(((( يواسيني وانا الميت ))))

(((( يواسيني وانا الميت ))))

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه


يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني ...



تحيــــــــاتي
بحـــر المشـــــــــــاعر

[align=center]السلام عليكم ورحمة الله وبركاته


الراقي


بحر المشاعر

اولا ارحب بكم بيننا

وأهلا وسهلا بيكم حللتمم اهلا ووسعتم سهلا


والف شكر على مانقلته لنا في بوحك

من كلمات رائعه وأحاسيس جميله في رثاء الأم


ومهما كتبنا ابدا لن نوفيها حقها


وكلماتها التي تجعلنا نباشر التراتيل


بأرواحنا


وبدون أن نشعر


ستكون مع تلك الكلمات لي وقفات دائمه


ومع كل ماتسطره هنا من ابداع


صباح الارواح الحا لمه
...

احتراماتي

وتقبلوا مودتي


ننتظر جديدكم بود


[/align]

ساعة مرت علي ,, شعرت بالخوف

من غفلة عيني عن معانقة بدري ..

أرتعب من أن يأخذني النوم دقائق ..

أستيقظ بها على واقع ٍ مرير ..

آآه يالها من سويعات ..أخرست صرخاتي ..

ألقت بمركبي بعيدا ً ..

أحسست أني عاجزة عن الإعتراض كعادتي ,

أرى أحلى أيام عمري تُستباح مني ..

أين كنت منها ..؟

أين كنت من بدري لم أعانقها ,, ولم أقبلها ..

آه آه واحرقة قلبي

في عيني نهرٌ عاجز عن إيصالي الى حيث مركبي ..

كم ناديتني وقلت لبيــه

لبيه يا يمه .. لبيه يا ظهري ويا سندي ..

لبيه يا شمعة حياتي

رحماك ربي من أنين ٍ أستوطن مشاعري ..

ومن آآهات وتنهيدات مزقت أخر شريان بين الحياة وبيني ..


****

اعذروني قد كتبتها على عجالة

أسأل الله العظيم أن يحفظ لكم اباءكم وأمهاتكم

ولا يريكم فيهم مكروه


اختــكمـ .. الريحــانة

دمعات
الريحانه
يسلمو عالمرور العطر

[align=center]بحر المشاعر

لاهنت ولاهان غاليك

وصح الله لسانك مليووون ولايكفووون

نقل متميز

ورحم الله موتى المسلميين اجمعين

دمت بود[/align]