الغربه ..

[ALIGN=CENTER][TABLETEXT="width:70%;backgroun d-color:black;border:1px inset deeppink;"][CELL="filter:;"][ALIGN=center]
الديـشـلـي قـــال ولـــي ذي أنـــا حــبــه
ذي سيت له وسط قلبي والحشاء محراب
كـنــا بـنـشـرب وكـنــا نــأكــل الـوجـبــة
من صحن واحد وكنـا مـن زمـان أحبـاب
ون عسعـس الليـل مـا برقـد سـوا جنبـه
مسـرور حالـي وهـو حالـه بجنبـي طـاب
ورغـم ذا الـحـال حسـيـت إن بــي لهـبـه
مـن شـدة الفقـر ذي خيـم بجنـب الـبـاب
بـكـدح ويشـقـى ولأكــن حالـتـي صعـبـه
لأدخـــل بـيــن ولـنــه لـنـواقـص جـــاب
سـافـرت للمملـكـة رغــم الخـطـر هـربـه
مغصوب فارقـت أهـل البيـت والأصحـاب
فـقـلـت يـمـكـن ولـــي بالممـلـكـة كـتـبـه
رزقي على الله ونـا بالحـق فـي الأسبـاب
وخمـسـه أعــوام لـــي بـالـمـر والتـعـبـة
الـرأس شيـب وسنـي عـادنـا بــه شــاب
مــن شــان أهـلـي وخـلـي ربـنـا حسـبـه
ماهمنـي الـحـال لأعشـتـه نـكـد وإتـعـاب
واليوم فجـاءه ومـن دون أعـرف ألسبـه
بـنـت القبـايـل تلقـتـنـي بـجـنـب الـبــاب
وقـالـت لــي ارجــع لمملكـتـك وللـعـزبـة
مملـكـتـك أتنـفـعـك وصـحـابـك الـعــزاب
ويلـك مــن الله خمـسـه أعــوام بالغـربـة
فـارقـت أهـلـك ونــي عذبـتـنـي عـــذاب
الـنــاس تـــأوي بمونـيـكـا وأبـــو دبـــه
ونتـه تروحـت لـي راكــب مــع الـركـاب
فاضـي تـروحـت ويــن العمـلـة الصعـبـة
ياخيبـتـك خــاب ظـنـي فـيـك والله خــاب
لأجـبــت خـيـتــم ولا ســاعــة ولا لــبــه
ولاعـبــايــة ســعــوديــة ولا جــلــبــاب
خليتـنـي أبـكـي عـلـى عـمـري وعشـبـه
ذي خذتها من حياتي غصب واستغصاب
ياليـتـنـي مـــا قبـلـتـك لـيـلــة ألـخـطـبـه
حتـى ولـو يعدمـوا مــن بـعـدك الخـطـاب
ويـا ليتهـا أتكسـره رجـلـي مــن الركـبـة
يـوم العـرس يـوم كدونـي معـك لصحـاب
خــلاص مـاعـدا للعيـشـة مـعــك رغـبــة
حـرقـت قلـبـي ودمـعـي كالمـطـر سـكـاب
فارقـنـي أفـصــل وكـلــن ينـفـعـه دربـــه
هـــذا قـــراري ولا داعـــي للسـتـغـراب
قلت اسكتـي بـس كفاشـي اللـوم والعتبـة
وتـعـوذي مــن كــلام الـغـاوي النـصـاب
حذرش مـن إبليـس لنـه قـد عصـي ربـه
لتصـدقـيـنـه وأنــــا تـرديـنــي الــكــذاب
قــد خــرج ادم وحــواء مــن قـفـا كـذبـه
من جنـه الخلـد واحرمهـم قطـف وعنـاب
يـمـيــن والله لــــولا الــلــوم والـعـتـبــة
والعيش والملح ذي خلي القلـوب اقـراب
وفطنـتـي بالنـسـاء ذي شـورهـن حنـبـه
ماظـن بعـد الـذي قلـشـي نـضـل انـسـاب
بـتـعـاتـبـي عــواتـــب مـالــهــا طـلــبــه
بتطلـبـيـن المـشـاكـل والـبــلاء طــــلاب
لو كان لـش عـن حياتـي بالعـزب عجبـه
والله مــا كــان قلـشـي كلـمـة استـعـتـاب
لـي خمسـه أعـوام عامـل باستـلـم رتـبـه
ألألـف والخـمـس مـيـه غيـرهـا مـاجـاب
ألألـــف بـاحـوشـه والـخـمـس لـلـعـزبـة
وعـاد لـي منهـا صرفـة رحــم و أحـبـاب
قـالـت ومــادام حـــال المـغـتـرب كـربــه
ارض اليـمـن تنتـظـر بـالـود والتـرحـاب
الخـيـر فيـهـا وفيـهـا الأهــل والصـحـبـة
والحـريـة حبـرهـا يـكـتـب بـــه الـكـتـاب
قـلـت اليـمـن بالحـلـى مـاشــي بتتـشـبـه
وعــاد قلـبـي وفــي عــن حبـهـا مـاتـاب
لأكــن أســف بــس ســوو لـهـا ضـربـه
ذي زيفـوا حسنهـا بالنـقـش والخـضـاب
صـاب الكلـف جسمهـا والسـل والحصبـة
مــن بـعـد متـورطـة بالحـمـل والإنـجـاب
شــر الـغـلاء عمـهـا وأحـوالـهـا خـصــه
والفقـر فـي دمهـا فـي الـورد والصـبـاب
عـابــوا بـهــا أهـلـهـا والـعــم والنـخـبـة
ذي يعلنـوا بالـوفـاء فيـهـا وهــم عُـيـاب
كـانـه بتظـهـر بـصـوره مثـلـمـا اللـمـبـة
واليوم شاحب ضياها بالكسـوف اصتـاب
دستـورهـا يلعـبـوا فـيـه الـخــون لـعـبـه
وأمـوالـهــا قـطـبـوهـا بـيـنـهـم قــطــاب
يداتـهـم ياعـسـى يـجـعـل لـهــا ألقـطـبـه
وتستعـجـم ألسنتـهـم وتلـصـق الأهــداب
وأذانـهـم ياعـسـى تـرشـن بـهـا عـطـبـه
صــم وبـكـم وعــم والأيــادي اعـضــاب
لأحـد ظمـي مـن ورآهـم مـا لقـي شـربـه
المـاء مـاشـي ولاشــي عــاد لــه نــزاب
تمسـي دمـوع المواطـن عالوجـن سكبـه
من يـوم صـار الغـلاء حنبـه بـلا محنـاب
والـغــاز لإســـت مــيــه قـيـمــه الــدبــة
صفـقـه جـشـع رتبـوهـا أولــي الألـبــاب
لأفـــوق رأس الـمـواطـن حـلــه النـكـبـة
والـفـايـده روحـوهــا مـجـلـس الـنــواب
رده عـلـيــا وقــالـــه حـــــذرك أتـنــبــه
العـيـب مـاهـو فـقــط عـالـقـاده الـرتــاب
الـعـيـب ذي بالـيـمـن يتـحـمـلـه شـعـبــه
ذي حطـوا العنصـريـة ورفـعـوا لـحـزاب
ذي صـوتـوا لـلـذي يطـلـب لـهـم نسـبـه
والشخـص ذات الكفائـه مـا مـعـه نـخـاب
واكبـر خطـا شيـخ مجلـس شعبـنـا طـبـه
وأعضـائـه أكثرتـهـم بالمـدرسـة طــلاب
الـحـرف منـضـمـة والـكـسـر والنـصـبـة
مايعرفـوا كيـف ينطـق فـي لـغـة لـعـراب
مـن يـزرع الـشـوك لابــد الثـمـر زربــه
وزارع الـــورد يـطـلـع لـــه ثـمــر ازاب
والختـم صلـوا علـى مـن لا نـبـي عقـبـه
طـه شفـيـع الخـلايـق مــن لـهـب لـهـاب
يـومـا بــه يـسـأل المخـلـوق عــن ذنـبـه
ياويـلـتـك يـابــن ادم يـــوم لـسـتـجـواب
[/ALIGN][/CELL][/TABLETEXT][/ALIGN]