قصيده بدع وجواب بين شيبه وعجوزه ^_^

(السلام عليكم ورحمة الله وبركاته


الصراحه عجبني هذا الحوار الشعري بين الشيبه والعجوز وحبيت أنقله لكم ....وتابعو هذا الحوار الشعري الظريف......
ملاحظة: الجماعه من الخليج ... هههههه ^_^
الشيبــــــــــــــــــــــه:
قلبي شباب ولازم اني اعرّس .. مابا العجوز اللي توسّد على الباب
الخير واجد وانا ماني مفلّس .. عندي فلوسٍ تدعم البنك في الحساب
العـــــــــــــــــــــجوز:
ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك من المس .. والاّ ترى باطب وجهك بالتراب
الشيبـــــــــــــــــــه:
إنتي عجوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نزل بس .. دام الهوى فيني تري كل شي طاب
العجــــــــــــــــــوز:
لا بارك الله فيك يا الشيبه يا النحس .. ما تجيبك الرمسه ولا يجيبك اعتاب
قصرلي صوتك مابي اسمع ولا حس .. عطني طلاقي وانقلع واقبض الباب
الشيبــــــــــــــــه:
دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل هم واعصاب
العجــــــــــــــــوز:
بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على وجهك.. أصلع ولعاب
الشيبـــــــــــــــــه:
فكيني من وجهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب
العجــــــــــــــــوز:
مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه بثمن بخس .. ما تسوى ظفره .. حلوٍ اسمر وجذاب
الشيبــــــــــــــــه:
يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب
العجــــــــــــــــوز:
مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب جاب )س - Massy Versi