حكاية من حكايات حال أهل عدن

اصرفوا رواتب الناس صرفكم الله ...

(منقووول)
😭😭😭😭😭😭😭😭😭😭😭

هذا حال اغلب الناس في عدن
اليوم حصلت لي قصه بالصدفه في الساعه الحاديه عشر قبل الظهر طلعت من البيت لشراء نص كيلو باميه وبالصدفه كان واحد يتحدث مع الخضري ويقول ارجوك شفلي واحد على معرفتك وهو يقصد بذلك زبون من الذي يعرفهم الخضار.فضول مني تداخلت في الكلام لما نظرت في وجه الرجال وشفت عيونه تملأها الدموع قلت للخضار ايش في قال ياعم هذا يقول عنده ثلاجه يشتي يبيعها ماعنده فلوس. انا اخذت الموضوع بجديه وسألته وين الثلاجه قالي هنا بالبيت قريب قلت يلله تعال روني الثلاجه قال الله يحفظك باتشتريها قلت اول اشوفها يمكن خربانه قالي لا والله شغاله مايحتاج المهم مشينا على بيته بيته بنفس الحافه التي اسكنها وصلنا عند الباب دق الباب فسمعت صوت اطفال وهو يقول لهم طريق معي واحد ماهي الا لحظات فتحت البنت الصغيره الباب دخلنا ساني الى المطبخ شفت الثلاجه ممتازه وشغاله فتحتها وشفت فيها جركل او مغرف ماء بلهجتنا وبنفس الوقت اسمع تمتمة بكاء امرأه من غرفه بجانب المطبخ البيت غرفتين بعد سؤالي له كم غرفه عندك..
ونحن نتكلم عن السعر قال ياخي اعتبرها ثلاجتك وشف كم تسوى يلله فين بيتك انا بحملها الان الى بيتك هنا ايقنت ان الاسره ذي في حاله لايعلم بها الا الله قلت زوجتك تبكي ليش الرجال معاشي تمالك اعصابه بكى بكاء احرقني وفجأه تكلمت زوجته من شق الباب قالت ياعم الله يهنيك بالثلاجه قلت وليش بتبيعوها وماعندكم ثلاجه قالت لي والله الذي رفع السماء لنا يومين بلا راشن يعني بلا اكل
مسكتني العبره في صدري عبرة البكاء قلت خلاص باروح اجيب الفلوس من البيت واجي انا بيتي قريب من هنا قال الرجال خلاص باجيبها الان شلهل معي لاعند الباب وبتحملها ونمشي مع..
قلت لا لا انتظرني ذلحين باجيك واهله من هناك يقولو باترجع ياعم صحيح ولا ماتشتيها قلت لا والله برجع والثلاجه مليحه باشلها..
روحت البيت وبيدي الباميه قالولي اهلي تأخرت وين عادك رجعت وليش وجهك شاحب كنك..
قلت القصه كذا وكذا شرحت قصتي لاهل بيتي وسبب تأخوري فأبكيت اسرتي معي
قالولي وذلحين كيف قلت الثلاجه معنا ونحن مش بحاجتها انا حسبت الرجال بيبيع ثلاجه زياده عنده..
اخذت مبلغ مم اعطاني الله وطلعت راجع لصاحب الثلاجه دقيت الباب قال هلا ياعم خلاص اجيبها قلت ايوه خلاص بس عندي سؤال ايش ناقصك انت واسرتك قال تعال شف المطبخ بنفسك قلت لا خلاص مايحتاج ادخل يعني مافيش غير الماء بالماصوره قلت يلله تعال الحقني قال فين اجي قلت تعال لحقني ووصلنا الى متجر قريب اشتريت اغراض كما اشتري لبيتي وهو يتفرج ومنتظر وفي خاطره ان الاغراض لبيتي وهو بايحملها الى بيتي قال هاه باشوف عربيه واجيبها بس معرفش بيتك انتظر ونمشي مع قلت لا هذي الاغراض كلها لك انت وعيالك رجع يبكي في اسغراب من صاحب المتجر والحاضرين زبائنه قالو جزاك الله الخير واعطاه ايضاً التاجر مبلغ والمقتدرين الموجودين ماحد قصر والله الذي تجلا في علاه هذه القصه لازايد ولا ناقص واحمد الله واكثر له شكر كنت بحسب نفسي ان الناس مرتاحين وانا الضبحان له الحمد وله الشكر ماتعاقب الليل والنهار.. ( منقول)

بجد موقف نبيل منة والقصة مؤثرة
لكم الله ي اهل عدن ربي يرحم عبادة ويرزقهم من نعمة
..
أحسنت في طرح الموضوع
شكراً أستاذي

سلمت يداك على الطرح الطيب
يعطيك ربي العآفيه
لك خالص احترامي