حتى فرحة خاطري زرعتها فيك

وشلون ما أحبك ولآ عَدت مغليك ؟
.............. وآنت الدوآ لـ إنسان دونك يعآني
وشلون رحت وكَل صوتي ينآديك ؟
.............. يآهيييه آسمـعني ترى العمر فآني
مآقلت لكَ من قبل مآني مخليكْ
.............. يآكَيف تنساني ــ وقلبك نسآني ؟
كَتبت لك في صدر الايام ... ابغيكْ
.............. وكتبت لي : خلاص غيرك خذآني
حتى جدار الصمت لو التفت فيكْ
.............. بكَيت من صمته .. وضيق الثوآني
عشقت كَل لحظات عمرك وماضيكْ
.............. ومعك : عرفت ان الأماني .. أمآني
وسويت لك في داخلي شي يرضيكْ
................ وان كَان مايرضيك ؟؟ سويت ثآني
نزعت فرحة خاطري .. ليت تكَفيكْ ؟
................ وزرعتها في داخلك ..... ماكَفآني
ضحكَت لك وآنا من الحزن أسليكْ
.............. وحبست دمـعي لجل أقدم حنآني
وصديت وقت الضيق .. مابيك مابيكْ
.............. تشوفني أضحك .. وأنا اللي أعاني
ياهـ الزمن تكفى - طلبتك - وأرجيكْ
.............. لاتبخل بـــ وصل الحبيب الـ أناني
قد قلت له : مقدر أفارق وأحاتيكْ
.............. وقد قلت له : هـ البعد ياما كَــوآني
لكَن حسافه .. كَل صوتــن يطريكْ
.............. ياما مع نفسي ذكَرتك .... أغـآني
بـ ايديك كَل اللي حصل اييه بـ ايديكْ
.............. بديت احسك شي ... خااارج زماني
ودامك زرعت انسان غيري بـ أراضيكْ
.............. فـ أنا ماحب يكَون غيري ..... مكَاني
بـ تغيب ؟ غيب .. ولكَن اسمع محاكَيك
.............. قبل السفن تنوي بــــ هجر المواني
في خاطري كَلمة < ويمكَن > تبكَيك
.............. ابيـك تسمعها / . دقايق عشآني
لو الزمن يعطيك ... ماهوب معطيكْ
.............. شخص يحطــك بين عوج المحاني !!

الله الله الله
أحرف نطقت بروااائع جذااابة ومشاااعرعذبة
تعابير ومشاعر فريدة..احتوتها هذه القصيدة
جميل ما نقتله يداك الكريمة
راقت لي كثير ومنتظرين جديدك..
تقبل مروري .......

المشاركة الأصلية كتبت بواسطة الوعدالقاطع الله الله الله أحرف نطقت بروااائع جذااابة ومشاااعرعذبة تعابير ومشاعر فريدة..احتوتها هذه القصيدة جميل ما نقتله يداك الكريمة راقت لي كثير ومنتظرين جديدك.. تقبل مروري .......

الف شكر اخي الوعد
ماقصرت
يعطيك العافيه