شفت جاهل ... قصيدة غزلية

شفت جاهل

[poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,8,orange" type=0 line=1 align=center use=sp num="0,black""]
قال مسعد شفت جاهل = ما حياتي ريت مثله
ما رات عيني مثيلة = شلت احساسي وعقله
يوم شفته شل روحي = نبض قلبي قف وهله
ارتجف جسمي وزادت = لوعتي يوم شفت شكله
شكلها وردة جميلة = زاهية في وسط شتله
فايحة نرجس وكاذي = ناعمة سندس بغزله
لابسه ثوب الطفولة = ظاهرة في زين حله
كتفها والساق باين = يا حلاها بحسن طفله
كفها لوحة جميله = نقشها ما شفت مثله
همسها صدح البلابل = به دوا من كل عله
قامها والخصر مايل = ما عليها اي زله
قلت له يا زين عالي = ارحمي ضاني بعله
اسكبي لي من رحيقك = سارعي يا زين نحلة
ناوليني من صنعيك = يا عسل صافي بدله
ذوقيني من شفاتك = هات لي يا خل قبله
قال لي الزم حدودك = وانتبه من اي زله
انتبه وثمن كلامك = لدفنك في وسط دهله
قلت له من يوم شفتك = سيت لي بالقلب دحلة
ما غمض جفني دقيقة = او غفى للنوم وهله
قال لي الله يصيبك = في حروفك الف جمله
قلت له ارجوك قل لي = شي معك باليد دبله
قال لي وش لك بيدي = قلت له ناوي لوصله
ناوي اجمع شتاتي = واطلب المحبوب قبله
خلني اروي عروقي = مابقي بالجسم بله
قال لي شكلك عنادي = قلت ضنك في محلة
نا خلك وانت خلي = نجمع العاشق بخله
قال لي وفر كلامك = ماكذا المطلوب وصله
لا اعرفك ولانته تدري = عننا ويش ذي نشله
قلت له من وين اصلك = وين هذا الحسن كله
قال لي من نسل يافع = يافعي اصله ونسله
يافتى معروف يافع = مرجعي معروف فصله
وانت يا مجنون قل لي = ويش جابك جنب عبله
قلت له عنتر زماني = يافعي من نفس اصله
قاصدي من حيد عالي = قريتي في راس قله
قال لي سر في طريقك = وابتعد عني لوهله
بطلبك بسم المخوه = لو تبي نبقى لاجله
غير هذا الهرج ما اقبل = لا ولن اعطيك قبله
قلت له قاسي طباعك = بس فيك الزين كله
بس بالله قبل ترحل = رد قلبي لا محله
واتركي ضاني بجرحه = ماكتب لي لم شمله
بدعي المولى يصونك = يحفظك من اي زله
يجعلك ذخرن لاهلك = يسعدك يا خير طفلة
غرتن في عين ابوها = وامها وعمه واهلة
يا صلاتي الف مرة = ع النبي في كل وهله
سيدي طه واله = عد مابالكون رمله
[/poem]

عليه افضل الصلاه و تسليم

صح لسانك


ابيات جميله وصدق انها بنيه قويه

بس لو سمحت ابى معاني الكلمات لاني ما فهمتهم

دهله
دحلة

دمت بخير

المشاركة الأصلية كتبت بواسطة همسات عليه افضل الصلاه و تسليم صح لسانك ابيات جميله وصدق انها بنيه قويه بس لو سمحت ابى معاني الكلمات لاني ما فهمتهم دهله دحلة دمت بخير

اللهم صلي على سيدنا وعلى اله وصحبة اجمعين
صح بدنك همسات
وتسلمي على المرور

الكلمات اللي مافهمتيها لها معاني كثير وتختلف من مكان لاخر
بالنسبة لكلمة دهلة تعني التربه الخصبة (( الطين )) باليافعي جربة او مزرعة.
واعتقد ان اغلب يافع يعرفوها بهذا المعنى
اما دحلة فتختلف من مكان لاخر
في منطقتنا يقال للدحلة على الدحسة .. اي الجرح السطحي اللي ياخذ مساحة بالجسم ويكون على شكل خطوط متقاربة... وانا اقصد بها دحله بالقلب اي جرح غطى القلب بكاملة.
هذا معناها في القصيدة ...
اما معانيها بعض اصحاب يافع يسمو الدحلة على النقد (( مزرعة )) تكون اسفل الصخور وتمسك ماء كثير تكون لفترة والماء فيها.

صح الله لسانك ابيات روعه وقصيدة مكتوبه من ذهب حفظك الله اخي
مبداع الله يوفقك ونريدجديدك