رد: همس (تناديك الروح)
الشاعرة حنان عبدالله همس القوافي
لامر طيفك على الصدفه يناظرني
اهلهل الدمع والابيات اغنيها
طيفك اذا مرني باالحزن يشعرني
مشتاق لك حيل يادنياي واجملها
كانت حياتي معك من قبل تهجرني
أجمل حياه عشتها وانته محليها
واليوم من بعد هجرك يامفارقني
تلك الحياة السعيدة غاب طاريها
من طول بعدك رياح الشوق تعصفني
روحي حزينه ولا ادري من يسليها
كنت الهوى اللي بدنيا السعد ماخذني
يرش روحي مطر عطفك ويرويها
وصيت قلبي يحبك يامعذبني
لاتترك الفاتنة للشوق يشويها
لو عندك احساس يكفي هجر يكفيني
تعال وروي زهور اغاصني ارويها
هجرك دماري بربك لاتدمرني
لهيب الاشواق جوفي من يطفيها
وان كنت ناوي بنار الهجر تقتلني
حسبي عليك اللذي للروح يحييها
#حنان_همس_القوافي
____________________________
تعقيب خالد الحاصل
همس القوافي ببوح اشعار يشجيني
يهيج احساس مكنوني ويحييها
يفتح ازهار ذبلت في شراييني
ويجتذي زيت شمعة كنت طافيها
يا حساس عشقي الذوي وينا توديني
ويا حياةٍ ذوت في كل ما فيها
يامالك القلب يا اهيف يانظر عيني
ياراحة الروح يا اجمل موانيها
رغم المسافات مابينك ومابيني
النفس ماتعشق الا ابعد امانيها
ارشف يمينك وضمك في تلاحيني
والعين تسقي خدودك من مآقيها
الحب مجبول في قلبي وتكويني
احب ضرب الوغى واعشق معانيها
في البحر والحب محدا عاش يثنيني
ابيت في لج واضحي في شواطيها
لو رمت ريم الفلا ماعاد يعنيني
همز العواذل ولا محراب راعيها
ك خالد الحاصل
|