بدع وجواب بين محمد الصلاحي ومنير السعدس 13/12/2007م

[align=center]بدع من الصلاحي[/align]
[poem=font="Simplified Arabic,6,blue,bold,normal" bkcolor="transparent" bkimage="backgrounds/5.gif" border="double,6,red" type=2 line=0 align=center use=ex num="0,black"]
يارب سالك باسمك تحد منا البليه= واغفر ذنوب الصلاحي وكف عنا الأذيه
ماجد بن اخي دخيلك قم شد ظهر المطيه= والااركب الباثفندر وجب منير بالعشيه
قل عمي أكد عليا انسير بيته سويه= يا السعدي ارجوك هيا لا بيت عمي عشيه
عمي طبخ لك مثايل قيفان بيضاء نقيه= منير لو زرت عمي عمي معك لك هديه
منير تكفى وتوفي مولى الشروع الوفيه= منير سعدي مأصل من نخبة الحميريه
قل له سلامي مكرر مليون مليون ميه= في عطر أصلي جفنشي هو والزهور النديه
وحمحمه من شقرنا حطها على الديوليه= لا جيت لا بيت عمي يذبح طلي أو طليه
وبايقول أهلا وسهلا ويعصد لك العوبليه= والكبزره والكراثه وجرجير والفجليه
في مز رعة عمي اللي تزرع بسيح الرويه= عمي معك لك هديه مجان منه عطيه
بايضيفك يا منيري غداء عشاء شارقيه= في الفيللا اللي بديره بالمزهر المعتليه
والعيد عيد معانا تعال بعيد الضحيه= عمي الصلاحي محمد واخواله اهل الفقيه
حيا بكم يا منيري في طيب خاطر ونيه= باسألك عن لغز يصعب حله حلوله عجيه
تشوفه وما تروم تاخذ صوره بلقطه قويه= تسمع لصوته ولكن ما تروم اتسجل عويه
باساجلك يا منيري العوجا نردها قديه= الشعر يطيع الصلاحي وصولته به قويه
يطيعه الشعر يضبط حروفه اللي عجيه= والضاد حرف العروبه يطيع والابجديه
يعزف لك انغام حلوه ورقصة الشوبليه= على الوتر بايغني لك في أغاني شجيه
الخالدي هو وبو صقر امسوا بليله هنيه= وسمعونا قصايد والرجزه اليافعيه
والختم صلوا على احمد مولى الصفات الزكيه=واله وصحبه جميع ن أهل القلوب الابيه[/poem]
[align=center]جواب من منير السعدي[/align]
[poem=font="Simplified Arabic,6,blue,bold,normal" bkcolor="transparent" bkimage="backgrounds/5.gif" border="double,6,red" type=2 line=0 align=center use=ex num="0,black"]
بدعت بك يا الهي يا من رجوتك رجيه=مابا ترجي لغيرك بالسدره المنتهيه
خلقت آدم ونسله من طين لازب وميه=على عظامه كسيته لحم ن ودم ن كسيه
سويته انسان كامل في هيت ن مستويه=نفخت روحك بجسمه واصبح بصوره جليه
كتبت رزقه بيدك بيد بيضاء سخيه=أيض ن وسجلت بيدك نهايته والمنيه
وبعدها ابليس وسوس وغرهم للخطيه=لعنه على ابليس لعنه راس البلاء والأذيه
شرد بهم من نعيمك لا وسط دنياء دنيه=الابل تجري عليها وجبال شماء رسيه
فيها الشقا والتعاسه فيها طرق ملتويه=حد عاش سالي منعم وحد حياته شقيه
سبحان جودك الهي والحمد لك ما رخيه=سحابة الخير تهمل عاكل جدبا رويه
والآن يا الهاجس اقبل وشد عزمك معيه=لبن الصلاحي محمد والقى عليه التحيه
قل له سلامي مضاعف سلام يدوي دويه=سلام لشاعر يماني في لهجته والهويه
الفصل لول تقفل والثاني اقبل بطيه=باقه من الورد لحمر وعطور أخرى زكيه
وعطر فاخر مأصل فيه الروايح نقيه=وعود كمبودي اصلي من أرض دلهي عنيه
وفل لحج الخضيره والباسقات الطريه=مع العقيق اليماني ذي شهرته عالميه
يا مرحبا ألف مرحب بالبدع ذي كد ليه=وانا لزوم ن أجاوب والدين واجب عليه
بارد قيفان مني لبن الصلاحي قويه=قيفان مثل الفيالق بالساحه العسكريه
توقف امامه بشده وفي صلابه قويه=يستاهل القدر زايد ثعبان من بطن حيه
انسان طيب وعاقل ما شفت انا انسان زيه=مرح مدردش وسالي فيه الملا مح رضيه
كان اللقاء ذي جمعنا على الوفاء بالعشيه=من بعد ما قد شبكنا خطوطنا الهاتفيه
لقاء طيب وصافي وفيه نغمه شجيه=والعيش والملح ذقنا من فوق سفره شهيه
برفقة الاخ ماجد مولى الصفات الأبيه=له في فؤادي معزه وهامته معتليه
وعمه ابن الصلاحي ذي اخواله اهل الفقيه= وابن الصلاحي عزف لي عالعود نغمه شجيه
واللغز يا ابن الصلاحي كالحبل ليه بليه=لكن معي هاجس ادهم العوج ترجع قديه
(الحلم) هو حل لغزك واضح كشمس الضحيه=بحل للغاز أيض ن تحل أكبرقضيه
واختم على من خرجنا من ظلمة الجاهليه=الى نور اسلام ساطع نور علينا بضيه
صلوا معي ألف مره عليه خير البريه=شفيعنا من جهنم واقد لصيه[/poem]