اجمل بيت شعر سمعته او اعجبك

أخذت لي فـ الحياه الماضيه فكره
‏والوقت مليت من غدره ومن زيفه
‏ٓ
‏لا غابت الشمس قلت ان الفرج بكره
‏و الحظ عثراته تنادي صواديفه
‏ٓ
‏في خاطري شي بس ازريت لا احكره
‏ينتابني في المسى و يمرني طيفه
‏ٓ
‏أشتاق لـ اللي مضى واخاف من ذكره
‏وأشعر لي بـ شي ما يحتاج توصيفه .

خلني ساكت انا كلي عتاب
‏خوفي اجرح قلبك لا حكيت

‏اي بالله راضي بالجفا والغياب
‏دامك على قلب يحبك قسيت

‏عندي سؤال واتمنى له جواب
‏لو تبادلت الادوار بيننا رضيت ؟

تفاءل ف إن الصبحَ مازال بارقا
وكن بالذي سوّى لك الأرض واثقا

ولا تبتئس أو تجعلِ اليأسَ ديدناً
فماذا جنى من عاش في اليأس غارقا

إذا لم يشأ من يمنحِ الطينَ هيئةً
ومن يجعل الصلصالَ بالروحِ ناطقا

ضاعت حروفي بين صمتي وبوحي
‏لا الصمت يكفيني ولا البوح يكفي

‏غامرت ب احساسي علشان روحي
‏ي ليتني خليت الاحساس مخفي

‏ولمَّا رأيتُ البدرَ فِي اللَّيلِ ساطعاً
تذكَّرته .. والشَّيءُ بالشَّيءِ يُذكَرُ

ومَـا كنـتُ عنـهُ سالياً غير أنَّني؟ !
أُُوارِي عنِ العُذَّالِ شوْقِي فيظهرُ......
⭐

مر العمر .. و الذكريات القديمة
تبقى على رفّ العمر ، مثل ماهي

وشلون أبعطي للمقابيل ، قيمة
وأنا ما اشوف اللي يشد إنتباهي !

متابع

تبقى في قلب المحبه و الأشعار
‏لو كل حاجة بـ الوداع .. أتركتنا !!
‏.
‏عشنا تحت ظل الهوى وحبنا البار
‏لين .. الليالي بـ الفراق .. أجرحتنا

عز الله ان الملح والزين بيّن
من زولها .. لعيونها .. لرقبتها

بستان شاميً غصونه تليّن
وجدي على رمانها وعنبتها

ماهيب مخلوقه عشان اتزيَّن !
لو ما لقت ما تلبسه في كبتها

خذت فناجيل البنات المزيّن
وحطت رجل على رجل وشربتها

أحس الصمت بعض أحيـان يشرحني
‏و أسمع منّه أحياناً .. كثيـــر أجراس

‏تدليني .. توعيني .. تحذرني .. تنبهني
‏تقوي الباس قبل أطيـح بـ اللا باس

‏أحاسيسي في كل الأحيــان تذهلني
‏و بعض الأحيان ودي إني بدون إحساس

‏"أعـرف الناس كثر ما الناس تجهلني
‏وهذا اللي وقف .. بيني وبين الناس".