قصة وقصيدة - الحلقة الأولى

يافعي تزوج وبعد زواجه مباشره سافر بريطانيا وترك زوجته مع والده ووالدته
واعجبته العيشه ببريطانيا وكانوا كل ما ارسلوا له رسائل او شروط يقول لهم
عايش بافضل دوله بالعالم ويش باجي له لدولة الفقر والنكد
وبعد سنين زوجته صادفت الشاعر الكبير شايف محمد الخالدي رحمه الله
واعطته رؤس اقلام عن قصتها
وقالت اريد منك قصيده ياعم شايف ارسلها لزوجي لبريطانيا ..

فقال الخالدي الله يرحمه :

الخالدي قال فكو قيد مـن سـاق رجلـي = بـــا مـــر عـابــر سـبـيـل
عليش بالله يا ريح اعبـري عنـد خلـي = قـولــي لـــه انـــي عـلـيـل
ما له كـذا ذي بيفقـد صاحبـه لا يولـي = يـلفــت عـلـيـنـا قـلــيــل
هاتيه يـا ريـح لمـا تطرحينـه محلـي = كــونــي لـخـلــي دلــيـــل
قولي يبادر عليا بالـدواء ذي معـه لـي = مربـــــــى الـزنـجـبــيــل
وتخبرك كيف عادك بعدمـا شفـت ذلـي = راضــي لـــي ابـقــى ذلـيــل
رع المحبه رضى يا خل طاعه وجُملـي = مـاهــو بــدحــن الـصـمـيـل
عليك بالله هل عادك علـى العهـد مثلـي = او قـــد نـسـيــت الـجـمـيـل
لانته على العهد ما يحتاج تسمح بقتلـي = يـــا خـــل شـفـنـي قـتـيـل
رعني لاجلك مقيـد مقـدر امد رجلـي = والـحـمــل فــوقــي ثـقـيــل
با قول لك ويش قصدي وانت يا الخل قلي = رع مــا مـعــي بـــك بـديــل
قد بحسبك راس مالي لي ورثته من اهلي = وشـمـلــتــي والـشــلــيــل
وبحسبك خير من سلطنة لحجي وفضلـي = والــحــاشــدي والـبـكــيــل
وارض اليمن كلها والشام شرقـي وقبلـي = قـبـيــل وانــتـــه قـبــيــل
مابك سخى يا الكحل لثمد يادواء عال اصلي = تـجـزع عـلــى كـــل مـيــل
داو النظر ذي يخلي نون لعيـان مجلـي = تـلـمــع وتـشـعــل شـعـيــل
نعيم يا المهر يا ذي قـد السـرج محلـي = وعــيــان ســــودا كـحـيــل
سيبت من اجلك اعمالي وضيعت شغلـي = ودمــــع عـيـنــي يـسـيــل
يا عابد الله اذن قـم معـي بـا نصلـي = قــبــل الـسـفــر والـرحـيــل
بي خوف لاموت قبلك او تموت انت قبلي = والـتـمــر فــــوق الـنـخـيـل
لاكن عسى طال عمرك لي ولهلك ولهلـي = وجـعــل زمــانــك طــويــل
قم وسقني كاس من يمناك وغرف وملـي = مــــن نــهــرك السلـسـبـيـل
رعني دخيلك وعندك ضيف حطيت رحلي = لـــو بـــا تـعــز الـدخـيــل
جاوب علي قال لك مملـوك كلـي بكلـي = مــا عـــاد غـيــرك عـمـيـل
يا صاحبي من معه صاحب بقربه يضلـي = مــن صـاحـبـه مـــا يـمـيـل
وقلت ذا واجبك يا عطـر كـاذي وفلـي = بـاكـيــل لــــك وسـتـكـيـل
يا ليلة النور من ذا الملك يا النفس شلـي = عـمـبـى وجـلـجــل شـلـيــل
يا ناس لا حد يجننـي رعونـي بعقلـي = لـومـي عـلــى بـــن عـقـيـل
مانا حمولي مع الجمـال عالحيـد لعلـي = قــدهــا بــــراس الـنـقـيـل
حطيت بسفل سماره من على الظهر حملي = والـصــرف بــيــد الـوكـيــل
ضليت ومسيت حيث الخل بيـت وضلـي = مـــن عـالـسـريـر ابـنـكـيـل
يا ليلة النور ضلي كيـل ذا لـك وذا لـي = وانــــت الـبـخـيـل الـذلـيــل
يا الله سلك ختمها بحسان فـرج وجلـي = عـنــي وكـــن بـــي كـفـيـل
تمت وبالخير عمت عالنبـي بـا نصلـي = مــولــى الـمـقــام الـجـلـيـل
عساه يشفع لنا من نـار تشعـل وتقلـي = مــــن حــرهــا والـكـلـيـل
الشاعر/شائف محمد الخالدي رحمة الله عليه


وبعد ان وصلت القصيده لزوج البنت تحرك على طول ورجع ليافع وصار له استقبال كبير وعاشوا اجمل سنينهم بدون فراق .


قصة واقعية حقيقية احببت اشاركها معكم
اتمنى ان تكون نالت استحسانكم
فانا حريص على ذالك

اخوكم محمد النمر( سمبتيك )

سلمت الآيادي على النقل الجميل

تسلم يدك على النقل والله يرحم الخالد

اسعد الله مساكم

هات القصيد وأطرب بالشعر الجميل مسامعي، لا فظ فوك فقد الهمتني راحةً من كلماتك الحلوة

بوركت