|
بدع قايد علي القطنه وجواب الدكتور ثابت عوض الايهر
السلام وعليكم ورحمة الله وبركا ته اسمحوا لي ان اضع هذه القصيدتين
بدع الشاعر قايد علي القطنه ومرسله للشاعرالقدير ثابت عوض اليهري
[poem=font="simplified arabic,6,blue,normal,normal" bkcolor="transparent" bkimage="backgrounds/20.gif" border="double,6,red" type=2 line=0 align=center use=ex num="0,black"]
يقول ابن القطنه مـن حمـر بـادق ثابـت دق= نفد صبري من افعاله وقلبي من كلامـه ضـاق
بطلقه حارقه بحـرق يهـر والعـر بـا يحـرق= خلاص الأمر صـادر باقـي التنفيـذ والإطـلاق
ابو وضاح ما يعـرف كـلام الليـن والمنطـق= بيفهم منطـق القـوه فقـط والضغـط والفـلاق
لذا ملزوم رسـل لـه لـواء كامـل مـع فيلـق= يجيبونه مربـط بالسلاسـل فـي يـده والسـاق
خيارينه يجـي خاضـع مسلـم رافـع البيـرق= او الا البهذلـه والسجـن والتعذيـب والحـراق
انا الغلطـان ذي خليـت ابـو وضـاح يتشـدق= بتشجيعـه وتدليلـه وكثـر الحـب والإشفـاق
وكان المفترض مني من اول يـوم شقـه شـق= لحتى اضمن ولائه والنسـم بـا تتبـع الخنـاق
وبعد الساع يا عـازم أرى يـوم البـلاء حلـق= وبيتي تنهشه فوضه وصار الوضع مـا ينطـاق
بواطل من عيالي والمره ذي كـل سـع تحنـق= أراضيهـا ودللها وهـي بعـد الخطـا تنسـاق
ترعـدل بيتـي المبنـي وأركانـه بتتدحـنـق= أرمم سقفه العالي وخـر السـاس مـن لعمـاق
أمانه يارسولـي قـل لثابـت لا يكـون أحمـق= يعقـل بنتـه العوجـا كفانـا بلبلـه وارهـاق
تسعتعشر سنه تعبـث فـي املاكـي وتتزنـدق= وبتراكض قفا الخيبـه وتتكبـر علـى العمـلاق
وهو راضي لها تخرج مـن العصمـه وتتطلـق= وتبريـره وتحليلـه جثـوم الفقـر والإمــلاق
خساره يـا كبيـر القـوم لا تخجـل ولا تعـرق= انا بسعى للـم الشمـل وانتـه تشتـي الفـراق
على سنـة ومذهـب مـن تبـون آزال تتمـزق = ومذهبنـا ومنهجنـا للـم التفـرقـه سـبـاق
بتتمـرد علـي والشـرط تدينـي ولا مطـلـق = وحسـب الإتفاقيـه انـا وانتـه نكـون ارفـاق
نقـود القافلـه والضايعـه بعـد الأثـر تلحـق = ونبني صرحنا الشامخ على عين العدو ذي ضاق
ولكنـك بديـت اليـوم يـا عفريـت تتمحـذق = بتتملص مـن العهـد الـذي خطيـت بـالأوراق
وانا بـا حـذرك وانـذر بشلـة تـاج لا توثـق = ولا با عـوم والنوبـه ولا بالهاشمـي ذي بـاق
ولا في طارق الفضلـي وهـو بالقاعـده ملحـق = وجيش ابين عدن شاهد على سيل الدماء ذي راق
متى قلي تصالحتوا متـى صـار العـدو أشفـق = من الأب الشفيق اللي على شانك عمـل ميثـاق
ترى للفضلي اطماعـه تمهـل فيـه لا تسمـق = يباكـم للعبوديـه وهــو للسلطـنـه تــواق
نصيحه لك ولصحابك ومن شجـع ومـن صفـق = نصحتك وانت طاوعني أنا بالنصح لـك صـداق
بسرعه مـد يـدك لـي وصافحنـي ولا تقلـق = وخذ ما تطلبه مـن حـق ياثابـت بالاستحقـاق
بشـرط انـك معانـا تدعـم الوحـده وتتبنـدق = وتوقف ضد من يسعى لتمزيـق الوطـن مـزاق
برغبه صادقـه يكفـي علـى الحبليـن تتسلـق = وبين حسـن نياتـك بتوقيـف الحـراك العـاق
بدال البلبله والعنـف حرضهـم علـى المنشـق = عميل إيران والحـوزه بفعلـه خالـف الأعـراق
من اجل الشعب يا ثابت عوض هيا ادخل الخندق = وحارب مـد شيعـي لا معـه وازع ولا أخـلاق
وشف من حقدهم والبغض كـم ارواح لا تزهـق = وشوف الصدر كيف اغرق بلاده بالدماء غـراق
يجـب ان نتحـد ذلحيـن بـالآراء يـا عفلـق = ونتوحد لدحر اكبر خطـر قـادم علـى الاطـلاق
وما بيني وبينـك مـن تعـارض يعتبـر مغلـق = لحتى ننتهي من حوت صعده أسـر والا ازهـاق
وبعده با نصافى نـا وياكـم كـل شـي بالحـق = نزاهه في نزاهـه مـا نبـا خايـن ولا سـراق
تحياتـي وقـل للمشألـي ذي شدهـا واخـفـق = قد الشعبي معي ملحق وبن جعموم لـي سـواق
ختام القافيه با خيـرك وانـت استخيـر انتـق = سلام ابطال للأبطـال والا مـن يـدي مطـراق
وصلي عالنبي مالليل دلهـم والصبـاح اشـرق = وما رعده رعد والسيل من راس الجبـل دفـاق[/poem]جواب الشاعر ثابت عوض اليهري على الشاعر ابو رعد القطنه
[poem=font="simplified arabic,6,blue,normal,normal" bkcolor="transparent" bkimage="backgrounds/42.gif" border="double,6,red" type=2 line=0 align=center use=ex num="0,black"]
توكلنا بخالـق كـل شـي يخلـق ولـم يخلـق = وذي للأرض سطح والسماء سواه سبع طبـاق
ومن ماءٍ ومـن طيـنٍ خلـق انسـان يتنطـق= مكمل في الحواس الخمس جلة قـدرة الخـلاق
وامر لملاك تسجد له وذا ابليس الرجيم انشـق= وجاز الله له اللعنه عقوبـه والعـذاب الشـاق
وما من حبـةٍ مـن خـردلٍ حيـاً بهـا يـرزق =وبين الأقويـاء هـم والضعافـا قسـم الأرزاق
الهي رحمتـك لـي يـوم فيـه الكـل يتسـوق = يساقونا اليك الناس والسـاق التـوت بالسـاق
وحيا الله من جاء كل ما امسـى برقهـا يبـرق= وما امسى السيل من راس الجبل لوديتها دفـاق
عوايدنـا العـرب واعرافنـا فالضيـف نترفـق=ونذبح له سمان امعيزها واعجولهـا والنـاق
وانا جملي ومعروفي مـع قايـد علـي مسبـق = تبنيته قزم حتى استـوى مـا يشبـه العمـلاق
وعلمتـه فنـون البندقيـه كـيـف يتبـنـدق = وهو ما كان يعرف يمسك الريفل مـن العـلاق
وكان ادوع صعيبه يـوم مـن ليـام يتمحـذق =وحذقته وماله مستوى مـن مستـوى الحـذاق
ابو وضاح انا النار الـذي قايـد بهـا يحـرق = وانا صاعق مدوي من خـلال الرعـد والبـراق
وانا البحر الذي قايد علي فـي ظلمتـه يغـرق = وانا السيف الذي ينزل بلعداء ضرب فالأعنـاق
انا شاعـر ولـي جمهـور لشعـاري بيتـذوق = وقايد بـن علـي لا يمتلـك جمهـور لـه ذواق
ولي هاجس براسي لا صعق كالكهرباء يصعـق = ويتفجر شهب ويصيب فيها كـل شاعـر عـاق
تفرد فالهواجس فـي سمـاء الشعـار واتألـق = وماذا الشاعر الا من شعورالشاعـر المصـداق
وردي عالقطنـه غايـة التنسـيـق يتنـسـق = تبجح وافترى بالبـدع واتشـدق بـه اتشـداق
عدن ذي خلتـك يـا لقلقـي عالنـاس تتلقلـق= وحررتك عدن من حكـم زيـدي دحقـك دحـاق
عـدن يـا بقبقانـي خلتـك عالنـاس تتبقبـق= وتحكم طوقها مـن مكتـب التسييـس للحـلاق
حكمتوا في عدن وانتو دخلتوها مـن المشـوق =وبرمجتوا مع صنعاء نظـام الفتـح والإغـلاق
وكنتو انتوا اصحـاب القـرار الهـام فالمرفـق= وكمن حـر لفيتـوا بعنقـه ربطـة المشنـاق
بفضل ابليـس ذي خـلاك تتفلسـف وتتزنـدق =تنازل لـك بحـق الغيـر لا مبـدأ ولا أخـلاق
خلق منك شديد الباس وانتـه عاجـزاً معـوق = نزل لك من على ظهر الجمل ويسير لك سـواق
وذا خطـي يحلـق بـه مـع الطيـار ذا حلـق =من اجنوب اليمن لا أرض زايد يطـوي الآفـاق
دبـي ذي فـي مراكزهـا التجاريـة بتتفـوق =وفيها سوق حـره عالميـه عـرض واتسـواق
تجد بورعد مـن مقهـى إلـى مقهـى بيتنـذق= وبلغته تحيـه عاطـره منـي واحـر اشـواق
وقلـه لا متـى بـا يستمـر يمـدح ويتنـفـق = متى يدلي بكلمة حـق يكفـي مـدح واتمـلاق
متى يؤمن بيوماً فيه روح المـرء بـا تزهـق= وبه نطق الجـوارح جـل موحيهـا بلستنطـاق
لا عـذب عذابـه حـد ولا بوثـاقـه يـوثـق =خـذو قايـد فغلـوه صلـوا فيـه للمـحـراق
انا ببذل جهودي افضـح الباطـل أمـام الحـق= وقايد بوق للباطل من اخبـث واخطـر الأبـواق
أخصائـي فـي التزييـف للواقـع وللمنـطـق= وقلدتـه مربيتـه وسـام الخـايـن الـبـواق
وادنا حكم يصـدر فيـه انـه بالحجـر يرشـق= ولا يستاهل الرأفـه ولا الرحمـه ولا الأشفـاق
ومهما جـازوا اعتاقـه لوجـه الله لـن يعتـق =وهـو للشـر متلهـف ولشعـال الفتـن تـواق
وامـا عـن مبادرتـه درسنـاهـا ونتحـقـق= وضاقة بي رحبها فوق مانـا مكتئـب منضـاق
مبادرته حصانه تحمـي المسـؤول ذي يسـرق= بإصلاحات سطحيـه ونيـة سـؤ فـي لعمـاق
أنا مالي قضيه فـي القضايـا ذي لهـا طـرق= ولا ليـه جمـل فيهـا ولاناقـه ولا مـسـواق
انا صاحـب قضيـه عادلـه كـلاً لهـا صفـق= قضية شعـب حـدد موقفـه للحريـه مشتـاق
مبادرتـه لنـا لا نبتهـج منـهـا ولا نقـلـق= تناقش فعل ماضي من مجرد ذكـر مـا ينطـاق
فلا عوده لذا الماضي ولو نور الصبـاح اشـرق= من المشرق ولو ضؤ الصباح اغرب من الإشراق
جاء في وقت متأخر يحاورنـي حـوار احمـق= ولا واضع حساب ان الجنوبي من سباتـه فـاق
من التسعين وانتي يا عـدن لا يومنـا ملحـق= وضليتـي لسلبيـه النظـام الفاشـل المعـلاق
نظـام السلبيـه عنـده وليجابيـه مـا تفـرق= عديم الحس لا رؤيـا ولا سمعـاً ولا استنشـاق
نظام اعتاد رزقه من معـاش اتلشعـب يتـرزق= ويقتـل صفـوة اولاده بيـده خشيـة الإمـلاق
يحاجينـا بلقمتنـا ونحنـا ذي بـهـا نـعـرق= وبالتالي جعل مـن شعبنـا شحـات فالأسـواق
ومن صيف اربعه وابن الجنوب الحر قـد طلـق= ولا هو مستعد فـي كـل فتـرة يثنـي الطـلاق
لصالحنـا جميعـاً اننـا عـن بعضنـا ننشـق= من ارض الجن يا قايد وانا من ارض واق الواق
براميلك يعوديـن الشريجـا ذي فـي المفـرق=ونتقيد بحسن الجار ونعيش أصدقـاء وارفـاق
وأما المشألي مـا يعدلـه مـن عينتـك فيلـق= عريقيـن السلالـه لآل يعقـوب ولآل اسحـاق
وصلى الله وسلم عدمـا الراعـد رعـد وابـرق= على من جاء يعلمنا معانـي الديـن والأخـلاق[/poem]
|
المواضيع المتشابهه
العرض العادي
