كلام جاء منتظم عشره على عشـره

كلام جاء منتظم عشره على عشـره***مــن شـاعـر بــدع وحـكـم معانيـهـا
ويـقـول عــلى كـــل الـعــرب حـســره***حسـره كبيـره ومـن يـقـدر يداويـهـا
وان نأيـده علـى مـا قـال فــي نـثـره***والشمـس مـحـد بمنـخـل بايغطيـهـا
حكمنـا لـي لقـوا أربـع مائـه قصـره***هانوا العروبه وباعو كل شـي فيهـا
ذا فصل قد سار والثاني علـى فكـره***جم فرق مابين حاضرهـا وماضيهـا
على بني بكر أيضا وعلى بنـي مـره***كانـت قبـايـل تـعـادي مــن يعاديـهـا
أربعـيـن عـــام والـحــرب على بـكـره***كانوا العرب من طرح كلمـه يوفيهـا
وبـعـد عـــوده الـحـاضـر وللـعـبـره***عـوده الـى أرض لـي فيهـا يكفيـهـا
ذاكر جنوب اليمن كانـت بطـي حـره***واستعبـدت بعـدمـا قــد راح موليـهـا
وأهـل ابيـن وشبـوه صـرحـوا مــره***وقالـوا عوايـد لنـا بالـروح نفديـهـا
مغصوب يدخل وهو مغلوب ع أمره***لابــد يـزعـل وهــي لازم نراضيـهـا
وعدن مع لحج والضالع لهـم خبـره***ولهم طرق صعب تنزلهـا وتشبيهـا
وأسأل بريطانيـا عنهـم وخـذ عبـره***أرض الجنـوب الأبيـه مـن يعاديـهـا
لاتعادي الشعب لي هو قد نفذ صبره***ولقـمـة الـعـيـش بـالـشـده يلاقـيـهـا
ظالـم ويـزول مهمـا طـالـت الفـتـره***بـيـزول مـنـهـا وهـــي الله يعافـيـهـا
لابد لك من يـوم يـا ثعلـب الصحـره***قال المثل من حفر حفـره وقـع فيهـا
أنت التخلـف وأنـت الجهـل والنعـره***إنـت المعانـاه لـي مانـقـدر نعانيـهـا
ياسعـد مـش كـل مـره تسلـم الجـره***شـل النصيحـه وحــذرك لا تخليـهـا
ذه أرض تاريخها مايحتصـي عمـره***ماهـي ربابـه علـى كيفـك تخاويـهـا

تحفة
جزاك الله كل خير