روائع حـضـــــرمــية @ محضاريات..

المشاركة الأصلية كتبت بواسطة ناثر الامل كذا تلقين يالدنيا تردين الوفي عياب والعايب وفـــــــي ويبقى المعرفي منكور في عينك والمنكور يبقى معــرفي متى با تنصفي علي طالت المده وهل الشهر وتناصـــــف أذا برقت في القبله ترفع فوق يا طارف ****** صبرت أيــــــام وليالي ولكن عـــــا دنا با وجهك ماباقفــــــي جمل داسي ومتحمل وانتـــــــي عا قياسك ثقلي او خففــــــي وفي الحسر الحفي مكاني عا دنا بطلع ولا ني من احد خايف أذا برقت في القبله ترفع فوق يا طارف ****** اذا نطيت انا با لا فها المشكلــــــه غيـــــــري يناوط ما لـــفي بعيــــــــــده ما تجي با لكـــــــــذب ولا بالباقه والكلام العاطفي بغت خاطر مدي مسلم ما يهمه برقها اورعدها الخاطــــــــف أذا برقت في القبله ترفع فوق يا طارف ****** زرعت البروصربته وبكره باطرح بعده بطاين مخرفي وكل مافات من الاول علي لازم من التالي بغيته يوتفي وخل سالم صفي يقلب في الملف ان كان شي عنده لحد خالف اذا برقت في القبله ترفع فوق ياطارف ******** صفاء ماء عين بامعبد لكن ماء ديار الحزم عاده ماصفي ونا قلبي بغا شربه هنيه لي بها الامراض تشتفي مرض قلبي خفي عياء فيه الطيب المول والمتعلم العارف اذا برقت في القبله ترفعت فوق ياطارف ****** وذا كله من العشقه محينه خلت الميزان ابو شوكــــــــه هفي وخلت كم وكم من جيد يستبرد وهو قد كان في مـــوقع دفي وطرفه ماغفي ونفسه تردف الونه وريقه منها ناشـــــــف أذا برقت في القبله ترفع فوق يا طارف الشاعر حسين المحضار ****** معاني بعض المفردات تلقين : اي تفعلين منكور : اي غريب مالفي : اي لم يقبض به مسلم : مستسلم للامر صربته : اي حصدته بطاين مخرفي : محصول الذره الصغيره البيضاء وكل مافات : اي كل ماعداء سالم صفي : المسؤل الاول للماليه في الدوله القعيطيه بالمكلا عين بامعبد : عين مياه تقع في محافظة شبوه ديار الحزم : منطقة الحزم قرب شبام ترفع : ارتفع طارف : الواقف في مجرى السيل هل الشهر وتناصف : دخل الشهر وانتصف ماباقفي :لن ادير ظهري الى الخلف جمل داسي : نسبة الى جمال باداس القويه الحسر الحفي : الطريق المرتفع (( عقبه طويله )) وغير ممهده نطيت : اي قفزت بناوط : يحاول ان يصل للشي مدي : طويل يستبرد : اي يبرد ماغفي : لم ينم الونه: الانين

من غناها هذه القصيدة
احاول أتذكر بو صالح
هو فنان حضرمي