منتديات سماء يافع - ((بدع الشاعر/ناصر صالح بيبك/وجواب الشاعر/ابوحمدي الناخبي))

[align=center]هذي القصيده من كلمات الشاعر/ ناصر صالح بيبك (البكري)
وهي مرسله للشاعر/عبدالقادر احمدمحمد المنصوري(ابوحمدي الناخبي)[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="double,5,blue" type=0 line=0 align=center use=ex num="0,black"]
بسمك ابديت يا من كله احصيـت علمـه=عالم الغيب ما غيرك في الحـال معلـوم
يا من اكسيتني من فوق عظمـي بلحمـه=احمـدك كلمـا يتلـو بطـه وبـالـروم
وبن بيبك يقول الهاجـس اقبـل بنظمـه=بعد مـا كـان متغيـب علينـا ومعـدوم
جاب قيفان موزونـه علـى كـل كلمـه=قال طاب السمر يا ناصر اصحى من النوم
ونشرح خاطـري والقلـب فـرج لهمـه=بعد ما كنت متضايـق مكـدر ومهمـوم
شد حيلـي وقـال الامـر لابـد حسمـه=عاجل اسرع تران الخـط باليـد منظـوم
قلت يا مرسلـي بالخـط شلـه وضمـه=نحو بندر عـدن شلـه ملحـم ومختـوم
مقصدك نحو ابو حمدي وذا الخط بسمـه=وهد له وردي الفاتـح وكـادي ومشمـوم
واهد من عطري الفاخر بريحـه وشمـه=خاص مني لبو حمدي وخوتـه ولعمـوم
بـادره بالتحيـه كيـف حالـه و علمـه=هل عسى الناخبي عايش براحه ومنعـوم
ون سئـل عننـا قلـه بكتمـه وظلـمـه=لا جزع يوم نعمه يقبـل اسبـوع مشـؤم
سلط الله على شعب اليمـن خـس بُومـه=شله الخيروالشعب الابي شعـب مهـزوم
كسـره جملـه اظلاعـه ودقـه لعظمـه=جابه الضيق والكربه وحـارق ومسمـوم
والجـرع كتفـه ساقـه ومصـه لدمـه=ما قدر يشتري كيلـو طماطـم ولا ثـوم
والمسائيـل ذي فيهـا مخـاريـم ذمــه=كل واحد في القامـوس جاحـد ومذمـوم
ثروت الشعـب شلـو منهـا كـل نعمـه=والمواطن من الثروات والخيـر محـروم
ذا خرج فصل وعقب فصل ثانـي يتمـه=حول صعده وذي فيها من اخبار وعلـوم
قالوا الحوثي اقبلنـا يبـا الحكـم حكمـه=والمشاكل سببهـا بيـن حاكـم ومحكـوم
قـد جمـع كـل اخوانـه واولاد عـمـه=والجراثيم يعقـب بعدهـا الـف جرثـوم
زاد للشعب لطمـه فـوق ميتيـن لطمـه=والمواطـن اسيـر اللطـم لازال ملطـوم
والحكومه مـع القـاده يسـوون زحمـه=لا استفدنا ولا جا منهـم قـول محسـوم
كل جلساتهـم بالهـرج ضحكـه وبسمـه=والصور زايده من فـوق سبعيـن البـوم
والنتيجه مـن الجلسـات توجيـه تهمـه=قالو الحوثي ارهابي وذا القـول مجـزوم
لاكـن المشكلـه لـو دس حقـده وسمـه=با يفرق اسر لو ما اصبح اليوم مخصـوم
ايـن قاداتنـا ذي هـم براحـه ونعمـه=اين امن البلد ذي ببصره شبـه مهضـوم
واعرف الامن مـا بيفيـد حتـى بهجمـه=ويش من فايده للفيل مـن دون خرطـوم
كم هتفنا ومـا حـد منهـم شـد حزمـه=همه القات والمعـده تبـا الحـم مفـروم
ابتلينـا بهـم عالحنجـره خـس عظمـه=من يكلها اختنق ون صام بيموت محـروم
واصبحه ارضنا يا ناس في جوف أزمـه=شبـه متوفيـه والمـوت لازل ومحتـوم
اين ذاك اليمن ذي كـان فـي كـل قمـه=فوق كل القمم واسمـه منقـش ومرسـوم
اصبح اليوم متعـري ومصـدوم صدمـه=يا ابن منصور كيف اصبح مبهذل ومهدوم
ذا سؤالي وبـو حمـدي بعقلـه وفهمـه=با يحلل سؤالي حسب مـا كـان مفهـوم
وكتفـي لاهنـا والعـذر عـن أي كلمـه=صغت بدعي وبو حمدي في الرد ملـزوم
واذكر المصطفي ما شعشعه كـل نجمـه=صل يا سامعي ما يمسي السيـل مزجـوم[/poem]
[align=center]هذي القصيده جواب الشاعر/عبدالقادر احمد محمد المنصوري ابوحمدي الناخبي
على الشاعر/ناصر صالح بيبك البكري[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="double,5,blue" type=0 line=0 align=center use=ex num="0,black"]
عالم اسرارها سبحانه العلم علمه= بك تبديت وتوكلت ياحي قيوم
مامن انضاق الااونت فرجة همه=كاشف الضر سالك تجعل السر مكتوم
مرحبا قال ابو حمدي بمن لاح نجمه=مرحبا الاف ياحيا في اولاد لعموم
مكتب الناخبي رحب باسمي واسمه=والوفاء بيننا والعيش والملح بيدوم
ياحمام الحسيني ردي الصوت يمه=وارقصي يابلابل حيد صيره وسلوم
مرحبا ناصر البكري وحيا بنظمه=وزن بندر عدن حياك ياسيد القوم
ضيف غالي توصلني بينشد بعلمه=نظم ابيات يطلبني بها اخبار وعلوم
هاجسي جاوب البادع وقم بالمهمه=من طلب علم عالمته وفي واجبك قوم
بعد ذا الساع ياعازم بخطي وختمه=شل ردي معك عاني معنى وملزوم
انطلق من عدن لاقمة اجبال صمه=مسقط الراس يافع ذي بها كل صمصوم
ياسلامي على يافع يصل كل قمه=عم فيها مثيل السيل ذي يدهم السوم
في بني بك تجد ناصر بشحمه ولحمه=لايده سلمه خطي مختم ومحكوم
واهد له عطر باريسي مميز بشمه=والورود اهد له من كل بستان حمحوم
له سلامي ولخوانه ولاولاد عمه=واهل بيبك جميعآ عام مني ومعموم
فصل اول خرج والثاني ادخل برقمه=لازم اشخصه وصدر قراري بمرسوم
حول وضع اليمن ندعي له الله برحمه=عادها مبعده وحبالها داخل الروم
للاسف وضع مزري في بلدنا تعمه=في جنوبه شماله شعبنا صار مهموم
كم تجرع صبر ذاقه تألقم بطعمه=والجرع ذي بها العلقم مع سم مسموم
يخلطو السم له وسط العسل دون علمه=خدرو الشعب ماشفته تصحصح من النوم
والفساد الادراي زاد لطمه بلطمه=والضحيه هوا الشعب الذي صار ملطوم
راح جمال وقبل بن مجور بحلمه=مايحقق امل والوضع مازال مهدوم
من شبع راح يتجشي من اللحم تخمه=خذ نصيبه وقادر بعد ماشل مقسوم
وقبل الجيع للمنصب وبه الف خرمه=مايفكر بدكتوره ولا كان دبلوم
حالنا هاكذا لاشي تصدق لزعمه=حبر فوق الورق سجل عليهم من الوم
حسب قول المثل من ساير انسان خمه=وين ماوه يابن الناس من ساير البوم؟
يالله استر علينا من عيال الدكمه=لاتولي علينا حكم ظالم لمظلوم
فصل ثاني خرج والثالث ادخل بحسمه=وضع صعده قده باليد ياذاك محسوم
ذي دفعهم وشكلهم شف الحكم حكمه=بالحكومه عناصر تعشق الحر والحوم
لجل مصلحتهم ماعندهم أي ذمه=والمصيبه لماء شفته يصلي وبيصوم
من يشجع روافض بايقع يوم لقمه=بيدهم يعصدونه كل موذي وجرثوم
من فتح باب يتحمل مشاكل برمه=النتايج وخيمه يدفعوها في الكوم
حسب قول المثل بيده تصوب بسهمه=من تصوب من ايده زاده الله بهموم
والبلد امنها يتبع رجال المهمه=ليس امن الموطن امننا صار معدوم
من معه مال يستأجر عساكر وطقمه=حالنا هاكذا ياناصر الوضع مفهوم
لاهنا باكتفي والقاف كرر برقمه=معذره يابن بيبك لوقصر أي معلوم
والف صلي على من زاده الله رحمه=اخر الانبياء ذي فضل الله على القوم[/poem]