خواطر زوجة

خواطر زوجة
وليييي متت ضحك
.
.
.
دايما بشوف بالأفلام
كيف البطلة بتروح بتتخبى للبطل ورا الباب
و بس يدخل هو عالغرفة ، بتطلعلو من ورا الباب ع أساس تنقزو و بتعملو مقلب
و بيروح هو بيمسكها و يحملها و يصير يلف فيها
و بيصيرو يضحكو و التصوير بطيء و مبسوطين و طايرين و قلوب الحب طالعة من عيونهم ،
و بعدين بيرميها عالتخت و من كتر ما تختهم ريش و ناعم هي بتغطس جواتو و بتختفي بين المخدات ..
أنا يعني شو ناقصني ؟ هي عندي زوج ، و هلأ أنا بعمل حالي متل هالبطلة. .... شو بتفرق عني ؟
رحت أول شي ، طلعت قميصو الأبيض من خزانتو ، و لبستو
متل الأفلام ، مشان قال بين كيوت و إني لابسة شي واسع و هيك
و رحت رفعت شعراتي كعكة ، و ساعة وانا بللو بالمي وحط بكلات لحد ما مسكت الكعكة ، لإني صرلي زمان ما مشطتو فماسك مع بعضو متل مكانس القش تبع زمان ..
المهم كان زوجي مسطح و غفلان عالكنباية بالصالون ، رحت انا الكيوت الناعمة ،
اجيت من بعيد و نطيت ع طرف الكنباية الي هو نايم عليها ،
كان كل قصدي بس خلي ينقز و هيك ، بس بالغلط لما نطيت أخطأت التصويب و وقعت كلي ع راسو ! و بعدين قلبت عالأرض بين الكنباية و الطربيزة ،
الله رحمني ما انكسرت رقبتو للزلمة ! طبعا هو من الضربة الي اجتو قام متل المجنون !
أنا رحت صرت أستجمع قوتي متل الي طالع من جورة و هربت منو عالغرفة ،
هو قام و ركض ورايي ، أنا كل فكري إنو نحن حاليا منعمل متل الأفلام ، و هو لاحقني عم يكمل المزحة معي ..
و أنا عم اركض متل العاهة عالغرفة انخبط اصبع رجلي الصغير بحفة طاولة
رحت من الوجع قلبت عالأرض و صرت أرقص زومبا عالمقلوب ، اجا هو تفركش فيني و وقع كمان، و اجا بزاوية الباب
أنا لسا قال مفكرة حالي كيوت و نغشة و قمت كمل ركض و عم اضحك متل المجنونة .... المهم خلص وصلت غرفة النوم و ما في مجال اهرب !
اجا زوجي متل الثور الهايج و عيونه حمر و بكز ع سنانو ! حملني و رماني عالتخت ، من عزة الرمية خبط راسي بخشبة التخت صرت ولول
و من كتر ما فرشة تختنا و الخشبة واحد ، اجاني تهتك مفاصل ، تجعلكت كل ملامح جسمي
بعدين نزل فيني رفس و كفوف عالتصوير السريع ، هون استوعبت انو هي قتلة مو مزح و ضحك و ريش
بعدين الله يحميه انتبه اني لابسة قميصو ! لما شافني لابستو جن بزيادة لإنو هلأ جايبو من الكوى و بدو يلبسو باجتماع بكرا بالشغل ،
راح نزل فيني بوكسات و مسكني من كعكتي و مسح فيني الغرفة لحد ما طلعت الكعكة بإيدو ! و صفا راسي متل فوهة البركان
و بس بعدين هدي و راح يتفرج عالاخبار و بطل يحكي معي إلا بعد ما بلشت رقبتو تتحسن و بلش يقدر يحركها بعد كم شهر

ههههههههههههههههههه فاتن الحمامة والله ناجية لطفي على غفلة
خخخخخخخخخخ يا مسكينة تحلم كثير ها المرأه
دخليك كم وزنها .... وهو كرشه كم متر أمامه شعراته المسطحة ...
يسلموا ياسمين عن جد
ضحكت من قلبي
ااااااه يا بطني

ليس من الصعب ان اقول لكي ان بصماتك في متصفحك دوما
تترك اثر في نفسي كــما الورود برائحتها
تزهو اناملك جمالا زادك الله جمالا ع جمال

يخرب بيت الرووومنسية

لك الحب والرومنسية بنشووفها بالافلام بس

الواقع مرير جدا


هههههههههههههههههه


يسلمو ياسميينه

ههههههههههههههههههه
الله يسعدك ياسمينه

روووووووعه

المشاركة الأصلية كتبت بواسطة أنتصار ههههههههههههههههههه فاتن الحمامة والله ناجية لطفي على غفلة خخخخخخخخخخ يا مسكينة تحلم كثير ها المرأه دخليك كم وزنها .... وهو كرشه كم متر أمامه شعراته المسطحة ... يسلموا ياسمين عن جد ضحكت من قلبي ااااااه يا بطني

هلا انتصار

راح فيها الرجال ههههههه


كركبت البيت مسكينه وقال بدها رومانسيه هههههه


نورتينا حبي

المشاركة الأصلية كتبت بواسطة ترانيم المطر ليس من الصعب ان اقول لكي ان بصماتك في متصفحك دوما تترك اثر في نفسي كــما الورود برائحتها تزهو اناملك جمالا زادك الله جمالا ع جمال

ترانيم

سرني حضوركم وتعطير متصفحي بردك ـ الجميييييل
يسلموووو على الجضور الراااائع

المشاركة الأصلية كتبت بواسطة امـيـرة يخرب بيت الرووومنسية لك الحب والرومنسية بنشووفها بالافلام بس الواقع مرير جدا هههههههههههههههههه يسلمو ياسميينه

اف ليش اميرتنا


هو في احلى من الرومانسيه

شو بيفرقوا عنا يلي بالافلام خديها ولو غصب هههههههههههه

هلا فيكي نورتيني يا احلى الاميرات

المشاركة الأصلية كتبت بواسطة أبو ليلى السعدي ههههههههههههههههههه الله يسعدك ياسمينه

ويسعدلي الحضور الجميل



ســلم لنا مرورك الرائع ياابو ليلى

حلت نسائم العبير..
بمرورك.
انيق انت دائما..
بحضورك .