عمر البحر ماشال همّ السفينه

من طبعي ارد الإساءه بالاحسان
وأساير ظروف الزمان اللعينه



وأطوف الغلطه من أفلان وفلان
يعني من أجل عين تكرم مدينه



الكامل الله والخطا طبع الانسان
والدرب يفرق عن يساره يمينه



والصاحب اللي له معزه وله شان
ان جاني بشينه تذكرت زينه



اتحمل اخطاءه معي قدر الأمكان
من جانبي تبقى العلاقه متينه



واللي يغلطني و ماني بغلطان
اصابعي احطها وسط عينه



مادامني مسلم وفي قلبي إيمان
عمر البحر ماشال هم السفينه



مرت علي انواع واشكال وألوان
بين العقول الناقصه والرزينه



عندي قناعه ان الإنسان شيطان
اذا يهينك لازم انك تهينه



يعني اذا حاجتك بيدين عدوان
يكفيك شر المهزله والغبينه



من كثر ماجاني من الناس خذلان
تحرجني حتى كلمة الله يعينه



صحيح لي ربع وجماعه وخلان
وأضيق _ لاكن حاجة الناس شينه



الشخص دام انه بكل شي خسران
تأكد انه من عمايل يدينه



من مرحلت حب ومشاعر وحرمان
إن مالعنت الحب تلعن سنينه



اكتب شعر واعزف من اشواقي الحان
واسلّي قلوب الغرام الحزينه



ولو الشعر مخلوق في هيئة انسان
اقول لـــــــه تـسـلـم واقـبـل جبينه

مما راق لي

يعطيك ألف عافيه أخوي على الأبيات الرائعه
لك خالص شكري

تسلم اخي على النقل الموفق
كلمات لها موقعها في كل المعاني لك
شكري واحترامي

والصاحب اللي له معزه وله شان
ان جاني بشينه تذكرت زينه



اتحمل اخطاءه معي قدر الأمكان
من جانبي تبقى العلاقه متينه



واللي يغلطني و ماني بغلطان
اصابعي احطها وسط عينه

الله عليك اخوي القاطع الساهر
صح الله لسان قايله وسلمت لنا انامل ناقله
رق لي ممارق لك
يعطيك الف عافيه

بيت بقصيدة يسلم الذوووق
مميز في اختياراتك
ما ننحرم الإحساس
والذائقة الرائعة
تحياتي