حد سمع عن المجلس الأعلى في قطر ؟! والشهاده الثانوية

حد سمع عن المجلس الأعلى في قطر ؟؟ أكيد كل الأعضاء اللي من دولة قطر مش سمعوا عنه وبس ( قهيه لما النخرة منهم ) طبعا انا بطرح هذا الموضوع اللي يناقش درجات الشهادة الثانوية للمدارس المستقله
سبب كتابة الموضوع :
لأني طالبة ثانوية عامه أجتهدت من أول السنة والحمد لله درجاتي كلها كانت جيد جدا وأمتياز .. تخصصي بالثانوية ( طب وصيدله ) حققت معجزة بالرياضيات لما ارتفع مستواي من جيد جدا الى a+ يعني 100% ولما دخلت الأمتحانات ، جملة وحده تصف كل الأمتحانات وللأمانه عادا الكيمياء : اشدخل الأمتحانات كانت واااااااااايد صعبة لكن اللي درس بيعرف يجاوب بشرط التركيز لأن الأسئلة محورة ..
يوم النتيجه :
اه وما أدراك ما يوم النتيجه كم كانت مفرحة ( اعكس آخر كلمة ) جاني اتصال : شوووفي درجتش ع الموقع ترى نزلوا الدرجات .. وطبعا دقات قلبي المبتهج تتقفز نحو الأنترنت عشان اشوف درجات ترفع الراااس وبعد الخبيص بالبيت ادور رقم الجلوس اكتشفت جملة اول مرة اشوفها ، ما ذكرها لكنها كانت حمراء عذرا لا يوجد هذا الرقم ، يرجى مراجعة ادراة المدرسة ابوي كان جنبي ..
وقالي : يا بنتي راسبة عادي عادي هونيها
قلت له : لا شدخل راسبة هع
جاتني اتصالات تأكد بأن الجمله معناه راسبة طبعا مادري
كيف اوصف المنظر ، ابي مصدوم ونسى يتقدى ، ويحاول يهديني لأني كنت هااااااايجه ، امي تبكي ومش مصدقة وتقول : لا لا تأكدي من الرقم ..
وأنا بي طبع حلو لما ابكي أناااااااام ..
أجى اخوي الكبير وقومني من النوم : هاه بشري كم 70
قلت له : جاي تتطنز ؟!
قال : ههههههههههه ليكون طلعت لج الجملة الحمراء ؟
قلت له : في غيرهها بتخليني كذا
ضحك وقال : يا خبله ترى الموقع مو قادر يحمل كل الدرجات ، آخر شيء اتوقعه انش راسبة والله الكل نفس الحلة لا تخافين ..
وطلعت نتيجتي :
الحمد لله درجاتي كلها عالية ( الحمد لله ) ، لكن اللهم لا اعتراض على قدرك .. كان باقي لي درجتين بالرياضيات وأنجح نسبتي : 81 ، وبدون الرياضيات : 86
الصدمه الكبرى : كل الدوحة يشتكي بنات وعيال ( مدرسة طلاب الثانوية بها 280 ، 20 نجحوا والباقي رسبوا !!
الصدمة الأكبر : راحوا المجلس الأعلى طرودهم !!
الصدمه العضمى : لك دور ثاني ، لكن حتى لو جبت علامة كاملة ، درجتك بتكون 500 من 1000!!!!!!
الصدمة الأكبر والأعضم : بنات اعرفهم واقول عنهم صفات
1- ميح بالرياضيات والأنجليزي
2- كله غايبين
3- طلعوا من لجنة الأمتحان ومجهزين للدور الثاني
وقالت لي وحده بلسانها : والله العضيم ما حليت الا اربع اسئله كيف نجحت مادري ؟!
والشطار رسبوا ، والراسبين نجحوا والمجلس الأدنى مهونها ..طنش تعش ،
المهم انهم يبدلون النضرية القديمه اللي هي : ادخل المستقلة وباتنجح ..
طبعا الجرايد تكلمت والبرامج صرخت ، والطلاب احتجوا وبكل مكان نشروا الأشاعات ..
منها : الفراشين صلحوا الورق ( بسبب عدم اتفاق المصححين على الراتب )
لو قلت يلا يمكن انا قصرت بالرياضيات ،
وش تقولون لبنت امريكية رسبت بالأنجليزي ؟!
وش تقولون لأذكى بنت بالرياضيات بثالثو جايبت نسبة ب 70 ؟؟
طيب بالله معقوله هالسنة رسبوا ؟!
والسنة الأولى الكل ناااااااااااجح !؟
والنسب للمواد بشكل عام اللي طلعوها ( كذب ) منها العربي بالتأسيسي كلهم ناجحين !!
.. واعرف كثير راسبين بالعربي ؟!
طيب خل انقول بلاش ذا كله
الطامه الكبرى انهم : طردوا الطلاب ، طيب ليش ..
طبعا انا للأسف اداوم بالمدرسة عشان الدعم الأكاديمي ...
ولا اقولها تفاخرا لكن ، انا اوقف مع الأبلة وصحح اغلاطها بحل الرياضيات ..

موقف مع العبرة :

لكن تجيني العبرة لما اشوف وحده مطرشة لي رسالة وتقول : باركي لي نجحت نسبتي 72 % عفوا لكن هذي مو نسبه !! كيف نجحت ؟! ن
نقطه فوق كل النقط : لو شفتوا نسب بنات الهندسة والطب والصيدله كلها بال80وتحت ( هذا الشطار ) كيف الكسلان ؟؟ تعرفون كيف ؟! نسب اووووووه ب 90 % .. لكن ماقول الا حسبي الله ونعم الوكيل ، خوفونا يوم خرجت النتيجه وطلعت لنا الجمله الحمراء .. وطبعا الساعة 10 طلعوا كل النتائج .. شاركونا ، واتمنى من كل قلبي يكون عندنا عضوا بالمجلس الأعلى ، أو مدرس ، أو مدير .. يشرح لنا سبب هطوال الدرجات السلبيه علينا ..
وياليت تشاركونا بهذا النقاش

تستغربين وجود مجلس اعلى في قطر....
ونحن عندنا في يمننا الحبيب ماهو اغرب!!!

المجلس الاعلى لشحاته !!!والسرقه!!!! وتاهيل المجرميين!!

يابنتي الدنيا هذي عليها العجب.
وبعدين كل واحد حر بموزه هههههه

تسلمين يالغاليه على الموضوع


سلملم

اقول صح النوم على مين يابابا . الي ذاكر نجح والي بيلعب طوال السنه وقال حينجح فشل ياالله ماعليش دور ثاني بالرياضيات احسن من اعادة السنه . بس احب اقول لك مبروك فكرسيك محجوز بالعلوم الطبيه بس شدي حيلك في الدور الثاني . واحب اقول ان معدلك اكثر مما قلتي بس لضعفك بالرياضيات ماعرفتي تحسبي واحب اقول الف الف مبروك لحصولك على المركز الاول على مدارس الثانويه بقطر بمسابقة القصة القصيره عن حقوق الانسان .ومبرك على الكمبيوتر الجائزه ؟للبيع ؟ هههههههههههه؟ قد نخلق الاعذار للفشل فان لم نتعلم ونتعلم من الفشل الخبرات وتصحيح المسار والخطوات ونعدل من خططنا لنساير الواقع فاننا سنفشل ونبحث عن اعذار اخرى نبرر فيها فشلنا وهذا يجعلنا نسير بخطط وهميه خداعه لا تدعونا للابداع وانما تدعونا الى فشل جديد بعذار جديده وهنا تتوقف مسيرة التعلم والتعليم حسب قدرات الفرد .