أستاذنـك بسافـر أيـام وأجـيـك

وإن طالت أيـام السفـر لاتحاتـي

حتى ولـو طولـت مانـي مخليـك

ياللي بدونك وش تسـوى حياتـي

تامر علـى حاجة؟؟بودعـك واليـك

عسى عوض الأيام فـي المقبلاتـي

حتى يـدي ماودهـا تفـارق يديـك

ساكت وأنا أشوف البلا في سكاتـي

ماشفتني لارحت منك التفـت فيـك

بـلاي والله روحتـي والتفـاتـي

لكن قبـل مـا أروح ودي أوصيـك

وأنت الوحيد اللـي يقـدر وصاتـي

لاحدٍ سالـك وقالـك ويـن مغليـك

قلـه لـوازم لاقضـاهـا بيـاتـي

وإن طروا النسيان مانـي بناسيـك

ياراس مالي في الحيـاة وغناتـي

وإن طروا السلون مانـي بساليـك

طيفك معي حتى وانا فـي صلاتـي

وقلبي وهو قلبـي إذا مـر طاريـك

لولا ضلوعي كـان عـزوا مماتـي

لو جض صدري كان يمديـه ياتيـك

ويبـات عنـدك ويهنـأ بالمباتـي

أنـا وقلبـي والغـلا ساكـنٍ فيـك

وأنته وقلبك والغـلا وسـط ذاتـي

غلاك مثل الحكـم عنـد المماليـك

أكبر طموحـي... لا كـل أمنياتـي

شف في غيابي أي حاجـة تسليـك

لاني بعـدك أسلـى مـع ذكرياتـي

أحـاول أذكـر أي شـئ يطـريـك

واقول هوه سوى وأنا ذي سواتـي

كني مـوادع كـل شـئ حواليـك

وكني حسبت حساب حـزة وفاتـي

أحب لاني ماقـدر أنسـاك وابيـك

ولا أقـدر اخليـك ياللـي تحاتـي

معنى أحب.. وما اقدر أنسى..وأخليك

يعني بدونك ويش تسوى