سكرة الموت

جاني وأنا في وسط ربعي وناسي
جاني نشلني مثل ما ينشل الناس
مني نشل روحٍ تشيــــل المآ سي
تشكي من ايام الشقى تشكي اليأس
أثر الألم في سكرة المـوت قاسي
مــا هالني مثله وأنا إنسان حساس
جابوا كفن أبيض مقاسه مقاسي
ولفــوا به الجسم المحنط مع الرأس
وشالوني أربع بالنعش ومتواسي
عليــــه ومغطي على جسمي لبّاس
وصلوا عليّ وكلهم في مآسي
ربعي ومعهم ناس من كل الأجناس
يا كيف سوى عقبا تاج راسي
وإمي الحبيبه ويش سوي بها الياس
أسمع صدى صوتٍ يهز الرواسي
قولوا لهـــا لا تلطم الخد يــــــا ناس
قولوا لها حق وتجرعت كاسي
لا تحترق كلٍ يبي يجرع الكـــــاس
أصبحت في قبري ولا به مواسي
وأسمــــع قريع نعلهم يــــــوم تنداس
من يوم قفوا حل موثق لباسي
وعليّ رد الروح أنا صوت الأجراس
هيكل غريب وقال ليه التناسي
صوته رهيب وخلفه اثنين حراس
وقّف يقول إن كنت يا نمر ناسي
هذي أعمــــــــالك تقـــدّم بكراس
ومن هول ما شفته وقف شعر رأسي
وانهارت أعصابي ولا أرد الأنفاس
ياليتني فكّرت قبل انغماسي
بالغفله اللي منتهاها للإفلاس
وفزعت من نومي على صوت ناسي
وأصرخ واقول الموت ياناس


فهل حذرنا أنفسنا بعد هذا الكلام أم إستمرينا في غفلتنا وتهاوننا ؟ ! وهنا تكمن مشاكلنا نرتدع حال الموقف وسرعان ما ننسى , ولكن الله تعالى لا ينسى ,,,,
اللهم ارحمنا وتجاوز عن ضالنا وهده يا رب