بدع وجواب بين محمد الصلاحي ويوسف بن عتيق7/12/2007م

بدع من محمد الصلاحي الى يوسف بن عتيق 4/12/2007م
[poem=font="Simplified Arabic,4,blue,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black"]
ياكريم الجود ياالله هب لنا الـرزق الحلالـي= يا الله اغفر ذنب ابوزايد متى ما جا رحيلـي
يارحيم ارحم واغفر ذنبنـا يـا ذو الجلالـي= زاد همي حد يواسيني ومـن أينـاء جيلـي
الصلاحي قال يا ويلاه ويلـي مـن عيالـي= كلما بابني بنا هـدوه حتـى انهـد حيلـي
بعد ياهاجس تبـدع والحليلـه هاتهـا لـي= بابدع ابياتي وبارسلهـا لشاعرنـا القبيلـي
با نسي ليلـه نويـره باننظـم ذا المقالـي= بانساجل ولدنا يا ناس خلـوا لـي سبيلـي
ذه ليوسف بن عتيق انسان غالي ابن غالي= كم وياكم قلت باخصه بنخلـه مـن نخيلـي
قل ليوسف جدي المرحوم من قوم البعالـي= وانت بن جدي واهلك يا فتى اهلي وذي لـي
كلنا من نسل يافع ابـن مالـك مـا نبالـي= أرضنا لا حد دخلهـا بانروغـه بالصميلـي
أرضنا حره عزيـزه رافعـه فـوق العلالـي= لا الجبت لصوات عند الحرب يا سيلوه سيلي
كم حملناظلم من ظالم كما طعـن النصالـي= يلعن الشيطان والا اليوم انـا باشـد خيلـي
شخص لاحد قال كلمه قـال هـذا انفصالـي= ما يبي حد ينتقد قل كيف اسـوي واحليلـي
ذي فرق لخوه جنوبي ذا وسا الاخر شمالـي= كيف باسوي مع عمـي وخالـي أو زميلـي
كلنـا أخـوه ولكـن عندنـا قهـر اليالـي= حد أكل لقمه وحد جيعان يـا ويـلاه ويلـي
بايجي لك يوم يا ظالـم وترحـل لا محالـي= أرضنا ما تقبـل الظالـم ولا تقبـل دخيلـي
واختم اقوالي بذكر المصطفى بـدر الكمالـي= كلما شن المطر واسقى وخذ ذا لك وذا لـي
صل يا ربي على احمد كلما البـارق يلالـي= واقبلت لمطار عقب الرعد من صوت المخيلي [/poem]
جواب الشاعر يوسف بن عتيق على الشاعر القدير
الصلاحي محمد ابوزايد 6/12/2007م
[poem=font="Simplified Arabic,4,blue,bold,normal" bkcolor="transparent" bkimage="backgrounds/27.gif" border="ridge,6,black" type=2 line=0 align=center use=sp num="0,black"]
ياالاه الكون سترك ونـت ذي تعلـم بحالـي= ياعظيم الشان انته خالقـي وانتـه وكيلـي
وانت يارحمن لـك رديـت امـري واتكالـي= وانت من اشكي اليك الامر في صبحي وليلي
ياكريم الجود يامـن فوقنـا حاكـم ووالـي= عن طريق الخير سألك كل مسلـم لا يميلـي
يامجيب العبد سألك انت من يسمـع سؤالـي= واحمدك واتشكرك يارب بالشكـر الجزيلـي
بعد هز الفوج طاب الشرح بادكّـي شمالـي= رد صوت الدان ياغالي وماشي لـك مثيلـي
كل ما شفتك قبالي انشـرح والقلـب سالـي= واستمد الشعر من نظرات عينيـك الكحيلـي
قال ابو عبده بشوف اليوم ذا يـوم القبالـي= دايماً افخر واتشرف في الشخـص الاصيلـي
مرحبا حيا الصلاحي مرحبا سيـد الرجالـي= مرحبا بو زايـد الشاعـر ولنسـان النبيلـي
كلنـا بالمنتـدا قـد نحسبـه الاب المثالـي= دايماً ينصح وله تقدير بين اصفـوف جيلـي
هاجسه كالبحر ذكرنـي بشايـف والكهالـي= واسمه الموجود ع الصفحات هذا اكبر دليلي
في السماء شفت النجوم اللامعه وانت الهلالي= كل ما قوله بحقك صدق بـل عـاده قليلـي
قد وجب بارد لن البدع مثل الشـرع حالـي= ذي بتجني النوب من لزهار وامسه يازجيلـي
بل وانا اصلي عتيقي شيخ والمحبوش خالي= من عبر لي كأس مثل الكأس حقه يستكيلـي
واهل يافع كلهـم بجبالهـا مثـل الشبالـي= من تعدا احدودهـا بجبالهـا يصبـح قتيلـي
حيد شامخ دايماً فوق القمم مرفـوع عالـي= دايماً وقت البـلا يتحملـوا الحمـل الثقيلـي
ضـد لستعمـار جاهدنـا وراح الاحتـلالـي=ما اظن انحد بيومـاً قـط باينسـى جميلـي
وحن من حقق على ارض اليمن حلماً خيالي= وحدة الشطرين ذي كانه شبيـه المستحيلـي
والغلط من يوم بعض الناس تعلن لنفصالـي= واصبح الكسبان من ذا القول حاشد والبكيلي
مثل هذا الشخص ما تلقاه في وقت القتالـي= منهـم ياصاحبـي والله قـد قلبـي عليلـي
سلم الجمال كـل القافلـه هيـه والحمالـي= ياخساره كيف صبح وحشنا بعـد الهجيلـي
والمتاعب دايماً ع الشعـب فـي اول وتالـي= وضعنا الراهن تراه اليـوم قـد زود شعيلـي
كل ماجى وقـت قلنـا فيـه بايرتـاح بالـي= زاد همي والالم من قلب يوسف مـا يزيلـي
وين باشكي يالاهي من يحقـق لـي منالـي= والقياده بارضنـا مانالهـا غيـر العميلـي
ياكلـوا ثرواتنـا حتـى ولا خلـوا ريالـي= بس مئواهم جهنم فصل مـا هـو بالهزيلـي
ايه المغرور لا تلعـب علـى كـل الحبالـي= صحح الاوضاع لان الكذب والله هـد حيلـي
قبل لا تخسر رجـال الـدم رميـان الاوالـي= لا لصيـه نارهـا ماظـن باتطفـى فتيلـي
وايقع بعدا مجالك لك وانا قـد لـي مجالـي= وايبين حجمكم مثل الدجاجـه جنـب فيلـي
لاهنا قولوا لبو زايـد وصلنـا فـي مقالـي= لاهنا كـف القلـم مـا عـاد ودي بانطيلـي
خص نفسك بالسلام وزن الشوامخ والجبالي= العطور الفاخره ياهل الكـرم مانـا بخيلـي
والف صلو ع النبي ذي اسلم على يده بلالي= والصلاه ياحاضرين صلو على طـه خليلـي [/poem]