رساله من الاميره ريما آل سعود حول سيول الرياض

أنا مادري عن صحة الرسالة بس أحلى شي ردود هالناس المغيمين من جد


رسالة الأميرة ريما آل سعود حول سيول الرياض والردود عليها




الى كل من يتهزا بالمملكة يأسفني بأنكم أشخاص تنتمون "للوطن" و التهزي ببلدكم اللي شبعتوا من خيرها يدل على قل الوفاء و الولاء. بالاضافة ان معظم دول العالم تأخذ من مواطنينها ضرائب على كل الخدمات اللي توفرها الحكومة لهم و مع ذلك انتم عايشين فوطن ما تدفعونلها ولا ريال على الأشياء اللي قعد توفرها لكم من خدمات عامة!!!! و لسه مو عاجبكم؟! و الانسان إذا ما فيه خير لوطنه ما فيه خير لا لأهله ولا لنفسه!! حتى دراستكم ببلاش و الجامعة تعطيكم مكافآت! الدول الثانية.. الطالب يشتغل أربعة اشغال عشان يوفر تكاليف الدراسة ومع ذلك لانتوا نافعين لا أنفسكم ولا وطنكم و الدليل على تصرفاتكم الجاهلة و تضييع وقتكم بكتابة مسجات ما قعد تهينون إلا أنفسكم فيها. و كل مصيبة تحطونها على عاتق الملك و الحكومة!!! و الواحد لو يبي ينقد، ينقد نقد هادف ما يتسخر! افزعوا.. أخدموا.. صارعوا بدل ما أنتوا جالسين فبيوتكم تتشكون و تتذمرون من بناء بلدكم اللي أصلا ما ساهمتوا بتعميرها لا ماليا ولا يدويا!! و انتوا قعد تتذمرون على التبرعات.. ما تدرون ان هذا الشي طالع بأسم الشعب السعودي؟؟ ((( إذا كان بيتك من قزاز لا ترمي الناس بحجر))).... و اللي على راسه بطحة يحسس عليها!

الردود
‏​‏​‏​السلام عليكم ياطويله العمر أتمنى توصل رسالتي لك بأسرع وقت . طبعا ماراح أتكلم عن الموضوع اللى تطرق له سموك الكريم . لكن عتبي الشديد على مدرسه الإملاء اللى درستك حسبي الله عليها درستك بدون ذمه . حبيت أصحح لك بعض الكلمات لأن بعض الشعب طال عمرك مايعرفون الكلام الكشخه
مواطنينها « مواطنيها
فوطن « في وطن
تدفعونلها « تدفعون لها
قعد « قاعده
لانتوا « لا انتم برايفت .. لانتوا طال عمرك ساندوتش جديد بمطعم كودو مالها أي اختصاص بموضوعك .بس شكل سموك جوعان
قعد تهينون «لا يمكن عرض الصفحه

يتسخر! « !وش ذي طال عمرك ؟ على العموم لو كانت سبه مسموحه
بلدكم اللي أصلا ما ساهمتوا بتعميرها لا ماليا ولا يدويا!! « وهي صادزه
افزعوا.. أخدموا.. صارعوا بدل ما أنتوا جالسين فبيوتكم « الله يهديك طال عمرك وش تبينا نسوي نروح نفك الازفلت وننشره طال عمرك ؟ شكل سموك ماقد افطر لوزين وليز وعصير حار
تقبلى مروري طال عمرك :
م-ب-ج « مواطن على بند الأجور

رد آخر
لما تعيشين في بيت شعبي وبيتك وسيارتك (إذا فيه سياره)غرقانين تعرفين ليش الناس تتشكى

‏​‏​‏​مدام يؤسفك اننا ننتمي لهذا الوطن
عيشي فيه بلحالك .. وبنخليك تغرقين فيه بلحالك ولا راح أحد ينقذك لأن كل الدفاع المدني مواطنين

وأول من بيسافر ويخلي ديرته أنتي وأشكالك .. >>>>قويين بالله !! ههه

أما بالنسبه للضرائب .. هو يعني إنتي طال عمرك ما شفتي الا الدول إلي تاخذ ضرائب وما ذكرتي الدول إلي تقدم الخدمات للمواطن مجانا مثل الكهرباء والماء والهاتف الثابت .. لكن راضين أنو ندفع رسوم وأنتي ماتدفعين عشان إذا جاء الصيف تقدمين على الديوان ويعطونك مبلغ تسافرين فيه إنتي وأهلك جعلكم ماترجعون وحنا بنقعد بالبلد نشجع السياحة الداخلية ونساعد على التقليل من هجرة الأموال خارج البلد لأن البلا منا وحنا عيال *** مانستحق نعيش في هذا البلد حنا إلي دمرنا البنيه التحتيه من كثر ما نقعد فيه وأنتو مالكم دخل لأنكم طول الوقت مسافرين برا
أنا أقول الله يأخذنا أخذت عزيز مقتدر

عشان مانجرحك بنقدنا إلي مو بناء حسب رأيك طال عمرك

وتعقيبا على البلد إلي ما ساهمنا في بنائه لاماليا ولا يدويا ..
من إلي يطلع لك البترول من بطن الأرض مو مواطنين من أرامكو ..
ومن الي تبينه يبني الوطن يدويا هههههههه اختنا في الله متأثره بالتركيبه حقت البزارين
أقول بس حدث الجاهل بما لا يعقل
وعلى قولت إلي رد قبلي شكلك تفتقرين للتعليم الجيد ويتجلى ذلك بأسلوبك في التعبير عن رأيك
وعلى شحم بس







"ردآ على الأميرة :"هل تصدقين قصة "عزوز و الأربعين حرامي

اتحفتينا بمقالتك اللي كاتبتها وأنتي توك صاحيه من النوم لأنه طبعا حضرتك لا دوام ولا شغله ولا مشغله ولا يمكن دراسه زي الناس وهالشي باين من الاغلاط الإملائية اللي تفقع المخ بمقالتك اللي مثل خشتك،

طبعا ما عليك شرهه تقولين هالحكي وتمدحين مدح أعمى ما أنزل الله به من سلطان لأن حضرتك من يوم ما أنولدتي على هالدنيا تم فتح حساب باسمك ينزل فيه مرتب شهري بس لأنك أميره وياحيف لو كان كل الأميرات مثلك لا يتعدى تفكيرهم طرف خشومهم المعوجه بسبب كثرة عمليات التجميل في بيروت وباريس وعلى حساب الديوان الملكي طبعا

أما بالنسبه لكلامك انكم بنيتوا البلد أقولك كيف الحال؟
عسى ما تعبتي وأنتي شايله الاسمنت على ظهرك وتبنين؟
ولا يكون بانيتها لحالك؟ وبعدين من زين البنيان انتي وخشتك يوم انك تتميلحين وتكشخين فيه ؟

أي بنيان بالظبط ؟ بنيان جامعة نوره اللي طاح سقفها ولا بنيان الانفاق اللي طاحت فوق خلق الله ؟ ولا بنيان جامعه سعود اللي مستاجرينه من عمكم طلال اللي زرف الماليه وخلاها صفر ؟

وبعدين لا يكون تحسبين نجد والجزيره كلها حقتكم ؟ وش نظام البزران اللي انتي عايشه فيه هذا حقتنا حقتنا ؟ لا يكون الملك عبدالعزيز وحدها لحاله وحنا ما ندري؟ ولا مصدقه سالفة عزوز والأربعين حرامي اللي بكتاب التاريخ؟

ومتميلحه بالتعليم واننا ما ندفع فلوس من زين الجامعات حقتك اللي ما تفوقت إلا على الصومال يوم انك تذلين العالم فيها ؟ وبعدين الله من زين الجامعات اللي ما يجيب فيها معدل خمسه من خمسه إلا عزوز ولد فهد و نواف بنت فيصل، > هههههههههههههههههههههههههههههه ه

وبعدين المليار حق البحرين باسمنا ؟
طيب مو مشكله هالمليار اللي راح بالبحرين خليه يروح باسمنا بس المليارات الثانيه اللي بحساباتكم بدون وجه حق مع انه فيه عالم ميته من الجوع ومو لاقيه تسكن ولا تتعالج رايحه لكم بعد باسمنا بعد؟

ما أقول إلا ياشين السرج على البقر يالهطفه
وأقول أصرف لك كلمي الديوان يحطون لك مليون بحسابك عشان تروحين باريس لأن الرد هذا لعب بنفسيتك وتبين تريحين أعصابك على حساب الدوله أما المواطنين اللي يموتون كل يوم لأنه ما لقوا أكل ولا علاج ولا تعليم ولا سكن ما عليك منهم فيه رب فوقهم وفوقكم رافعين أيدينهم له ويدعون على
ال سعود إلا من رحم ربي منهم وللأسف انهم قليل جدا أما البقيه كلهم مثلك ومثل تفكيرك حق البزران. يالله أنقلعي طال عمرك

هههههههههههههههههههههههههههههه هههههههههههههه





:::: رد اضاااافي ::::

طال عمر سموك الكريم ^_* حلوه صح /



تتكلمين عن البناء والعمار واننا ماساهمنا فيها واللي يشوفك يقول انتي اللي واسيتي صبات الجسور اللي في الرياض ^_*


حق الشعب السعودي تحت الحذاء اكرمكم الله اي تبرعات تتكلمين عنها طال عمر سموك الكريم والناس في امس الحاجه لريال يشترون فيه خبر للاولاد الصباح

ماتذكرين طال عمر سموك الكريم زيارة الملك حينذاك في الرياض للناس المحتاجين والفقراء وغيرهم ... الخ

مارحتي الله مير يسلمك لبيوت في حفرالباطن ومايسمونها ( صنادق ) وماشفتي طال عمر سموك الكريم الصنادق في الحدود الشماليه

ماذبحك البرد طال عمر سموك الكريم وتوفيتي مثل حادثه الفتاه اللي في صنادق عرعر تجهز الفطور في الليل خشيه البرد في الصباح الباكر رحمها الله

بيوتهم لا تقيهم حر الصيف ولا برد الشتاء

والا صح نسيت ان طيارتك الخاصه ماتعرف الا باريس وكندا والولايات المتحده وسويسرا


اصلا تخبط لو تروح للمناطق المذكوره مسبقا ^_*



يااسيدتي الفاضله والله شي يحزن ان اقرء هذه المقاله من سموك الكريم تتكلمين فيها وكانك في فيلم بطوله سميه الخشاب

طال عمر سموك الكريم برميل النفط الواحد مايقارب 80 دولار وانتاج ارامكو السعوديه في اليوم الواحد ( يمنع عرض أرقام الهواتف والجوالات بدون أذن الإدارة ) برميل في

راس تنوره من غير المناطق الاخرى كبقيق وخريص والسفانيه وينبع وجده جازان ونجران

ماتعرفين هالمعلومه والا مااحد خبرك عنها عشان ماتاخذين زياده ^_*

اتمنى من الله عزوجل ان يذيقك الفقر وحاجه الناس اللهم امين


جالسه تكتبن في هالمقال وكني عندك مكيف سبيلت ال جي ابو عشرين طن مايوجد بالسعوديه وبجنبك فطيره سفن ديز وسفن اب من هولندا



وقاعد تخبطين في هالمقال اخطاء املائيه ونص كلامك مو واضع كلام فاضي بالعربي الفصيح ماسوينا ولافعلنا ولا شغل ولا مشغله



تعالي اشتغلي بدالي واعطيك مليون ريال بالشهر على درجه حراره 45 والله لتعيفين نفسك



اتمنى اني لطفت عليك بكلامي وماغلطت لانك طال عمر سموك الكريم قليله ادب بمقالك اللي مثل وجه سواقك



واخيرا طال عمر سموك الكريم ممكن سلف 1000 ريال للراتب



هههههههههههههههه ماضامك الزمن طال عمرك والا عرفتي وفهمتي كلامنا وهذا نقطه ببحر سوف يهيج بيوم من الايام



دمتي مع سفن ديز

ظني انه مب صج
اتوقع ذلك
والله اعلم شكرا لك على النقل وان كان صدق خافك تشوف البلاد قريب من الان اقولك

سلم على كل من نشد

هههههههههههههههههههههههههه

مشرفنا الغالي " زين اليزيدي " الله يحفظك يالغالي ..

بس مثل هذه المواضيع تكون سبب في حجب المواقع في السعودية ، وهذا الامر مجرَّب ..

فهناك مواقع حُجِبَتْ بسبب ان بعض اعضاءها تكلموا على أفراد من الاسرة الحاكمة ، أو أنهم نقلوا بعض المواضيع التي تمس بعض أفراد الاسرة الحاكمة ..

فخوفي ان مثل هذه المواضيع تكون سبب في حجب هذا المنتدى الرائع عن إخواننا في السعودية ..


فالافضل حذف هذا الموضوع للحفاظ على المنتدى وتجنب المشاكل ..


وفي الحقيقة ؛ حبيت ان ارسل لك رسالة في هذا الموضوع ، ولكن للاسف مشاركاتي لا تسمح لي بارسال رسائل حتى تبلغ 60 مشاركة ! ، فلم أجد الا ان اخاطبك هُنا في نفس الموضوع ..



تقبَّل مروري مشرفنا الغالي ..