بدع وجواب رقم1- بين الصلاحي محمد والعيسائي 6/12/2007م
[align=center]بدع الصلاحي الى محمد العيسائي[/align]
...
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/27.gif" border="double,6,red" type=2 line=0 align=center use=ex num="0,black"]
يا الله ادعيك يا من مكتفل في عبيده=مخضر الارض بعد القحط تصبح دنينه
والصلاحي محمد قال ليله سعيده-=كم قطفنا بها من زهرة الياسمينه
زهر فله غرسناها بفيللا جديده= والسفرجل على لغصان طابت سنينه
بعد يا مرسلي قم شل لي ذا القصيده= واعطها العيسائي محمد بوقته وحينه
قل سلا مي على محمد وبوسه على ايده= واذكر ابن الضباعي ذي معي بالمدينه
لك ملا يين في مليون مني عديده=خذ سلا مي معطر بالعطور الحسينه
عيسائي منتسب نسل الرجال المجيده= لك سلامي يصل يا خير معدن وطينه
وساله ويش هي لعلام ذي هي جديده=وان يبي علم عندي اخبار ماهي بزينه
قل له أوضاعنا تحزن وصفعه جديده= وجهتها في السودان حرمه مهينه
با رضنا سبت المختار حرمه عنيده= وين ذي بايدافع عالنبي وين وينه
ذاك يالعيسائي لخبار ماهي مفيده= منها بات ابو زايد يرادف حنينه
حبنا في وصرنا لا نقص بانزيده= والجفا بانرده بالوفا والحسينه
والذ ي بايشل الكبر اش بايفيده= من تكبر على اصحابه لقي من يهينه
الله اكبر على اهل القلوب الشديده=كلما سي لهم زينه يردوا بشينه
يا مسيكين ذي طارت حمامه من ايده= بعد ما فكها اش بايفيده حنينه
ليت عاده بنى منزل لتاك الجديده= كنت باعطيه كفاره يكفر يمينه
والف صلوا على مولى الصفات ا لحميده= أحمد المصطفى المختار نور المدينه[/poem]
بسم الله الرحمن الرحيم
جواب محمد العيسائي على محمد الصلاحي في 4/12/2007م
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/31.gif" border="double,6,red" type=2 line=0 align=center use=ex num="0,black"]
مرحبا والف حيا الله قوافي فريده= فوق راسه (ابو خالد محمد) وعينه
والنعم فيه ابو زايد فتى له رصيده = عادته لا نوى ما يلقط الاّ السمينه
بعد ياهاجس المهجوس هات المفيده=الفتى ذي بيقطفها متى هي شنينه
لملم الفكر والافكار ذي هي شريده=حان وقت القضاء والرد ذا الحين حينه
با نجاوب على ما جى بطي القصيده= من علوم الزمن ذي قال ما هي بزينه
أي ورب والسماء ياصاح صفعه جديده= وجهتها على ما قلت حرمه مهينه
سود الله وجه اسود تحرى وقيده= والف لعنه على من ليس يغضب لدينه
قبح الله من للقرد كانت حفيده= والف سحقاً لها ذيك الفعول المـُشينه
واخرس الله لسان اهل النفوس البليده= بآن بغضآئـّهم واحقاد فيهم دفينه
ليس للنذل يتجرى على سيد سيده = من تطاول على المختار شـُـلـّة يمينه
يخسئوا كلهم عن ذكر صفوة عبيده= سيّد الخلق ذي نوره ظهر في جبينه
صاحب الحوض نبراس الصفات الحميده= رايت الحمد حاملها بيوم الغبينه
له تفتح جنان الخلد لا دق بـ ايده = والوسيله له الماوى بها المسك طينه
جعل روحي فداء للهاشمي والعقيده= دونه الروح والاموال ماهي ثمينه
كيف يرتاح من دمه جرى في وريده= والخنازير لا زالت تكن الضغينه
حسبي الله على شعباً ... وامه مجيده= ليس له بالمعالي غير رفعت يدينه
ذا واما السعيده لم تعـُـد شي سعيده= كدروها وصارت من سببهم حزينه
امسنا.. يومنا.. واللي نقوله نعيده= كـَـل متني ... ولا قد كلمتني رزينه
ختمها ما يلبي حاج في يوم عيده= الف صلوا على المختار يا عاشقينه [/poem]
|
المواضيع المتشابهه
العرض العادي
