نص الحكومة من ابين ولا لهم اي قيمــــــــــــة ..

قصيدة لابن أبين تهز الجبال جريمــــــــــة
الشاعر احمد حسين معرج. يقول فتاح بر معرج
نص الحكومة من ابين ولا لهم اي قيمــــــــــــة ..

سكوت لاجل المصالح وابين يدوسو حريمــــــة
ملا خسارة علينا محسوب كمن بهــــــــــــــــيـمه ..

الكل يحسب حسابه وتررركو ابين يتــــــــــــــيمة
ماحد رضي في الملامه والبهذله والهـــــــــــزيمة ..
بعض القبايل في ابين لها سوابق قــــــــــــــــديمة
من عهد مصلح وعنتر وشغلهم في النمــــــــــــيمة ..

يتقسموا ابين غنايم كمن و كمن غنــــــــــــــــــيمة
ماحد تأثر عليها من اجل تبقى سلــــــــــــــــــيمة ..

وش قلت يا عبدربه ماقلت حتى كلـــــــــــــــــيمة
تررركت ابين بلادك لاصحاب صعدة وريـــــــــــمه ..

مافيش قايد من ابين غيور عنده عـــــــــــــــزيمة
يوقف امام التحدي والتوعيات الغشـــــــــــــــيمة ..

ياصحابنا صدقوني هذه سياسه لئــــــــــــــــــيمه
بكل شي قد علمنا والغيب ربي علــــــــــــــــــيمه ..

كمن أسد ضاع صوته ولاسمعنا نهــــــــــــــــــيمه
رضي بحكم الثعالب والثعلب اصبح زعـــــــــــيمه .

المعذرة يابلادي ياابين انتي العظيــــــــــــــــــمة
على حسابش يلفو وانتي بظلمه ظلــــــــــــــيمة ..ِِ

قصيدة للشاعر الكبير شاعر الجنوب الحر
*احمد حسين معرج* بعنوان

*انذار هام*
24/10/2019

مسكين يا العوبان غازي موديه
بغزوتك من ومن تريد الانتقام

بسته اطقم جيت با تجتاحها
حد قال لك موديه سهل الاقتحام

امصالحي دي جيت له با تخطفه
هو من كسر شرفك بافراد الحزام

نصر انتزع بالنار كامل قوتك
وهربت مكسور الشرف والاحترام

من صالحي تهرب لبيت امصالحي
قامو باستقبالك الناس الكرام

واكرموك اعطوك وجه القبيله
وامنوا مخرج رحيلك في سلام

اياك يا العوبان تكرار الغلط
لاتقترب من صقر يا فرخ الحمام

لو تسندك قوات مارب كلها
موديه مدخلها علئ امثالك حرام

علئ مدئ التاريخ هذا شانها
اقسئ الدورس تلقن الناس اللئام

في ظل لستعمار حره شامخه
ولا نتصب فيها لمستعمر خيام

كانت ولايه حكمها في راسها
ولا بريطاني حكمها او امام

من يدفع الجبناء تخلخل امنها
يلوم نفسه قبل ما يصبح ملام

واجب عليهم يخمدوا نار الفتن
لا يشعلو في المنطقه نار الخصام

لايسمحوا للتفرقه تعصف بهم
يحاربون التفرقه بالالتحام

كل المشاكل با التفاهم حلها
الحل بالقوه مفاتيح الصدام

والمعتدي قبره بيده يحفره
ذا من قبايل موديه انذار هام

للسلم من يقبل عليها تكرمه
اهل الكرم والجود داعين السلام

هذا الشاعر الذي قال في قصيدة في مليونية الاستقلال 2016 وغناها عبود خواجة .
ذي ما يحانقش ع أرضه الشرعيه ايش باتسوي له ..
الخ
وكانت رسالة موجه لابناء جلدته