر حقه من ديون الدكاكين
قوم جرعول صالح حملوها جواني
من بنوك المكلا دحرجوها كراتين
وين نفط المسيله وين ذيك المجاني
وين بلحاف غازه ذي يصب الملابين؟ ؟؟
عندنا بحر زاخر في اليمن والمواني
مشكلتنا الكبيره في وجود الثعابين
وضعنا صار مزري بين حاشد وشاني
يارعى زام عدى في سنين الثمانين
مرت سنين أربع والمواطن يعاني
حرب داحس وغبراء قائمه في الميادين
نصر مبعد تحقق والهدف صار ثاني
كل طرف صار يزعم نصرة الحق والدين


منقول