( طــعــم الـحـيــاه ) للشاعر :راشد العزاني

[align=center]((((((( ( طــعــم الـحـيــاه ) )))))))[/align]

الشاعر اللي ما تـرَوّض مصابـه
الجامح اللي مـا تردعـه أساطيـل
الفارس اللي فوق جرحـي مهابـه
الشامخ اللي مـا نستـه الفناجيـل
الطيب اللي حاضـر ٍ مـع غيابـه
اللي عليه الدمع ف عيوننـا يعيـل
اللـي تمنـى الكـل يلمـس ثيابـه
بكاه إنس وجـان وطيـور ونخيـل
لـو للألـم بيـت ٍ لَصكْيـت بابـه
ولو للحَجر روح ٍ عطيتـه مناديـل
كل السمـا عيـن ٍ بكتـه بسحابـه
وذاك البحر دمع السمك والقناديـل
وكل العشب عشب ٍ نبت من كآبـه
وتوارثينا الحزن جيل ٍ ورى جيـل
يوم ان ظلام البين يصرخ غرابـه
وتوارت النجمات واليـاه وسهيـل
ليت الوجوه إتشابهـة مـع جنابـه
يوم المنايا جته/ ليـت الرجاجيـل
أستغفـر الله ون كتمـت الإجابـه
في خاطري وأبديت بعض التفاصيل
لن الحزن جاني فـزمـرة ذيابـه
وكل الأسى جاهم طيـور ٍ أبابيـل
فقدان زايـد يغـرس اليـوم نابـه
فـالظامر اللي كل شوكه محاصيل
يالشيخ زايـد ذي العيـون أتِّشابـه
في فقدكـم وقلوبنـا كنَّهـا فويـل
كل أمة الإسلام ثكلـى و مصابـه
وطعم الحياه يا شيخ ما عاد به هيل
ولا عاد من روح ولا الدمع جابـه
ولا عادة الفرحـه ورود وأكاليـل
لو تنفـدى بالـدم خضنـا عبابـه
وأصبح لدم الناس نيل ٍ على النيـل
لكن رب الكـون حكمـه وقضابـه
وهذا نصيب الكل من دون تأجيـل
يا سيـف باقـي معلـن ٍ إنتصابـه
لا غمد لك يا سيف وباقي بك صقيل
والشيخ بو سلطان دربـك مشابـه
ولا مات من خلف قروم ٍ رجاجيل
اللـي شراتـك دايـم ٍ إنسكـابـه
زمزم لشعبه سلسبيل الكـرم سيـل

وســلامــتــكـــم...

تسل م ياليافعي على هذه الدرر الجميله00

صح لسان شاعرنا الجميل00

كلمات تعانق عنان السماء00

لاهنت يالغالي 00

سلمت يمينك على كل ما نقلته لنا من فيض هذا الشاعر

الجميل وبالتوفيق00

الله لايحرمنا منك ومن طلتك الجميله00

دمت بود00وفي حفظ الرحمن0

السلام عليكم ورحمة الله وبركاته

مشكور اخوي (( النجم الساطع )) على الرد

ياسلااااام
كلمات جميله جدا جدا
صح الله لسان العزاني
واشكرك اخي اليافعي على النقل وامتاعنا بما قدمت
لك كل الحب والتقدير


ابو عدنان

السلام عليكم ورحمة الله وبركاته

مشكور اخوي (( ابو عدنان )) على الرد

صح لسان الشـــاعــر

كلمات ولا أروع

ادام الله له هذ الجمــال

كل الشكــر لك ,, اليافعــي

على النقل الرائــع

احتــرامــي

السلام عليكم ورحمة الله وبركاته

مشكور اخوي (( الريحانة )) على الرد

صح الله لسان الشاعر وسلمت الايادي الناقة

الله يعطيك العافية لا عدمناك ومنتضرين جديدك