لله يامحسنين
 

# محتاج لـ الصمت .. مرّ العمر كلّه : كلام
مابخسر إن ما كسبت الحزن فيني سنين
هذي نتايج .. تخاذلهم .. بـ كلّ : اهتمام
اللي أخذ : فرحتي واللي تركني : حزين
من يجبر بـ خاطري كسر الخواطر حرام
من يشعر : بـ قسوة أيامي .. عليّ ويلين
من يعطي النوم عيني .. ما تعٓرف المنام
*من يستمع لي وصوتي ممتلي : بـ الأنين
من يحزن لـ جرحي الأوّل لـ جرح الختام
*من : يقتل الشكّ فيني بعد موت : اليقين
*من يخلص لجفن غنى وإنعزف لـ السلام
*الدمع .. من يمسحه ؟؟ .. لله يا محسنين
*لا مرّوا البال ؟؟ .. ما مرّوا .. مرور الكرام
*وإن مرّوا العين طاحوا ، وأحضنتهم يدين
رفعتهم من بعد ما طحت .. فوق : الغمام
خـذوا كثر ما عطيت .. وشفتهم : راحلين
أشرقت فيهم وفا .. وأعطيتهم : بـ إحترام
وشلون .. من بعد .. هذا كلّهم .. مغربين
يا دمعي الحار لا من طحت طيح بـ سلام
أمانتك .. لا تطيح .. إلا : على المخلصين
كرهت .. هذا السهر ، ماني حبيب الظلام
ردّوا : لـ عيني .. صباح النور .. يا غايبين
لي " قلب " لا حبّ ما ينسى حبايبه ، دام
هنا لهم .. " ذكريات " وكلّ ليلة : " حنين "
*محتاج لي ذاكرة تمسح .. وتنسى : الكلام
ما تمسح : الدمع تمسح : ذكريات السنين
ماهو حرام : التعب .. والحزن ماهو : حرام
لكن : حرام .. إنّي أبقى طول عمري حزين

#عبادي_الزهراني

مما راق لي

رد: لله يامحسنين
 

يا سلام عليك روووووعة
ذوق راقي في الاختيار. ..
سلمت يداك الكريمة. ...
أختي قلت اهمهم ههههههههههه
أي ادندن بكاء الجوال قبل لا تبكي عيوني. ..
جعل اياديك ما تمسهم النار ...
ولا الدمع يمس عيونك. ....
:
لك احترامي وتقديري ...
ولك الإخاء والوفاء يا أميرة السماء
:
أخيك الوعدالقاطع

رد: لله يامحسنين
 

صح الله لسانه

وسلمتي على النقل ااااميرة

مووووووفقه

رد: لله يامحسنين
 

يا دمعي الحار لا من طحت ... طيح بسلام
امانتك ... لا تطيح .. إلا على المخلصين
الله عليك أميرة
هذان البيتين عجبوني
صح لسانك يا قلبي
وسلمت الأنامل .

رد: لله يامحسنين
 

اختيار راقي وموفق بوركتي اميره على روعة الاختيار والطرح