مساجله للشاعر/باعكيم بو عهد واللواء احمد بن بريك بو عصام

مساجله للشاعر/باعكيم بو عهد
واللواء احمد بن بريك بو عصام
ـــــــــــــــــــــــــــ
بدع باعكيم بو عهد
يا بن بريـك إنتـه الزعيـم اليـوم
خلفك بشـــر وحاشيـة وجيـوش
قـررت إن تصبح زعيـــم القــوم
وتـرد عـدن فـي ثوبـها المنقوش
وصــار هــــــذا قـدرك المحتـوم
بالخــوف دربـك والقلـق مفـروش
زعيــــم والزعـماء لهــم مرسـوم
هيـبه فـــي البـدله وللطـربـوش
بنشدك من بشكــة ربــل سلتـوم
وحـــوش عبثـو بالبــلاد وحـوش
مصيرهــم في الـدار يا صمصوم
عـاد شـي لهـم فالبنقله والحوش
أو با يصيــر الدار نـص مقســوم
النص لكـم والنص حق عطروش
وحضرمـوت القـرف لـي مختـوم
كشكـوش يلـعب بهلـها كشكـوش
ــــــــــــــــــــــــــــــ
جواب اللـواء احمد بن بريك
بو عصام
يا باعكيــم شـف رعـدنا دمـدوم
العلـــب لازم بـا ننـوشـــه نـوش
الأمـر برجــال الجنـوب محسـوم
كــم من مغطـى بايقــع مفتـوش
وشرعيـة الإفــلاس تشـبع نــوم
لعـاد تحلــم فـي زلــط وقـروش
مـــال الجنوبـي للسـرق مسمـوم
يكفـي لعب يكفي نهيـب وهـوش
احـنا الإداره فـي الجنـوب اليـوم
بـرع بهـــم صـارو كـبار كـروش
والله وبســـم الواحـــد القيــوم
با نقوش أبوهــم من بلدنا قـوش
حمله على الصاحـي وعالمغـروم
معـاد نبغـى فــي البلـد دحبوش
ومـن حضرمـوت الوادي المزمـوم
با نطـرده كــل *** أبو نخشوش
هــذا جوابــي وأعتقــد مفهــوم
مغشوش فيهــم دارنـا مغشـوش
ــــــــــــــــــــــــــــــ ـ
باعكيـم ابو عهـد