فداك الروح تستاهل لمثلك روحنـا تنسـاق

فداك الروح تستاهل لمثلك روحنـا تنسـاق
أنا يابنت لو شوقي تجمع حطـم الأشـواق


أنا من قو شوقي لك لقيت الكبـد محروقـه
ألا يازين لو تدري بما في داخـل العشـاق


يجرحنا اللهيب اللي يشب القلـب وعروقـه
محبتنا مشاعرنا نصدرهـا مـن الأعمـاق


نوردها على بحر الغـرام ونعتلـي سوقـه
والا من قلت أنا أحبك أوكدها مـن الخفـاق


لأني خابرن وأعرف أصول الحب وحقوقـه
مدام أن الوفا طبعي وطبعـك للوفـا سبـاق


أبي منك تعاهدني تصون الحـب وتسوقـه
لو أن البعد ياخلي صعيب ومـر ماينطـاق


تصبر وأصبر وبصبر عسى الأيام ملحوقـه
أكيد أني أبلقاكم وأكيـد أنـي أنـا مشتـاق


يجمعنا الزمان اللي يلـم الشمـل ويعوقـه
سرقت الروح ياخلي وماني خابرك سـراق


فقدت الروح أدورها لقيت الروح مسروقـه
فداك الروح تستاهل لمثلك روحنـا تنسـاق


بيديك الروح أقدمها هديـه غيـر مسبوقـه
نسوق الروح للغالي نصون العهد والميثـاق


توثق له مشاعرنا مصـادر حيـل موثوقـه
بيوت الشعر من قلبي وأسجلها على الأوراق


عسى تطرب جماهيرن تعرف الشعر وتذوقه


ممارااااق لي ولامس إحساسي ..

كلمات روعة واحساس اروع

كلمات تستحق النشر ويستحق كاتبها الشكر

الله يعطيك العافية ولاهنت

يسلمكـ ربي أخي الغالي دواء القلوب ويعطيكـ مليون عافية ..

مروركـ نور صفحتي وأبهج خاطري..

أشكركـ من أعمااااق قلبي ..

لاعدمت مروركـ المتألق داااائما ..

دمت بود وكما تتمنى ..

ودي وتقديري لكـ ..