قصة حقيقية ( قرااان ابيني)

قصة صاحب أبين (((((ضحك ابيني يخليك تضحك من قلبك على فكره الضحك انواع واجمل ضحك الابيني)))))


واحد من اصحابنا يتصلي امس الصباح من الوضيع واسمع صوته متغير قلنا خير ياخوي عسى ماشر,
قال اسمع انا واجي عدن المغرب احجزلي غرفه بالفندق قلت له ماشي داعي للفنادق هذي الايام غاليه تعال لك عندي البيت فاضي قال مابا ولابيوت احجزلي غرفه اشتي نجلس انا وانت شفني مكروب افهم امهراء قلنا ولايهمك لما تصل عدن دق علي وانا باروح الان احجزلك, ,
المهم وصل صاحبنا المغرب واتصل علي ولاقيته ومشينا الفندق ,,

جلسنا وكنا مخزنين وصورته مغلوبه تقول ماتوا عليه اهله كلهم هههههه,
قلنا خبر ياوليد شعك اشغلتنا الله يسامحك

قال اسمع ياعبدالله شفني باسوي مشكله كبيره
ليه ايش في قال قدك داري ان لي سنتين خاطب في بنت عمي ,,
قاطعته ايش حصل بينكم
قال امس رجعوا سلتي وقالوا امولده (البنت )ماعدهيشي حريوه رفضت,
قلت له ياخوي بنات الحلال مليان وايش زعلك ماشي الاهي في البلاد
قال طز فيها
قاطعته وضربت له مثل اننا قد حصل لنا قبلك هذه المواقف ورجعوا سلالنا وفلان وفلان, ,

قال قلنا لك مناشي فيها باحصل غيرها, ,
هااه طيب في ايش
قال انا لما خطبتها شليت ساماني في سله دعايه حق محل عطور وهدايا ومكتوب عليها لسنا الوحيدون ولكننا الافضل
قلنا وايش المشكله, ,قال الامشكله وام المشاكل لانهم قهروني ورجعوا لي ساماني في سله دعايه حق بندول ومكتوب عليها وداعآ للآلم وداعآ للصداع وهذا اللي قهرني وفور دمي ههههههههههه هههههههه والله ضحكت لما كنت بشرق من القات
وهو اعتزاء وقال عادك تفحسني فوق الجماعه.

قلت له الان انت تتكلم من عقل ولامن جنان
ياخوي قل مقهور ع بنت عمك لاتتعذر بسلتك ولابسلتهم سامانك رجع شي نقصوا منه
قال والله مااشتي ولاسامان ولافلوس انا ماقهرني الا نوع امسله دي رسلوها

رديت وانا اضحك ماقدرت اتمالك نفسي خلاص انا بخرج اغيرها وباجيب نفس سلتك لسنا الوحيدون ولكننا الافضل
قال والله ماارضا
انا جيت لاعندك لانك صديقي وخوي اشتيك تتصل على فلان اخوالبنت وتعطيه سلتهم ويرجعوا سلتي لوله ولابانفته وباسوي لهم يوم حامي غباره
وصاحبنا خلاني في موقف محرج مانفع توسلاتنا له ونذقنا الكشيده عليه ومارضي والشيطان جالس ع قرنته (راسه )
وماعدرجينا انه ينخمد
كيف نسوووي لهذا الموقف الله يسامح امنسوان لمايبدلين امسلال حق امقرنيين ههههههههههههههه
منقوووول

ممكن الترجمة لو سمحت
ما افهم أبيني

المشاركة الأصلية كتبت بواسطة أنتصار ممكن الترجمة لو سمحت ما افهم أبيني

فهمت بعضها ولكن مش كلها

طيب فهمني اللذ فهمته أنت