,,كيف تصطادين العريس دون اللجوء الى الاساليب القديمه,,

--------------------------------------------------------------------------------


[align=center]بسم الله الرحمن الرحيم




‏

كيف تصطادين العريس دون اللجوء إلى الاساليب القديمه من المغازلات والترقيم والتلميح الي ماله داعي و.....إلخ




=أهم شي نشني على العجوز الي حاطه عينك على ولدها ثم نفذي مايلي:




1_خليكي مع امك ولاتروحين مع البنات وتتهيبلين اصبري عنهم كم شهر لين تتم العملية.




2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.




3_كلمه خاله خليها دايما على لسانك خاصة لام العريس عشان تحس بنوع من التميز عن باقي العجايز.

#




ملاحظه .لامانع تنادين عجوز ثانية بخالة عشان اذا مانجحت الخطه مع العجوز نبر ون تنجح مع نبر تو الاحتياط واجب وانا اختك.





4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>دارية المثل ماله داعي بس مالقيت غيره.




5_اخوانك الصغار لاحقيهم والعبي معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .




6_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او هندي.





7_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.




8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.




9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.




10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.




11_اذا ادلت العجوز{ام العريس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.





#مثال:تقول العجوز:اوباما متقهوي عندنا البارح

قوليلها:وليه ماعلمتينا ياخاله نجي نساعدكم؟!





12_في العرسات اضغطي على نفسك واقضبي ارضك ولاترقصين واعتبري الرقص عيب





13_اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.




=الحين العجوز بتكون وقعت فالفخ.








نروح للعريس الحين.






1_جلسي في بيت اهلك ولاعاد تطلعين واذا جا العريس بيشوفك خلي ابوكي يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك ان تحط مكانها باسكال مشعلاني}






2_ قبل يجي اليوم الي بيشوفك فيه بحوالي اسبوع او اكثر{حسب شين الوجه}

طوارئ من صالون لصالون صبغ فرد تنظيف بشره..إلخ.





3_اذا جا العريس خلي اخوكي يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.





4_في نهاية المشهد خلي ابوكي يقول:معليش وانا عمك ترى البنت شوي خجوله{معليه يالشايب تنصب عالمسكين}.




وبهاللحظه الولد بينط على راس ويبوسه لين يشفط مخه ويقول متى العرس ياعم؟[/align]