خانتني عناويني00000!!!!!

بسم الله الرحمن الرحيم


هذه القصيده هي للشاعر جاسم أل محمد قراءت القصيده فاعجبت بها فحبيت ان انشرها على صفحات

هذاء المنتدى الجميل اتمنى ان تنال على اعجابكم ورضاكم0


ابيات القصيده هي:



ألا يالغاليه وينك00وش اخبارك وكيف الحال؟00ياأمي كيف نبض الدار00خانتني عناويني

ياأمي لوطغى همي وضاق الصدر والامال0000من اللي يحضن الدمعه قبل ماتحتضن عيني؟

ياأمي لوصرخ صبري(سكنت المر والترحال)00من اللي يقول ياغالي (فدتك الروح وسنيني)؟

بكتك الروح (ف)الغربه00نعم ابكي ونارجال00تذكر حضنك الدافي00دخيلك بس ضميني

عجاف (ن)سبع يااايمه ونا اتبع سراب اللال00ولا اشرب سوى غربة عطش تسقي شراييني

اشوف الناس غير الناس والغربه تهد جبال000ياأمي جاوبي شوق(ن)مع الايام يطويني

هجير لو حرق بعضي 00دفا صدرك (برد)وظلال00ياأمي وش يصبرني ولاغيرك يواسيني

نعم مشتاق شباك المواني وضحكة الاطفال0000نعم مشتاق حارتنا القديمه00لاتخليني

ابي قمحك (خبز يدك)ابي قهوة وطن ودلال000ياأمي (اااااه)في حلقي طعم طبخك يناديني

ياأمي قد شهق شوقي ولا عندي ابدمرسال000لجل يكسر عقوق(ن)بي00زرعته بينك وبيني

نعم ودي اطفي الشوق يااايمه ونجمك جال000على صدر الحنين اللي يقول انك فقدتيني

نعم نفسي تغني لي 00نغم صوتك طرب00موال00نعم ودي اغني لك وتزهربك بساتيني

دخيل الشوق واللهفه 00تراطيفك غيابه طال000وانا(الياثوم)ارهقني 00دخيل الله احميني

ياأمي لولهث وجدي00مطرحبك سقاني زلال000هماج الحب (اوطانك)وطوفانه بيرويني

ياأمي لونزف قلبي رعاف التيه والغربال000ضياعه يطرق ابوابي (اناويني00انا ويني)؟

ياأمي لو هزمني البردوالحمى تخون الشال00ياأمي لورجف قلبي 00فلاغيرك يداويني

ياأمي قدنحت قلبي على شكلك حجر00تمثال00سمعته من كثرشوقي 00يناديني ويبكيني

تعالي ياضفاف الكون بس مره وخوني الفال000تعالي بس(ف)احلامي 00رجا لا تجافيني

نعم ذا الشوق في صدري 00تحت ظهري زرع اغلال00وتقصيري يانبني 00يعذبني ويكويني

نعم قصرت في حقك:(معي زحمة00معي اشغال)00قبيح العذرياأمي:(دخيل الله تعذريني)

نهج ديني يوصيني اشيل الحمل والاثقال0000قضى ربي باحسانك 00نعم واضح نهج ديني

ياأمي لوبكت روحي(سكنت الضيق والترحال)00من اللي يقول:(يايمه00فداك العمروسنيني)

ياأمي لوكبر همي وضاق الصدر والامال0000دخيلك احضني الدمعه قبل ماتحتضن عيني

تعالي واسالي قلبي (وش اخبارك وكيف الحال؟)00ونا بصرخ :(بخير(ن)بس خانتني عناويني!)




وسلامتكم