يارمضان يابو الحماحم..

يا شوقي لرمضان ، والله يا جماعة اني فارحة بقدوم رمضان فرحة خلوها على الله ولو اني بعيدة عن اهلي وعن صنعاء ..

كنت جالسة مع الوالد الله يحفظة وبعد ماهنيناه برمضان دمعت عينة طبعا مغترب واهله باليمن تكلم وحروفة تنطق الم الغربة .. وقال .. لمن كنت زغير يابنتي قبل رمضان كنا نحتفل قبل قدومة بفترة ونخرج الشوارع ننشد واحنا ندقدق على ابواب الجيران ونكون قدنا مجهزين طماشات لاستقبال الشهر الكريم

وهذا من الاناشيد التي مانسيتها وفي بالي من ايام الطفولة ،



يا رمضان يا ابو الحماحم .......... حيا بك يا ابو المكارم

يارمضان اشرق هلالك ......... من حبك حيا وصالك

يامحرش ياذي تحارش .......... يارمضان والكذب مابش

من صامك اجرة على الله ........ والفاطر امرة الى الله

رمضان يا شهر العبادة ........... من صامك اجرة زيادة

يا رمضان بالنور هلي .......... بالهناء والخير حلي



طبعا تجرعت مع ابوي الم الغربة كالعادة وحسيت بحلاوة رمضان ببلدنا ..
بس كان خاطر وشي مر علي الان مع الوالد فحبيت الكل يشاركني فرحة رمضان ويكتبلنا ذكرياته باليمن كيف كانت في استقبال الشهر..
هاا لا وصيكم ارفعوا صوت النشيدة خلوا جهالكم يرقصوا ويعرفوا كيف اليمن حالي قوي باليمن وخااااااصة "صنعاااء" احم قصدي "يافع..

[align=center][tabletext="width:70%;"][cell="filter:;"][align=center]حيا الله بصنعانية .. رجوش خلينا نعيش رمضان بهنا ولا عاد تذكرينا بالغربه والسوالف الحزينه كفايه يأس سامحش الله

والله اني كنت ناوي ها السنه رمضان في اليمن بس خرب عليا اللي خرب ولا سامحه ربي موضوع جميل مثل صاحبته

بالله عليش يصنعانيه ايش تتوقعين ها لسنه رمضان بيكون في اليمن بانسبه لليمنين اعانهم الله على ماهم فيه

غلاء في الاسعار ولا كهربا مثل الناس ولا امن ولا اامان الله يكون في عونهم .. اشكرش من الاعماق

موضوع قيم وتشكري عليه

ولش مني كل التقدير [/align][/cell][/tabletext][/align]

تسلمي اختي الصنعانيه مغتريه ويسلم الوالد الذي لم ينسى ارض الوطن الغالي والجميع لم ينسيى ارض الوطن لو يحصل ما حصل الوطن غالي وما حصل منك لهنا كان له ذكراى قويه بقلب كل يمني اصيل صح انه يختلف من منطقه الى منطقه ولكن الهدف والمضمون متغارب لك شكري وبارك الله فيك ؟
ومن هنا نقول لك مبروك عليكم الشهر وابلغي الوالد تحيتي
ونطلب له السعاده ولكم الجميع سلام

مقطع رائع جدا

وكنا نسمعه ونحن صغار فعلاً

الشكر الجزيل لك اختي الفاضله صنعانيه

اطيب التحايا لك ورمضان مبارك

وكل عام وانتي بخير ويحفظ لك الوالد

ان شاء الله

اخيك احمداليزيدي مرمن هنا

اعوووووووووه اعووووه
اختي صنعانيه لاتذكريني ايام زماان والله لما بذكر بحس بضيق
تسلمي على الطرح بارك الله فيك
مقطع رائع بروعة صاحبه اشكرك على التنزيل
شهر مبارك عليك وعلى اهلك ومن يعز عليك اللهم اميين
خالص تحياتي وتقديري لك
اخوكي الصغير زين اليزيدي

اعوووووووووه اعووووه
اختي صنعانيه لاتذكريني ايام زماان والله لما بذكر بحس بضيق
تسلمي على الطرح بارك الله فيك
مقطع رائع بروعة صاحبه اشكرك على التنزيل
شهر مبارك عليك وعلى اهلك ومن يعز عليك اللهم اميين
خالص تحياتي وتقديري لك
اخوكي الصغير زين اليزيدي