همس (تناديك الروح)

ينتابني خوف من شوق الهوى والليال
والقلب ينبض بجرحه والمدامع تسيل
غابت ملامح ظهوري والحلا والجمال
من روح ضاقت مخانقها وخافق عليل
حزني مع انفاس لفظي يلفظ الانفعال
باشواق ماعـقبها الا نــار تشعل شعيل
وين السعادة أمـــــانة وين ذاك الدلال
خاب الفرح والتسالي يوم قفّى الخليل
حلمي تبعثر وظني به تقطع وصـــــــال
ياوقت مــاترحم الخافق وتشفي الغليل
مواجعي راسخة فيني رسوخ الجبـــال
من يوم فجـــــأة تركني بين لهفة وويل
لو عـــاد عنده ضمير ياليل قله تعـــــال
وان كان ميّت ضميره جعل مارتاح ليل
#حنـــــان_همس_القوافي
_________________________
تعقيب خالد الحاصل
محال حب العذارى يفتهم لك محال
يرضين ساعة وساعة ناكرات الجميل
سلاحهن دمع مسترسل وفايض دلال
والحق معهن بدعوى مالها شي دليل
تتوهم اشياء تفرضها بطبع الرجال
وتريد دايم يجيها رث خاشع ذليل
مستنفرة كل طاقات الفتن والجمال
والعاطفة دعم لوجستي وعمرك طويل
بالله يامن على قلبي تشد الحبال
لا تاسري قلب متفتح مهذب أصيل
حطي مسافات بين المنكرة والحلال
وتضللي تحت شم الباسقات النخيل
حنا الذي نجترع مر الليالي الطوال
وحنا الذي مننا المجنون من حب ليل
هذا ومازلت في عينك صنم بو رغال
ودايما في نظر عينك سياسي عميل
ان جاك فرحان سيتي له فرح وابتهال
وجاك حزنان جريتي لبوه الصميل