همس (تناديك الروح)

ياخيرها ليلة وياخيرها ضيف
زانت ربوع الريف بهل المدينة

يدهم بيوت الحاصلي للتشاريف
ترحيب متواصل بكم من حسينة

حيا بغاني مستوي قامته هيف
ووزن كلاماته معاني رزينة

ماغير لك ينبوع منه ترتوي
محفور من صلد الجبال النايفة

يحيي جمود احساس هايم انثوي
يهز في رشفة كمين العاطفة

قبلة تخلي الجوف يرتاد الدوي
والعقل يسأل ايش كان السالفة

تناديك الروح

كنتي جميلة يافسيلة سابية
بيضاء ندية ممتلية بالغرام

واليوم ضقتي من تراب الرابية
من بعد ماسقوكي من الماء الحرام

شلوا لباسك في ليالي شاتية
وتفيأوا ضلك بداعي لنتقام

ماحسبوا سين السنين الاتية
لما نسلهم عن جمالك والقوام

لى وين ياذات العيون الساجية
تمضين ماكفاك سابي قصر سام

اما تري نفس الوجوه العاجية
وان التردي في البداية والختام

لا تسكني معهم بنفس الضاحية
وبقي قريبة من جنوبي لا يضام

في مسكنك ضلي بنفس الناحية
حيث انشرحتي وستحقيش الوسام

مساكم الله بالرضأ والعافية
والخير والرحمة مضامين السلام

ياهل المروءة والشروع الوافية
والعز صافي في كماله والتمام

قل من ربا يافع ويافع كافية
واعتز في منبت من القوم الكرام

واليوم لولاها حدود القافية
والوضع يتطلب تناغم وانسجام

كنا نعرج عل امور الخافية
وما جرى بين الشوافع والامام

كانت لنا كل الفصول الشافية
والكل يتبعنا بهيبة والتزام

كنا بنصبر ع الصعاد الجافية
لما بنحرقها من اطراف اللثام

مانرجع الا والمكايل صافية
ون عاد عودنا على نفس النظام

خالد الحاصل

الحاصلي قال وصاني بهم والدي
وقال ياخالد ابني كن وفي بالعهود

شفهم رجاجيل من خيرة بني قاصدي
عد الاصابع ومعدودين معنا عدود

كن نبه الطفل والغافل وذي راقدي
وحضر معاهم بسرحتهم ووقت الردود

شفهم صناديد لكن لا رعد راعدي
بتضيع منهم تفاصل الورق والبنود

اقبلي اسرك مع خير العشير
دام والممشى على نفس المسير

وتبعي عقلك لتحديد المصير
من ربا صنعاء يكن اول شمير

دام قلبك حب هذا لا يضير
اسمعي قول المجرب عن ضمير

واسألي قلبك بالاول والاخير
واقتفي دربا لها قلبك يشير

وانظري نبضات من قلب الخبير
لو فقط يلعب على الحبل القصير

واحذري يعبث بنفحات العبير
او يمرر عشرتك وادي عسير

واخبري اهلك بمن يصبح صهير
واقبلي عشرة على حالي وغير

في نهار ابيض يهنيك البشير
ما اثق في ليل يرديني حسير
خالد الحاصل

يقول الحاصلي يفدي حبيبي كل ماعندي
وماعندي سوى عمري وعمري ملك في يده

حياتي اصبحت من غير معنى يوم انا وحدي
وروحي عند محبوبي ونا مسكين في جده

عزاني الشوق ياريح السما ردي علي ردي
وهاتي لي خبر منك طلبت العون والنجده


خبر من عند محبوبي يخفف ماعلى كبدي
تراها كلما تذكر حبيبي جرت النهدة

تمنيت اليمن ياريت انا بطرافها جندي
وروح عند محبوبي وحط يدي على خده

يبادلني المشاعر وايحط يده على خدي
ونقطف كل ليلة من بساتين الهوى ورده

خالد الحاصل