حقيقة اغنية وصدق او لا تصدق !!!

-------
ورجعنالكم تاني في برنامجكم .. اسمع ولا تصدق في اصل الاغاني
كلام اغنية سوووو يا سوووو بيقول كالتاتي
احم احم .. باتنحنح مش باخبط على حد في الحمام
.. احم احم
سوووو يا سوووو
حبيبي حبسوه
يعني .. يامصيبتي يا كارثتي
حبيبي حبسوه
***
حبيبي عايزلو سكر .. ومنين اجيبله سكر
باب الحكومه مسكر حبسوني وحبسوه
يعني .. الناس او الشعب واللي بيترمز ليه على انه الحبيب .. الشعب عايز سكر .. يعني عايز تموين من سكر وخلافه
والحكومه قفلت باب التموين ده .. وحبسو اللي بيغني .. وحبسو الشعب
***
حبيبي عايزلو ترتر .. ومنين اجيبله ترتر
ده الواد بياع الترتر حبسوني وحبسوه
يعني .. الشعب عايز يفرح ويلبس هدوم بترتر ويرقص .. بس الحكومه حبست اللي بيغني .. وحبست الشعب اللي عايز يرقص ويفرح
***
حبيبي عايزلو مرايه .. ومنين اجيبلو مرايه
دول عرفو بالحكايه .. وحبسوني وحبسوه
يعني .. الشعب عايز يشوف نفسه حلو ويبص لنفسه في المرايه .. لكن الحكومه لما عرفت ان الشعب عايز يبقى نضيف وبيطالب بالنضافه .. حبسو اللي بيغني .. وحبسو الشعب عشان عايز يشوف نفسه
***
حبيبي عايز ياسمينا .. ومنين اجيب ياسمينا
دول علّو السور علينا .. وحبسوني وحبسوه
يعني .. الشعب عايز يشم شوية هوا نضيف ويشوف خضره قدامه .. لكن الحكومه علّت سور الجناين .. ومنعت الزراعه والاستصلاح الزراعي .. وحبسو اللي بيغني .. وحبسو الناس في بيوت ومصانع وسجون
***
حبيبي عايزلو لولي .. ومنين اجيبلو لولي
دول سرقو اللولي يالولي .. وحبسوني وحبسوه
يعني .. الشعب عايز فلوس .. والحكومه سرقت الفلوس .. وحبست اللي بيغني .. وحبست الشعب اللي بيطالب بالحق
--------
دي مجرد اغنيه من اغاني منير .. مش مجرد اغنيه يترقص عليها وقت الافراح وخلاص
لأ
اغنيه فيها كلام كتير كتير كتيييير
ومش ممكن مقص الرقيب ياخد باله منه
اغنية محتاجه مننا اننا نقرا اللي مابين السطور
.. ولو انا فعلا عايز اعمل حاجه واقول حاجه .. حتى ولو مابين السطور
يبقى لازم ابقى سوووو
سوووو
من ايميلي

يعطيك ِ العافية على ذوقك بالاختيار

سلمت يمناك ِ اغنيه روعه

تقبلي خالص شكري وتقديري

دمت ِ بود

هلا وغلا فيك

استاذي الفاضل

والف شكر على المرور

وتشريفي بردكم الكريم

احتراماتي

هلا والله

وهو في شي في هذه الدنيا

في يومنا هذا بيتصدق ؟؟

مشكةؤه على المرور

مودتي

[align=center]السلام عليكم ورحمة الله وبركاته
اولا انا سعيد باشتراكي في المنتدى الجميل ده
وسعيد اكتر باني الاقي موضوع من مواضيعي الخاصه منشور هنا وده دليل على ان الحمدلله اللي باكتبه بيحوز على اعجاب القراء
واكتر حاجه اسعدتني هي آخر كلمة في الموضوع واللي المراقبه الاخت دمعات بتقول فيها انه منقول من الايميل وده شيء يحسب ليها خصوصا انها لم تنسب هذا الموضوع لشخصها في وقت كثر فيه الالتباس على الناس بين الاقتباس والسرقه الحرفيه
الحقيقه كنت اتمنى ان في الايميل اللي وصل للاخت دمعات يكون فيه اي تلميح للمدونة اللي تم سرقة الموضوع منها لكن تقريبا اللي سرق الموضوع ماكلفش نفسه يساعد الكاتب الاصلي للموضوع باكتساب المزيد من القراء والمتابعين واكتفى بمجرد نسب الموضوع لنفسه بحثا عن اي نجاح ولو لمجرد لحظات
ولو في اي شكوك ممكن تساور الاخت دمعات او تساور اي اخ من الاعضاء المحترمين معانا في المنتدى .. ده لينك لمدونتي المتواضعه وأرجوكم تتفضلو بزيارتها في اي وقت وتعلقو براحتكم واتمنى من الله سبحانه وتعالى ان موضوعاتي وكتاباتي تحوز على اعجابكم
http://soooo-30.blogspot.com
وده لينك للموضوع اللي نزلته واللي هو نفسه الموضوع المنشور هنا .. بس للأسف تم اقتباس بعض الاجزاء منه
http://soooo-30.blogspot.com/2008/01/blog-post_20.html
مره تانيه بقول اني سعيد بالانضمام ليكم هنا في المنتدى الجميل ده
والسلام عليكم ورحمة الله وبركاته[/align]
[align=left]سوووو[/align]

ثانكس على الموضوع بس للحين مو مصدقة