همس (تناديك الروح)

هو الله الاحد متعال سبحانه ومتكبر
ردائه كبريائه يا مغفل بطل الكبره

لباس الرب لا تلبس لان الله متجبر
وخذ في كبريا الشيطان ياعبد الله العبره

لمه تمشي فضولي بين خلق الله متبختر
كانك كالجبل بتشوف نفسك والعباد إبره

لمه ذلجفسره والشطحه اللي فيك يامدبر
لمه ذلقنذله ياديك والنقاب للقذره

تحس اضلاعك ان فيها زياده عل البشر وابشر
بسخريه البشر منك ومن شكلك على فكره

ولا لك اي قيمه عندهم اصل(ن) ولا تعبر
وكل الويل آيل فيك شف لك ياغبي دبره

تواضع ترتفع مثل الفقيه اللي على المنبر
يخاطب بالتي كانت هي الحسنى على الفطره

ولك في الهاشمي إسوه عليها واجب اتخبر
وطبقها وتب لله وحده ذي له الكبره