هشام ودانه ( قصه واقعيه جدااااااااااا), ( شاب وشابه بحرينيه ) صدقوني تابعوها

[align=center][frame="8 80"]طبعا للقصص متعه وانا قريت قصة وحبيت انقلها لكم بس باسلوب شيق بس حبيت انبهكم انه ماراح اكتبها كامل الا اذا جفت تفاعل منكم يعني ابي ردود بالعربي (( والله يوم قريتها جنها فلم هندي بس يالله مو مشكلة لعيونك بنكتبها لكم ))
يالله نبتدي
بسم الله الرحمن الرحيم
جلست دانه كعادتها على كرسيها المعتاد لكي تبحر بعالم النت ، وتثبت جدارتها في خلق شخصيات لا حدود لها ، بل وتمتطي اشهر الخيول العربيه وتجذب فرسان النت ......................
دانه : اممممممممم اليوم ادش اي شات تمللت اوكى اليوم مشوارنا راح يكون في البحرين
يمكن لكل واحد منا لفتة ذكاء ، او عبقريه في شئ معين الا هي فذكائها يكمن في عالم النت وما مضمونه ، هل هذا ما يسمى الفراغ ؟؟؟؟؟
بالطبع لا لانها بنت جامعيه بل ومتوفقه ايضا ولكن مشوارها مع النت طويل جدا وعلى حسب قولها انه ادمان حاولت معالجته ولكن باءت محاولاتها بالفشل !!!!
ها هي الان تكلم 6 اشخاص في محادثاتها الكتابيه !
ولاول مره ومن 7 سنوات دانه تترك 6 اشخاص وتلتفت لشخص واحد ، جذبها حديثه ، جعلها اكثر عفويه وتلقائيه بل اخذت ايميله ! وهي التي ترفض اعطاء اي احد ايميلها بالرغم من انها قبطانة النت !
وبعد الاضافه .....
دانه : يا هلا فيك في عالمي الخاص الي استحاله يدش فيه اي احد الا شوف ولاحظ اني قلت الا بس الي فعلا يجذبوني واذا ما عجبتني بصراحه راح اسويلك بلوك ودليت بس راح اخبرك قبل اوكى ؟
هشام : اوكى وهم انا راح اسويلج نفس الشي انتي قابله ؟
دانه : اي قابله
طبعا دانه لم تخبره باسمها الحقيقي ولا حتى عمرها بل هي معلومات تتخفى فيهم في عالم النت وحتى هو لم يكن اقل ذكاء منها بالعكس ( الطيور على اشكالها تقع ) الا انه كان اقل دهاء منها !!
وكالعاده قصص النت تبدأ بماذا تصوير كل شخص منهم بالبطل والمثالي وانه وانه وانه ..... الخ
مرت الايام لم تكن كثيره الا انها كانت تكفي لتعلقها به اكثر واكثر
تغيرت حياتها لم تعد دانه مجنونه الشاتات الكتابيه او المحادثات الكتابيه صارت دانه مجنونه هشام الي يحذثها كتابيا في الماسنجر دون ان تسمع حتى صوته ، سواء بالتلفون او استخدام المايك ...
صارت تنتظره اكثر واكثر وهو ايضا
للحديث بقيه [/frame][/align]

شوق بسرعة ابي الجزء الثاني عجبتني القصة

ابي اجوف النهاية

[frame="8 80"][align=center]ههههههههههههه طيب عشانج بس
ها هو هشام الان يدخل الماسنجر ، وهي ترحب فيه بلغة النت

دانه : ولكموووووووووووووووووووو هشوم هلا والله بس هم ما احاجيك

هشام : افااا ليش عاد

دانه : تأخرت وايد 
هشام : بس رجعت شبكت صدقيني اشفيج عسوله يلا عاد ضحكي

دانه : اليوم بس ها بس مره ثانيه لالالالالالالالالالالالا

هشام : اوكى ولا يهمج 

وكالمعتاد دانه الجريئه وبعد ما حدثت صديقاتها عن فارسها ، اقترحت احداهن ان تسمع صوته
دانه تحدث نفسها : بل اما يكون مثل ما قالت هذي مريموو اخر شي يطلع لي بنيه وانا الغبيه متعلقه فيه / يعني انا الي اسويها في الكل واكلمهم اني ولد الحين اخر شي يسوونها فيني !!

دانه : اقول هشام ابي اطلب منك شي بس بصراحه مستحيه

هشام : شنو قولي انا تستحين مني ؟؟

دانه : ابي اسمع صوتك

هشام بينه وبين نفسه : وووووووووواااااااااااااااووووو وووووو انا صج ودي اعطيها بس انا من النوع الي ما اكلم بنات بره النت ، لا بس هذي شكلها غير بعطيها لالالالا ما بعطيها

وصار هشام يفكر ودانه تنتظر تقول طلع بنيه والله والدنيا قلبت عليج يا دانوووووووووو

هشام : اوكى دندوونه بعطيج بس انا اول مره اكلم بنات

دانه : شدعوه في ولد ما يكلم بنات لحظه ابي اصدق

هشام : ما بي احلف ولا شي بس انا طول عمري مكرس وقتي للدراسه والحين من بعد ما تخرجت قمت ادش النت

وبالفعل عطاها رقمه وهي ما صدقت خبر على طول اتصلت

هشام : بل بل بل بل صج انها متخرعه شنو هذي شكلها مقطعه روحها مع الشباب ، لا بس ما برد افففففف شسوي

دانه : يلا عاد مب حاله شيله ابي اتأكد

وبالفعل رد هشام على التلفون

ولكن ما هي المفاجأه !!!!!!!!!!!!!!!!

للحديث بقيه [/align][/frame]

واااااااااااااااو حلو شوقتيني ابي الجزء الثالث

[frame="8 80"][align=center]دانه : قوه والسلام عليكم

هشام : وهو متلعثم هلا والله وعليكم السلام مرحبا
هشام بينه وبين نفسه : يخرب بيت صوتها صج عجيب

دانه : شلونك هشام ؟

هشام كتب لها في الماسنجر تعالي نتكلم ما سنجر لان الولد اصلا مو عارف يتكلم ....

طبعا دانه مو بس استانست الا غرقت في بحر من الفرح لانه طله ولد ولم يكن بنت ، اما هو فقال في نفسه اتمنى اني ما اكلم غيرها طول عمري !!!!!


ومرت ايام وايام يجمعهما النت فقط ، الا ان وظيفه هشام الجديده حالت بعدم قدرته بان يدخل النت !

اما دانه فكانت تعيش حاله من الكآبه فكانت تنتظره ولكن دون جدوى .

هشام لم يكن اقل منها فهو ايضا في دائره الاشتياق الا حدودي ولكن كيف يتصل لها وهو الذي قال لها لا تتصلي لاني لا احب علاقات الهواتف وما شابه ..

ولكن في بعض الاحيان يغلب الشوق على المتشوق ...

اخذ هشام يعبث بأزرار الهاتف ، بل وكان يداعب الازرار لكي يطلب رقمها الذي لم يحفظه بل انحفر في قلبه

تررررررررررن ررررررررررررررن

في هذا الوقت كانت دانه مع صديقاتها في الجامعه ، انه تلفونها يرن ولكن من المتصل ؟

دانه وبعدما رأت الرقم وبكل استغراب بل ودهشه : هلا هلا هلا هلا عاش من سمع هالصوت هلا هشوم قول اي شي والله مشتاقه تكلم

هشام : مو انتي المشتاقه انا الي راح اموت عشان اسمع صوتج

دانه وبصوت حزين مقارب للبكاء : انت لو صج مشتاق ما ترردت ولا لحظه انك تطلبني ، يعني ليش ما تتصل ولا تشبك في النت والله حسيت ان الدنيا مو حلوه والله اني ما كنت بس تعبانه الا كنت بموت وينك فيه تكفى قول وينك وربي يا هشام كلمه مشتاقه قليله على الي فيني

هشام : والله حتى انا بس شسوي ظروف شغلي اليديده هي الي جبرتني اكون بعيد شوي

دانه : ليش انت غيرت شغلك ؟

هشام : اي الحين انا اشتغل بمثل تخصصي الي درسته وبالوظيفه اللي طالما تمنيه الحين بس تقدرين تقولين لي المهندس هشام يا الغالي

دانه : مبرووووووووووووووك تستاهل اكثر يا باش مهندس والله يوفقك بس يا البايخ وبعد لك عين تقول الغاليه وانت الي بعيد عني

هشام : والله يا دانه والله يشهد علي اني كنت مشتاق لج واصلا انا ما كنت اشبك الا عشانج بس ظروفي اجبرتني ، وبعدين سالفه الاتصال مو بيدي لاني منعتج تتصلين شلون اتصل فيج
بس تدرين ما تصورت اني اتكلم بطلاقه وياج جذي بس انتي واسلوبج الحلو تخلين الحديد يلين

دانه : يه يه يه اشعنده الحديد

هشام : دانه اانا مضطر اني اخليج الحين بس بنتواصل اذا ما عندج ما نع

دانه : يبا اي مانع اي دواس اتصل وهم انا بتصل وخلاص كيفي لا تقول ولا كلمه

هشام : ان شاء الله عمه دانه

دانه : لوووووووووووووووول فديتك لكن امانه الله يا الغالي

هشام بينه وبين نفسه : انتي ساس الغلا يا دانه

هشام : اوكى ابوي مع السلامه بحفظ الله

دانه : يسلمك ربي


للحديث بقيه [/align][/frame]

مشور على القصه الجميله