أعظم (وجع) بالحب لا صرت تشتاق
لـاللي تحب ولا أنت قادر تشوفه !

يكويك "جمرٍ" داخل القلـب حـرّاق
زود ٍعلى نـاره تهـدّك طيوفـه !

لا مرّ بعيونك كمـا نـوض بـرّاق
مالـك مجـال إلاّ تسايـر ظروفـه

ياصاحبي لو بينـي وبينـك آفـاق
نفسي معك في كـل حالـة شغوفـه

ما كنت "قبلك" خلف الإحساس أنساق
وإن شفت درب الحب أسكت وأطوفه

لين جاني منعطف سيـل الأشـواق
بأمر الغرام اللي سطت بي سيوفـه

قاومت لكن ! خافي الحب ماطـاق
صابه صمود ٍ زلزل أجزاء خوفـه

بغيت أردّه بس حسيـت بإخفـاق !
في لحظة ٍ"مـد" لـكفوفـك كفوفـه

جا لك ولا كنت أحسب الحب دفـاق
لين أغرق الخافق وسال بـنزوفـه

أثْـر المحبـة نبضهـا دوم سـرّاق
دمي وهو دمي بجسمـي تحوفـه !!

حاولت أداري حب قلبي بـالأوراق
وأثْر الورق ماهي أمينـة حروفـه

سلّ المشاعر من متاهات الأعمـاق
وأصبح يفسرّ كل وضـع بوصوفـه

يكتب تقارير الغلا وقـت الإشـراق
وعند المسا يعطيك باقـي كشوفـه

يا"جامع" ٍ حنيّـة الكـون بأخـلاق
معذور قلبـي لـو يضمـك بجوفـه.ْ~


مماراق لي ..

منقول طبعا ..

يسلمكم ربي يالغالين ويعطيكم ربي مليون عافية ..

أحمد اليزيدي - أتنفس هواكـ ..

مروركم أسعدني جدا ..

أشكركم من أعماااق قلبي ..

دمتم بود وكما تتمنون ..

خالص تحياتي وتقديري لكم ..