06-02-2020
|
#61 | |
  
|
رد: روائع حـضـــــرمــية @ محضاريات..
بمناسبة الذكرى العشرون لرحيل الشاعر
والملحن حسين ابوبكر المحضار رحمه الله ************* تعد صورة المكان وجمالياته من الصور الشائعه في الشعر العربي قديما وحديثا لما يملكه المكان من تأثير مباشر في نفس الشاعر والذي استطاع من خلاله التعبير عن قضايا وهواجس متعدده سوا كانت سياسيه او اجتماعيه او نفسيه او فكريه.. فالمكان له علاقة جوهريه بالانسان بشكل عام وبالشاعر بشكل خاص.. ولعل هذا مايميز الشاعر في توظيفه للمكان بمختلف صوره سوا بوصف الاطلال او الطبيعه فكان له ارتباط مباشر بالمكان .. فمن خلاله يستعيد ذكرياته وايامه ومواقفه والحنين الى الوطن والديار بالحب والعواطف التي تشهدها تلك الاماكن وهي اشارة واضحه للعلاقة القويه بين الشاعر والمكان فهو لصيق به مهما غاب او اصابه التغيير او انتقل الى غيره يظل يختزنه في ذاكرته ويتغنى به وهكذا كان حضور المكان في قصائد الشاعر حسين المحضار حضورا كثيفا اذ ان استعماله وتوظيفه في شعره هو استعمال رمزي لمعان يريد الشاعر تمريرها عندما يكون وعاء لذكريات الطفوله والصبا .. ومن هنا نكشف عن الجانب الجمالي للمكان في شعر المحضار من خلال طبيعة الاماكن التي ترددت في شعره ... وبهذه المناسبه التي تحل علينا الذكرى العشرون لرحيله اقدّم لك نماذج من بعض قصائده التي ذكر فيها هذه الاماكن وخلّدها في اشعاره رحمه الله . ************ ولو مالناس لي هم في القويره لما جينا ولو لقّوا لنا ريش مكانش ياحسر دوعن عسيره فلوس التاج ما قدرت توطّيش ******* وادخل الوادي و زر ايسره والايمن وتفقّد احوال اهلها بيضان بالجمله وسود وطّوا عقابك والحسر بالغصب يادوعن لكن ماقدروا يوطّون الحيود ******* لا ابعد الله داركم ياخلّ عن داري لكن احكام المقدّر والقضاء جاري لا ماتبا حد يفهم اسرارك واسراري سيم الهوى ممدود من صيره الى سمعون لعاد ترسل لي رسول اليوم كلمنا من التلفون ********** زمن ذاكرينه في سعاد الزبينه قد تبلّغنا سنينه وايام في الديس والبقرين ********* هذي المكلا هنا نبض اليمن والخير موفور فيها والسكن من سابق اعصور والميناء بها والخور ********* فرحت حريضه بلدة العطاس والشحر من روكب الى لدواس والوادي الاسنى وشبام والغنّاء اهل العمايم والثياب اللّاس الله يديم الود بين الناس ******** ليلة في الطويله خير من الف ليله تفضّل فضيله ياصاحب الموتر تأن يالقرن ياريتك تقع لي وطن ******** ياليلة الواسط يعيد الله علينا كل سنه سرش وانوارش ونتلاقى ونحن في امان ********* مريت في سفح عيديد والحقت عد كل ضامي وعطشان فوقه يرد ما حقت عدّد محاسنه لو جيت عد ايش لبنان وايش العاصمه بيروت باحل في الغنّاء مدينه حضرموت ********* فتحنا من بواب الجبر باب من دون حد شارح وجبر الخل نحسب له حساب لاقد الزمن سانح وانعم بالمراد .. نسيم السعد من شبوه ينسنس في سعاد ********* متى باتشع الشمس لي بايلوح السناء باشم عرف الورس من سفح وادي بنا واقطف من الغيل الرياحين والحنّاء وادرج الى الواسط بتبريزة المحضار ********* ساعدونا يااهل الوادي سمعونا صوت الشادي من سواكم بايساعد يااهل وادي ابن راشد ياخوّه وصهور وعشيره حي وادي الخير ومسيره ********** من هاهنا جاني المدد ماجبت مدّي من بروم او من سقطرى او بريم مارمت غيرش ياتريم *********** بكت عليك الشحر وبكت عدن والشعر والصوت الشجي الحسن وبكت لعيان الصحاح المراض ماعندي اعتراض فيما قضاه الله ماعندي اعتراض *********** بالهناء بالهناء في الشحر او عندك بفوه هنا والمكلا اتت في ثوب زاهي جميل كل شي بالتأني انما صبر ابن آدم قليل ********** تشهد الشحر لك والغيل صح والخيص والجمارك والبرح والرمادات لك يشهدن والعوم من قديم المودّه بيننا ماهي من اليوم *********** اذكرونا يال وادي عمر واعذرونا ان كان شي قد قصر الزمن شيّب برأسي والكوارث والمآسي والفتن لي مالها حد ليش يوعد من وعد يوفي وعوده ليش يوعد ********** نداء الحق والواجب وحبك ياوطن يبطل حجّة الغايب ويتحدّى الزمن ومن له حق به طالب ولو من بعد حين بسفحك ياجبل شمسان تتلاقى المحبين ********* يارعى الله زام عدّى ومر في الغريفه في خليف الصفر فيه كم خطّمت داسي بتت طول الليل حاسي والمقد والحسر يشهد ليش يوعد ********** قالوا انه بايخليك وحدك في سهن بين جول العيص وبويش اهل السبب في حبيبي قالوا ايش ********** الشحر تشهد ان عهدي بها باقي مجدّد ما تشوبه العلاقات الجديده دائم تنشّد منها في قصيدي والنشيد قربن لي البعد يالله يامقربات البعيد ********* ضبضب لنا سد والقبالي وكم من حيد اسود باتقبّله لاصبحت سويده وان حد خطأ الحد نارنا باتردّه والحديده ********* باقطعك يادرب لو تبلغ مية ميل منك ماتعذر باسير من غير سيارة ولا خيل من دوعن الى سر ومن الرموضه الى المدحر وقطعت وديان قفرا لاجل نرضي الخليل ********* مشتاقين للربع في الغيضه مشتاقين مرتاحين او بعدنا هم غير مرتاحين شوفوهم وتخبروا عنهم زوروهم لما اماكنهم قالوا حولهم زهر ورياحين مشتاقين ********* ابكي على الاطلال اذكر واعتبر وش حوّل الاحوال وصحابي مضوا بعد الجفاء ماطال كلين بعد حاله ********** من الواسط سرح ياطير واجبر صاحبي وبشّره في يوم الفرح بالخير وشل زادك معك والمير ولا شي زاد ينفع غير جبر الخل والصاحب كل من يعرف المعروف مايعذر من الواجب ********* وقعت انا في ضيق نسّم بالغناء ضيقي وفرّج والقلب يتهيّض مع صوت الغناء والراس يدرج غن وانت في عيديد سمّع من في الحوطه ومن في الخور الجبر في الدنيا وانا من صاحبي مازلت مجبور ********** الشحر تدعيك ويناديك بندر عدن ارجع اليهم عد عا حسب عدّانك يالمغترب وسط ابطك حط ميزانك ********** عش وانت حُر سالي ولو حليت بين البرح والفج ولا تحل في قصر وسطه من دخل ماعاد يخرج لو اطعموك المن والسلوى وطافن حولك الحور *********** اعرف الحر قدني بينهم والمشتّي كنت مااهمر مجي عندهم او مبتي كنت قضّي ليالي بين صيره وحقّات ********** حذاري تخدعك لايام تصورلك قسم بشبام شبام العاليه كلّين يهواها في ذا الكون في ذا الكون ************ خالد بقلبي ذكر احبابي والقلب يعرف من هم احبابه ان يفتحوا او يقفلوا بابي با جيلهم بأسلوب والبابه ما بعد باب الله الا بابهم باب لا طالت ايام الغياب بازور في وادي العقيق احباب ************ طبنا وطاب السمر حول السويح القبالي واسعات الفناء طاب الهنا ************ بوادي الحجيرات حيث التقينا وحيث الصبا هب نوده علينا سقا الله وادي الحجيرات وشعوبه ياروم تصلح لشاجع سلوبه ************ طاب الصفاء والانس دام وبلغت مقصودي وكل المرام في الليل بانت لي علامه بارق برق من قدا شعب عيديد ************ كأني ماعرفتك بسيله ولم نسمر بسمعون ليله ولم نشرب بتلك المسيله احلى شراب قمري البان ************ طلبت العفو يااهل الصداع من الفجره وبير النقاع على العبري نصبت الشراع باسافر سقطرى وصور ماقصّر زماني معي ذلا من صحابي قصور ************** ولعاد بشربه لي في الحوف رابت النفس قنعت من الرابت وتابت وان قده لابد بشرب من دفيقه في ساعة الجبر كل مننا يعرف طريقه ************* خليك ثابت ونا ع العهد ثابت مابانحط البنادق والمسابت لما يحطونها لي في الضييقه ************ ياما ليالي في بني مالك مضين وايام في الحمراء وفي كيلو ثنين ياكم اخذنا في الهوى منها دروس في البحر الاحمر انتي ياجده عروس *********** عاد الهوى اليوم عاد ياحافظين الوداد ياموفيين الذمم بعد السنين الشداد سمعون لحلح وسال ********** متى بانظر سمعون وكثيبه الزين واشرف على القريه ومطراق حنّين ونوب العسل في الجبح بسمع حنينه ولاحد يلومه من يفارق ظنينه ********** ياريت لي اجنحه مثل البراق او ريتهم حلان في البرقه على قدم بخرج لهم نمشي وساق واللي يكون يكون قلبي مع الاحباب مرهون *********** لا نوم لي يهنأ ولا لي صفو راق كل ماتذكرت السفح والرقّه والغيد لي يمشين في ذاك الرواق كم من سميرة لون ************ قابليني ياسعاد والبسي ثوب السعاده عُدت لك والخير عاد عوّد الله كل عاده بعد ماطال البعاد بيننا والشوق زاد اجتمعنا والتقينا واللقاء كان بالاحضان *********** عيب دفنك بالرماد يابساتين الرماده العدو ايش استفاد والصديق ادمى فؤاده فيك للعافي سداد فيك للمحروم زاد فيك كم اغصان مشبوكه بأغصان *********** حد في الحجيره او ترى الناس شدّوا ع الخضيره لاتخبرت مخلوق ماجاب التحاقيق وين عادك صبر ياقلب ع السيره عادك الا قبضت الطريق ************** بيننا ماتزال الثقه بيننا العهد عاده وثيق من قدم صاحبه يلحقه ان طلع نجد او كان حيق من مشارف دفيقه لا حدود الضييقه من بلي في الهوى مايضيق ************** كل ماشفت في الهند المباني مبنيه بجد اتشوقته لدار البياني ومثاوي عسد ومآثر في الوادي اقاموها الجدود ************** طف وشف هذي الفيحاء عدن ماكماها طف وشف بحرها الاخضر يناجي سماها والدرر دائما عا شواطئ البحر تظهر يا عدن يابلاد الخير ياخير بندر ************ تعجبني الخضره في وادي عمر ياكم بها قلبي والروح اعتمر ويطيب لي فيها المقيل والسمر شني على الواسط شني وا مطر ********** يارعى الله ظبي في شعب رامه منهن قد تعب كمين رامي يصبحن تحت لشجار الظليله يقطفين الثمر لي في العناقيد *********** رعى الله ايام زينه معه في سعاد الزبينه لها سر بيني وبينه ع الناس نخفيه صابر وفي القلب ما فيه ********** خضّر الوادي في شعب رقمان يابخت حلانه والشجر دنّين ارحم ياكحيل العين ********** سيؤن ياراغب الجنه روضه مدنّه الفن فيها لقى بنّه واخضر غصنه واهل الهوى منها يجنون ********* القلب يتمنى في القرن ليله قال الزمن بشراك خذلك ليالي خفف على الظهر الحمول الثقيله لما متى ياحمول ********* لي رتبوا في رسب والسفيله بأسلاب بلجيك ماحد معه مثيله بعض السلب زين ماشي مثيله تسمع قروحه ولاتنكر الدخان ******** مشكل ان كان دخلت وسط مكلمه دوده جات من تاربه او من نواحي مدوده عادنا باصبر بعطيه في الوعد تمديد ******** اشجار في الدار دنّت ريحها يعبق يابخت من يروح الخضره ويستنشق ياكم وكم زهر في المغرب وكادي وهيل ******** انت في قلب الامارات انت في بوظبي ساكن منك لي بانت امارات زيدت حسنك محاسن صنعتك صنعه عجيبه ************ ونا حطيتهم داخل عيوني ياموليّه وماطلبوه جبته وسط ماعوني ياموليّه وتشهد لي النوب ومعالم القريه ياموليّه ************ دعوة الاوطان حين يدعيك ضبضب او جبل شمسان استجب في الآن يافؤادي المعذب سيبك النسيان ************* الشحر متشوق لها مشتاق مشتاق لأهلها مادمت حي او كنت ميّت هذي الكويت الغاليه من الشوايب صافيه ونا كمان اصطفيت من يوم شاهدنا الكويت ************* ايام عاد الكوب لاصي والحب له معنى في الحسر ماسخن براصي نسير نتعنى من شرقي طريق الرصاصه الما قاعة المشقاص ************ عليك اسمي هان حرفته وقلبي الحبان عذبته ماحسبت ان قلبي واسمي بايهون الا الما جيت سلمته ونا فرحان لك في وسط سيؤن ************ مابارجع بامشي على قدماي مالي في الرايح ولي هو جاي والوعد نا واياك وادي العين ياباداس ************* تركت الحرث لاجله والمساني ولأجله بعت قسمي في سنا وقلت الكل غير الله فاني ويبقى الجبر في دار الفناء رجع بالجبر عذبنا وذوقنا صنوف الهجر والوانه *************** باحلف بالله القسم بيننا محد قسم قد معي خير القسامي لو يطلبونه بدم شاركت في دمه من دمي وتريم تشهد واهل دمّون ************ يوم في الحبس مثل العرس وان قلت اعظم ريح النفس خلا الانس على القلب خيّم هزّه الشوق وتذكر صحابه مسيكين حط ماطر وخضبت في الحباس البيادين *********** امي الشحر والوالد جبل ضبضب وابني الحيد الاسود وابنتي ضبه كلما جيتهم قالوا هلا مرحب عش هنا بيننا لا تنزل الرحبه بانسايرك عا سيره وخبّه ضننا فيك طول الوقت مابايخيب يوم كل مجتهد له نصيب ونا نصيبي في الدنيا حبيب *************** تباعدنا ولكن ماانتهينا من الحب والمحبه مالها ناهي اذا قربت نهايتها ابتدينا قبضنا في طرف من خيطها الواهي ولا بانت لنا في الحب آيه متى بانلتقي ياخل او بانفترق نا واياك فضيحتك ان وصلت انت ونا مزقول بين الحبس والدكداك ****************** ولازل عزان فيها ولا عربد ولاشي بها من ميفعه زل او تقصير وذي هم بحبّان والمحفد يعرفون حق العين ويقدروه تقدير وفي العسر والتيسير عليهم وثن يوفوه لا شي عليهم دين ************* الرييده سقوني الدر فيها وربوني ماتناسيت سدة الدار والبوني كل دخله بترحيبه والزمل والتناصير ريتنا طير فوق العاره والحوم باطير *********** جيت الغريفه والخلع طيفه بطيفه واهل الزراعه كلين حامل عطيفه قلت اقسموا لي من لي معاكم لقوا معروف ************ ما هي نحيفه والنفس ما هي ضعيفه ياكم عبرنا وديان صعبه حضيفه حسر العطيفه يشهد وكم من جبل معطوف ************ سرحت نحوه طرفي انظر في قوامه والجمال وسألت مثل الصحفي من سيؤن انت او شبام لهجتك فيها نبره تشبه شبام الصفره صبت الغرض او زليت ايش تنفعك ياريت ************* قلبي في القطن قاطن وان شف شف العنين لاتنكرونه مواطن له نخل فيها وطين وان كان جارت وشحت سنينه وحلت مسامير بم المكينه ولعاد حصل بن آدم يعينه ربه معه بايعين ياسارح القطن سلم لي على القاطنين ************** تلقي زرع جربتكم طمت ع الحرث والروضه ونا قسمي بذمتكم رموا لي قسم في غوضه ولو تبغون في القرص ميتين انا ماباه قرضه ولا دين ثقوا واستامنوا ليش ذا الخوف طريق اهل الهوى كلها نوف ولا جاذب قريبه ولا حوف ************* صفاء ماء عين بامعبد ولكن ماء بيار الحزم عاده ما صفي ونا قلبي بغا شربه هنيه لي بها الامراض منه تشتفي مرض قلبي خفي عيا فيه الطبيب المول والمتعلم العارف **************** متى بانلتقي في الجانب الغربي والا عا مقد او في مسيله انا وانت وبس والكاس والمظبي وبعض انغام منظومه جميله ونتشاكى بما عندك وعندي ونسرح في الخلا زندك بزندي ونعود لامه يامول شامه ************** ما قدر ماقدر وحدي قيّم دار البياني عادنا خاف عا عمري من عيون الشياطين يامسيكين **************** غصون العنب تشرب على قصبة الروضه شراب الهنا ونا كلما مديت يدي وبجني حلو الجنا تطاول علي مادنا الما متى في الحيط ياغصن باتبقى مكانك طويل كفى لو معي قيراط معمور في الروضه ومسكن بشعب النيل ****************** حطنا عا راس هذا المقد او طرحنا اسفل الوادي انا علم مرعاي حيث الزبد والكرع في القلت ميرادي ما بدا وطيت عا حسي يوقف ماه بين الحنجره والوريد **************** سقى الماطر دبورك واحيا الغيث واديك وشعابك من حمم لا هبورك وطمحه حيث الاغصان تتشابك هنا ياغصن ربوك يسقونك من العين **************** دار البياني والغار لي في الجبل يعرف مكاني انشده عني وسل هذي وثاني وذي مآثري حد ينكر الآثار طابت مجاني شعب القبالي وخضبت فيه الاشجار ************** واجهتنا خلف بعد العصر والحاسد خلف والهوى يجري حوالينا يلف الموج لف والجبل من فوقنا يشهد ويشهدن الكهوف لا تعذبني والا سرت وتركت المكلا لك اذا ما فيك معروف ************** ايام عاد الخواطر رايقه لأجلي قطعتوا مراحل شاقه يشهد بها جول سلخب والصفين ياخاينين العهد ياخاينين *********** ياللي تبا كيفان عدّي الجهراء عا يدك اليمنى حدائق خضراء والسالميه خلها ع اليسرى والبدع قدام ياذا المعلّي ياطير الحمام سلم على خلي كثير السلام ************** السالميه ابا فيها محله وبيت بجوار خلي لاسرحت بدري الى عنده عشيه ضويت رجله برجلي والا سكن في حولّي والاحمدي حيث مايسكب الزيت يامودّي الودايع البدع نعرفه والمرقاب فيها بنيت لي ساس اصلي كل من لقيته اسأله عني اذا مادريت يخبرك قبلي حتى الحمام المعلّي والطير غنّى معي يوم غنيت يامودي الودايع سألك بالله ودني ع الكويت ************** من طول ساعات السهن زاد الشجن ياهاجري ماكان ذا المسهون القلب عاده ما سكن لا له وون والعين ماشافت هناء وسكون متى لقانا بايكون عا عين محدث والحصون والجحي ذاك الزين نا عادنا عيني بعين *************** ياغيث قبّل في ذي صبح ياخير ليله صوت المحوّل نسمعه يدوي في المسيله والخل يتلاقى مع الخل والباكره دنّت بالاخيال ماشي على البال الا زيارتكم وبس يااهل الطويله ************* جمال الفن في ابها ونا لي قلب هام بها فما احلى وما ابهى وما اجمل مراعيها سلام الفين من عندي على ابها ومن فيها ************** الا ياساكنين الحيط من ابها الى خميس مشيط قلبي بعدكم كالخيط وعيني النوم مايجيها سلام الفين من عندي على ابها ومن فيها *********** الى وين ياطاوي المسافه الى وين الى دبي والشارقه وبوظبي والعين واهلها الذي مازال عندي لهم دين ولا يرتاح الا كل من وفا دينه ************* متى اشوفك في تريم الخير تتهجّد وتمد في سفح الطويله لي بساطك مد وفي حريضه والقويره ترعش المقعد واستقبلك بسعاد ********** بقلم " احمد باني " |
|
 شكرا يا ريم الفلا 
|
|
06-02-2020
|
#62 | |
|
رد: روائع حـضـــــرمــية @ محضاريات..
الله الله الله عليك بو صالح
جلست أدندن مع كل مقطع أكثر الأماكن ذكرت في أشعار المحضار سعاد أقصد الشحر صحيح عشقه الأبدي سلمت بو صالح على النقل . |
|
|
|
|
08-02-2020
|
#63 | |
|
رد: روائع حـضـــــرمــية @ محضاريات..
احلى الليالي
احلا الليالي ** على درب الغالي ** ساكن خيالي ** وبه قلبي سالي أحلا الليالي وأحلا الأيام ** حالي ياحالي وثغرك بسّام الحب سلّم ** على قلبي وخيّم ** وسطه تلملم ** وخلاني تهيّم حتى فؤادي في العشقه هام ** حالي ياحالي وثغرك بسّام خطوه بخطوه ** والنسمه الحلوه ** تهوى ونهوى ** وتعطينا النشوه نتمنى ساعه تمر مثل العام ** حالي ياحالي وثغرك بسّام الجو الهادي ** واطير الشادي ** يمضي ينادي ** من اعلى الوادي نسمع لصوته لحن وأنغام **حالي ياحالي وثغرك بسّام كلمات: عمر محمد بن بريك غناء بوصبري كرامة مرسال |
|
|
|
|
22-02-2020
|
#64 | |
|
رد: روائع حـضـــــرمــية @ محضاريات..
شل لي قلبي معك مالاق
شل لي قلبي معك مالاق قال لي صاحبي بانفترق قلت له كيف أنا بفارقك كل شيء يحتمل إلا الفراق شل لي قلبي معك مالاق حيث حليت يا ريم اليمن ريت أنا حل وألقي لي سكن شل لي قلبي معك مالاق يا رفيق المروة بي رفق كان، كان عادك تبانا رافقك الجفاء ليس من طبع الرفاق شل لي قلبي معك مالاق حيث حليت يا ريم اليمن ريت أنا حل وألقي لي سكن شل لي قلبي معك مالاق لي يشابهك عاد ما خلق في المخاليق عزك خالقك صدق ما هي دعاوي واختلاق شل لي قلبي معك مالاق ولي، ولي يشابهك عاد ما خلق في المخاليق عزك خالقك صدق ما هي دعاوي واختلاق شل لي قلبي معك مالاق حيث حليت يا ريم اليمن ريت أنا حل وألقي لي سكن شل لي قلبي معك مالاق كلمات حسين المحضار غناء بوصبري كرامة مرسال الله يرحمهم ملاحظة المحضار هنا يتحدث عن ريم ماكان يسمى اليمن الجنوبي |
|
|
|
|
23-02-2020
|
#65 | |
|
رد: روائع حـضـــــرمــية @ محضاريات..
وينك يادرب المحبه
هل اقفلوك الحبايب كذبوا علي الف كذبه وظنوني في لحب كاذب وانا محسب حسابه ماجيت من غير بابه سنتين ع الدرب تايه محد من الناس يابه يرشدني ع اللي احبه وينك يادرب المحبه وينك يادرب السعادة وين الدليل المساعد غريب تارك بلاده والأهل من اجل واحد ضايع وضيع شبابه ملوه حتى صحابه يغالطوني العواذل مافي العواذل عداله مايرحموا دمع سائل يغني المحب عن سؤاله ع الخد مثل الكتابة يشرح شؤون الصبابه سنتين ع الدرب تايه |
|
|
|
|
23-02-2020
|
#67 | |
|
رد: روائع حـضـــــرمــية @ محضاريات..
الله يسلمك ويعافيك
الغربة محينه يااختي مرت شهرين كأنها سنتين على أم العيال ضناني الشوق |
|
|
|
|
23-02-2020
|
#68 | |
|
رد: روائع حـضـــــرمــية @ محضاريات..
ههههههههههههههههههههههه يلا أخي غنى ضناني الشوق
آآآه ربي يسعدك ويفرجها عليك يا رب |
|
|
|
|
24-03-2020
|
#69 | |
|
رد: روائع حـضـــــرمــية @ محضاريات..
قالو لي قلبه خالي ولا يريدك
قالو لي انه ناسي مواعيدك قالولي انسى اسمه ولا تسأل على حالته يوم من شانه ليش تحرم عيونك لذة النوم قالو لي ضاع جهدك ومجهودك قالو لي ما تبلغت مقصودك قالو لي ما يحبك ولا يذكرك في جلسة القوم من شانه ليش تحرم عيونك لذة النوم قالو لي حطم الكاس في ايدك قالو لي ما يغني على عودك قالو لي راح منك وبا يحملك في عشقته لوم من شانه ليش تحرم عيونك لذة النوم قالو لي ما تهزه تغاريدك قالولي ما تجيبه اناشيدك قالو لي ما مضى راح لا تقعد بذكراه وتقوم من شانه ليش تحرم عيونك لذة النوم |
|
|
|
|
24-03-2020
|
#70 | |
|
رد: روائع حـضـــــرمــية @ محضاريات..
اسعد زمان الحب من وعدك الى القاك
وباقي الأيام تمضي في جحيم جفاك طول الدجى سهران اتقلب على الأشواق النوم مني طار نار بعدك يا حبيبي نار والله نار عليَّ رفعت الراس هذا تيه او كبره وله دلع ودلال قولي خلنا ندرى حبل الهوى ما بيننا ارهف من الشعره حذرك تجر بالقار انا على عهدي وعهدك انت به داري لا بفهم اسرارك ولا انت تفهم اسراري نسيت حتى الود اللي هو بيننا جاري نسيت يا بومحضار لا بد من ساعة بها تعرف قدر حبي وتعرف انك لم تكن معشوق الا بي شقيت لك نصفين من روحي ومن قلبي واخترت ما تختار |
|
|
|
|
| مواقع النشر (المفضلة) |
| الكلمات الدلالية (Tags) |
| حـضـــــرمــية , روائع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
