مما قيل عن الوداع ..

‏أجاهـد غيابه والطواري وضيق البال
‏وأردد عسى مايكرهـه خاطري خيره
‏⠀
‏ولكن غلاه بكل .. حالٍ من الأحوال
‏عذاب الخفوق الصعب وأجمل مقاديره
‏⠀
‏عليه السلام وخالص الود والاجلال
‏وعلي الهـيام أخفيه ، ويلوح تأثيره

فمان الله ياحب وقف ماكمل المشوار
‏عرفنا مفرق الدربين مايحتاج تكميله

‏بقت بس المعزه بيننا ماكن شي صار
‏وصرنا اغراب عقب الود يادنيا من انت له

‏فمان الله ياقصه غرام واصبحت تذكار
‏صنعها الحب في لحظه ولاكمل تفاصيله

جار الزمن وظروفي تزيد البلا
‏فقدتك وقلبي من الفرقا يقول
‏ماعاد للدنيا عقب فقدك حلا
‏يا ليتها شده مع الوقت وتزول
‏و أقول هم فالمحاني وانجلا
‏لكنها صارت بذاكرتي تجول
‏والبال من كثر الطواري ما سلا
‏فقدت صوتك والرحابة و القبول
‏والأبتسامه والرضا والمسهلا

كل دقيقة شوق مرتني بدونك اشعر
‏إن قلبي على احزانه تقسم

‏و كل دمعة حب طاحت من عيونك
‏شوفها في متحف الذكرى تجسم

‏انت بعد البعد لو تسأل .. شلونك ؟
‏كني اللي بـ لحظة اعدامه تبسم

نعتذر بالصمت من كبر الجروح
ونبتسم للحزن لو متنا آلم

وش يفيد البوح لو نبغى نبوح
داام بعض البوح يوصل للندم

الفراق جوء من الموت

‏.ِكل ماحاولت أشاهد ذكرياتي
‏وقفّ المشهد على لحظة وداعك'

كل وداع هو بصورة أو بأخرى لا يتعدى كونه نزف، يوجع ويؤلم، ومع الوقت يُنسى.

الوداع جزء من الموت

‏بعد الفراق الي مثل واهج النار
‏ما عاد لي في باقـي الحب عازه

‏فقدت من يدرى على القلب ويغار
‏وحبه ورى حدب الضـلوع ارتكازه

‏الحب .. من فرقاه خليته يسار
‏و سلمت تسليمة " صلاة الجنازة "