سجل حضورك بيت شعر يحكي احاسيسك

يأهل الصدور الضيّقه عينو خير
لـجروحكم عندي علاجٍ يضمد

لا شانت ظروف الزمن والمقادير
صلوا على خير البريه محمد

بسألك بسم المحبه وابي رد السؤال
‏ليه حال القلب في غيبتك ماهو قوي

‏لا يطول البُعد يا لذة الدنيـا تعال
‏القلوب الضاميه بـ المواصل ترتوي ‏

أعطيه من وقتي يسولف وأسمعه
وأرخي له فؤادي وأرخي مسمعي

من كثر ما قلبي . . و تفكيري معه
أشتاق له حتى وهو يتكلم معي

العافية والستر ، مع راحة البال
هذي الثلاث ، اعدها راس مالي

ياللي تقول الغالي اشريه بالمال
اللي يجي بالمال ، ماهوب غالي

يصبرني على ثقل الليال إنْ الأمل ما زال
‏ينسيني شقى النفس ويضوي لي متاهاتي

‏أغيب بلا سبب ! وبلا سبب يربكني الترحال
‏واعود للمكان إللي يضم أربع .. تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي !

ياصاحبي هانت عليك المحبه=لاوحسايف عقب هاك المواثيق

جمر الغضا في وسط قلبي تشبه=نارٍ حطبها يابسات المعاليق

كاسٍ مليته بالوفا لاتكبه=خلّه يبلل بالوصل يابس الريق

صبّه بقلبي ثم ملّه وصبّه=وان كان ودك غرق القلب تغريق

دام الهوى راسي وراسك يهبه=خذ سجّةٍ ترى زمانك توافيق

ترى حلاة العمر مع من تحبه=شخص تريد من جميع المخاليق

مادام باقي لك.. بعيني وله وانتظار
‏ياماخذٍ.. من حنيني كل شيٍ بقى

‏عطني وصالٍ.. يخلي للغرام اعتبار
‏ويمسح من الذكريات آخر دموع الشقى

‏أنا تجمّعت لك من كل لهفه ودار
‏لعيونك.. اللي مذوبها شعور النقى

‏لا تودعني.. وداع اللي جمعهم مطار
‏تلاقو بشوق وافترقوا بنفس اللقى

مشتاق لك، والشوق تركيبة أقدار
‏والناس ما يقدر على أقدارها حيّ !

‏ما أخترت أجي في الشمس والّلاهب الحار
‏وأنا عيوني شايفه للشجر؛ فيَّ !

‏أجمل سنيني : وردةٍ بـِيد محتار !
‏قطّع ورقها لأجل يرسي على شي

دعاك القصيد الي كتبته على طاريك
‏مثل ما دعاني .. لـ السهر ليلة غيابك

‏ياككثر القصيد الفارق الليء كتبته فيك
‏وككم معجبين .. جابهم بس ماجابك

ودي أبوح بخاطري شي مكنون
وخوفي من دموعي تهــز المهابه

بشكي لمنهو قارن الكف بـالنـون
أنـــه يداوي القلب مما جرى بــه.