بوح الخواطر

تناديــك رغبــات المقابيــل
من الأرض وانتي بالمجـره
تهادي على غصنٍ من الليل
و تمادي على القلب و مقرّه
تــرى كـل هالدنيــا تساهيـل
مـــدام اننــا بنعيـــش مـــرّه
تلديــــن و تزيـــن التعاليــل
تصديـــن و تصـــد المسـرّه

واناديــك و دموعـي هماليل
وفـي الصدر تنهيــده و حرّه
احبـــك و مـا للحــب تأويــل
ولا شفــت منك الا المضـرّه
وتمونيـــن ياريــم المكاحيــل
على القلـب في خيره و شرّه
اذا جيتــي استاهلك بالحيـــل
واذا كــان ما تبغيــن حـــرّه

فديـت الوسيعات المضاليـل
رمــاح الهـــلاك المستشـرّه
وخطواتـك اللـي بالخالاخيل
لها في الصدر والقلب جِرّه
وسواليفــك بكـل التفاصيــل
وصـــوتــك بٓهــــــا لله دَرّه
ابـي منــك ما ينهـد لي حيل
على شـي ما يسـوى المبرّه

مضاليل
خالاخيل
تفاصيل
:
روعة تجيب الهاجس

وَ أسعدنا للعمر البعيد ..
يَ فعّآل لما تريد /