الوقت غالي والثواني ثمينه=مايصنع الساعات غير الثواني

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لاوين يالقايد تقود السفينه=ضيعتنا بين الامل والاماني
تُهنا وتاه امن البلد والسكينه=اغرقتنا في بحر ماله مواني
البوصله في قمرتك مستكينه=قد ضيعت كل الدروب الحساني
ارسي بنا يكفي هلكت المكينه=عجزت بين الموج القى كناني
بر الامان اليوم مطلب بعينه=وقف بنا الامواج هزت كياني
هذا هو الاعصار واسمع ونينه=ماتنفعك قولة فلان الفلاني
بادر بسرعه نج نفسك بحينه=واسلم وسلم مامعك من اواني
قبل السفينه يجعلوها رهينه=عبدالملك والسيد ابن المداني
قد كلهم ذلحين هزه حنينه=لماضيه عهد الامام اليماني
باسباب عهدك كلنا عاهدينه=حتى انا شكله بيخسر حناني
عهدك وعهده لو اردنا نزينه=عهده بيرجح دون اية قراني
اما انت انت اللي تلطخ يمينه=تلطخ اعنيها بكل المعاني
وجيشك المجبور ربي يعينه=على يدينك أي باطل يعاني
شرب بكاسٍ{ن} كلنا شاربينه=ظلماًوعدواناً عياناً بياني
لا سامحك ربي قلبت المدينه=عزل هزيله في هزلها تعاني
العمر من جورك بيشكوسنينه=ماهمني عمري اذا عشت فاني
يظل يفلح مامعي من يدينه=غير المراره والعنا في زماني
عيشي معك ياهووه مكثر انينه=الهم بك من كل جانب لواني
بك تستوي كل المداين حزينه=والغم بك غادر دياره وجاني
ساير بنا للعمق مدري لوينه=ماتستحي خليتنا صف ثاني
زرعت فينا ياحكيم الظغينه=واصبح ببغضك كل واحد اناني
ماشاف موطِّنا ايادي امينه=يقول يا ألله ماذا دهاني
فيمن بهم قد كل واحد عوينه=بعد القدح ماعاد يلقى الثماني
انتو سبب بعد الوطن عن بنينه=رحيلكم قَرَب وآن الاواني
ياماشربتو كلكم من معينه=وآنا شربت المر لوما رواني
بدعي عليكم يالوجيه الدفينه=بدعي على منهو بيَدِه سقاني
بدعي عليكم حين ازور المدينه=وعند رابع ركن ركن اليماني
وقتك مضى ماعاد ينفع تدينه=ماعاد ينفع قول هذا بلاني
الوقت غالي والثواني ثمينه=ولاتصنع الساعات غير الثواني
لو تستغل اللي بعمرك بقينه=قد يمكن ادعي لك انا من مكاني[/poem]