بدع الشاعر المعروف ابو خالد بيرق السعدي وجواب ابو عدنان (( واخر لقاء معكم ))
]السلام عليكم ورحمة الله وبركاته
ايها الكرام
يسعدني ان اطرح بين ايديكم هذه المساجله التي تشرفت ببداء من اخي العزيز
حسين عوض ابو خالد (( بيرق السعدي )) وارجو ان ينال الجوال استحسانه واعجابكم
[align=center]البدع من ابو خالد بيرق السعدي[/align]
[poem=font="Simplified Arabic,6,black,bold,normal" bkcolor="transparent" bkimage="" border="groove,4,green" type=0 line=0 align=center use=ex num="0,black"]
يالله ياكريم الجوده=سهل لي امور العوده
دام الزرع خضر عوده=والثيل معي بطينه
سالك يلكريم الوالي=جرنا سلطة البنغالي
لنه لو زقر بحبالي=يدعسني كما الفلينه
وبعدنا من المنهالي=والمسفر وال الشالي
ماشي فرق في عذالي=قدهم بالطبيعه عينه
بعد الان يامرسولي=شل الخط وحكم قولي
لان الدال في مدلولي=والدوحه امامك بينه
شله للعزيز الغالي=بو عدنان خير اموالي
لنه في عيوني عالي=عالي ماجباله لينه
سلم لي عمامت راسه=وعطه في يمنه فاسه
لن الوقت به كرفاسه=والدنيا بها تلونيه
بعد الان يابن ناجي=رد الصوت ذي هو شاجي
لني قد رأيتك زاجي=ماتهتم للبردينه
وشرح عن هموم الغربه=ذي خلت فؤادي لهبه
باندعي لبوها كبه=كبه بعدها مابينه
ياكم فرقت من اسره=تقطفها وهي بالزهره
قهر اليافعي ياقهره=تلزق مثلما الرشينه
قال البارعي من شوقي=سال الدمع وحكم طوقي
حسيت الجبل من فوقي=حتى شفت عظمي لينه
من بعد الفراق القاسي=ضيعت الكند والفاسي
هل هي قسمت ياراسي=تفرق نرجسك والتينه
رديت البكاء موالي=لنه ما خطر في بالي
ببعد يوم عن جهالي=وفرق وردتي والزينه
بعد الصوت جاوب خلي=يابيرق زمانك ولي
حبك في حبيبك جلي=بحر الحب وينك وينه
تسع اسنين بعد الغيبه=صابر عالنكد والخيبه
راسي صار كله شيبه=ونته باتجي ذلحينه
قالت لو حجرتك شيزه=ماشيني معك مزيزه
وين الوعد وين الفيزه=ذي تدوخ بها المسكينه
هذه حكمت المتعالي=ذي يحكم على ترحالي
عاد الرد ضيق حالي=ضاقت والنوايا بينه
ماشي فايده ياخلي=شف حلمك وحلمي ولي
لن سعر الفيز متعلي=والخزنه معي سنينه
قالت بس كفا ماريدك=توعدني وترمي كيدك
باتقطع نسمتك بيدك=من كثر الالم والضينه
عاشي حل يابو عدنان=قلبي قد تشعمل بركان
يبغين السفر بالميثان=تحسب والاصابع عينه
شي عندك لهذا نظره=نشتي بانزيل البهره
اعلنها لنا بالجهره=وطرح طا مكان السينه
ختمنا بذكر الهادي=ماسال المطر بالوادي
باصلي امام النادي=ومسك في يميني دينه[/poem]
[align=center]
تحياتي للجميع
اخيكم بيرق السعدي[/align][/QUOTE]
[align=center]وهذا جواب ابو عدنان بن ناجي السعدي مع التحيه[/align]
[poem=font="Simplified Arabic,6,darkblue,bold,normal" bkcolor="transparent" bkimage="" border="groove,4,darkred" type=0 line=0 align=center use=ex num="0,black"]
بسم الله بسم الخالق = بسمك يالكريم الرازق
بو عدنان بسمك ناطق = والانفس لذكرك لينه
انت الحي انت الواحد =والمؤمن لوجهك عابد
ماله من علي او حامد =وحوال القدر بتعينه
والارزاق بيد المولى = ماهي بيد ذا او ذولا
يد الله يدا طولى =من يؤمن لقي تامينه
بعد الان وين المدفع= بالشاخوف بانتنصع
وانطرح سمانا تلمع = قبل الكيف والتخزينه
ضيفي من اعز الاخوان =فوق الراس سو له ديوان
رشوا مطرحه بالريحان = وغلا فرشنا والزينه
مرحب الف في بو خالد = مرحب فيك واجد .. واجد
لك بالقلب والله شاهد =موقع فزت في تعيينه
ها والحين ياهل المحضر = باشل القلم والدفتر
واجاوب لبادع يزخر= بجمل شعر في تلحينه
رغم اخوك ما هو شاعر = لكل باذن واحد قادر
بابادر لذي بيبادر = له ردي وجب تزكينه
جاهز ابن ناجي جاهز = مابخضع ولا نا عاجز
والبادع كما هو عايز =له بالطيبه والشينه
نا ونته وخونا بو ساس =مانخضع ولا نوطي راس
والي من ورانا يحتاس = قل تسرع خطىء رجلينه
حتى لزمان اتقلب =ما يخضع جمل للثعلب
كلا له سكن او منصب=والكلمه بها تربينه
ونت افهم مراد الجمله = ون ماشي فهمت اتوله
وسحب لك حجر من جله = او دحرج بجسمك تينه
لكن قد انا بك عارف = تفهم مقصدي والصارف
لانك صاحبي والساعف= تنظر في هدف رامينه
اما عن امور الغربه = والله ان ابوها كربه
شف بو ( س ) ماسوه به =يجري لو شمم صنينه
ونت ارسلت لي بالمضمون =قلت انك باهلك محنون
بالغربه تظلي مكبون =وعيانك لهم شنينه
تتعامل مع البنغالي = وتحملت للسركالي
ذي قلت انهم كــ اعوالي= مايفهم لتينه مينه
تشكي لي ونا اشكي لك = قدنا ياعزيزي مثلك
نفس الحال عندي عندك =تذبحنا سوى سكينه
الغربه قد اعيت قلبي =والعالم بقلبي ربي
يانفسي لهمي خبي = للمولى فقط تشكينه
هذا رزقنا والمكتوب=لكنخير من ذاك الحوب
او جن النساء والحلبوب= ذي بيحطهن عنينه
صح في حقهن قصرنا =لكن وضعنا يلزمنا
هن صامين وحنا صمنا= من ايلول لا تشرينه
صح ان الهنا باللمه =بس كلا يقوي عزمه
بنكافح لكسب اللقمه=تصبر لا تقع إنينه
ونت اعمل نصيحه وصبر = شف قول المثل لو تذكر
إن ( ...........) مابيدبر =من هو بيدهن يركينه
اما الطاء ماهو معقول = حتى لو تكن كالسحبول
هذا الباب يبقى مقفول =زد لا عاد بك جنينه
ها والسين فيه انت اخبر =ان شي مقدره كان اخْيَر
باتسري معه واتسهر= واتسبح وسط غزوينه
شف ياصاحبي اهل الشام =لو يسري بتسري قدام
والعازب هنا ..... ممكن كاااام=بيدور يكحل عينه
حال المغترب حاله غير= يسري دايما عكس السير
مايفهم لنمرات الجير بس قد ربنا بيعينه
يكفي لاهنا ياخي صل = ودع الله دايم وسال
صلوا الف صل ع المرسل = الخاتم ومرسل دينه[/poem]
وهذا ولكم جميعا ابلغ تحياتي
واعتذر للاخ ابو خالد على التاخير بالرد
وذلك لاسباب خارجه عن الاراده[/QUOTE]
واخيرا ايها الاحبه
استودعكم الله الذي لا تضيع ودايعه
واسال الله ان يديم هذه االمخوه والصحبه التي تشرفت بها
فقد يكون هذا اللقاء اخر لقاء في الفتره القريبه
ونسال الله ان يسهل الامور ونعود اليكم وانتم جميعا بالف خير وعافيه
والمعذره منكم جميعا من اي قصور او زياده او اخطاء غير مقصوده
واتمنى لكم جميعا التوفيق
دمتم بحفظ الله ورعايته
اخيكم ابو عدنان
|
المواضيع المتشابهه
العرض العادي
