سجل حضورك بيت شعر يحكي احاسيسك

متابعة لكم

المشاركة الأصلية كتبت بواسطة تحرير متابعة لكم

جوجل موجود هههههه

عليك الغلا مرّدود يـ الغايب الموجود
‏سوالفك " غابت "مير طرياك ما غابت

‏غيابك حضورً له بـ صدر البيوت شهود
‏وش الي يغيّب ضحكتك والغلا ثابت ؟

‏أحنّك مثل ما أحن وجهي مِن المنقود
‏وأعدك ليا عديت .. الأيام وش جابت !

قلتها لك من طيب نيه
من شعور انسان ميت في هواك
ولو تحب اكتب على هذا وصيه
مستعد اوصــي لهم كلي فداك

ان طرّوا النسيان ماني بناسيك
‏يا راس مالي فالحياة وغناتي

‏وان طرّوا السلوان ماني بساليك
‏طيفك معي حتى وأنا في صلاتي

‏قلبي وهو قلبي ليا مر طاريك
‏لولا ضلوعي كان عزوا مماتي

‏لو جض صدري كان يمديه ياتيك
‏ويبات عندك ويهنى بالمباتي

‏أنا وقلبي والغلا ساكنٍ فيك
‏وأنت وقلبك والغلا وسط ذاتي .

استأذنك .. بسافر ايام .. وآجيك
وان طالت ايّام السفر .. لاتحاتي

حتى ولو طوّلت .. ماني بناسيك
ياللي بدونك .. ويش تسوا حياتي؟

تامر على حاجه؟؟ .. بودّعك واليك
عسى عوّض الايام .. في المقبلاتي

ترى بيني وبين اللي مضى بالذاكره ميلاف
‏وإلين الحين ياخذني شعورٍ من أغانينا
‏
‏عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

الصدف إللي جمعتنا و اختلفنا في القبيلة
‏و اتفقنا بالشعور الصادق الوافي الجميل

‏لا ذكرت إللي مضى لي خَفَّت حمول ثقيلة
‏و لا ذكرت إني بدونه زاد بي حملي الثقيل

‏يجبرالله قلبي إللي ما ينام بكل ليلة
‏إلا ذكرى طيف خله سامر الليل الطويل.

اجيك واليل ثالثنا وضوء القمر
وداعي والود والسهرة بحالة غرام

يحلا اللقاء حين جمعنا ويحلا السمر
ويحلا الانس لاتمايل رشيق القوام

مكحول بالحسن يانع به.قطوف الثمر
اسمر يشع الحلا من طالعه يا سلام

هذا هو انته حلاتك زين بالمختصر
كل ما تدليت هامة. بك قلوب العوام

مهما تغليت روحي لك يظلي مقر
ودارك القلب.وساج. اعُيُني لك مقام

بقلم فااارس

على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك لـ السكوت اللي تكلم عن متاهاتي